ഊബറിൽ ഈ മാസം രണ്ടാം തവണയും പിരിച്ചുവിടൽ; 3000 പേർക്ക് പണി പോകും, ഓഫീസുകൾ അടച്ചുപൂട്ടും

ഊബർ നഷ്ടത്തിൽ

വൈറസിന്റെ വ്യാപനത്തെ ചെറുക്കുന്നതിനായി അമേരിക്കയുടെ വിവിധ ഭാഗങ്ങളും മറ്റു രാജ്യങ്ങളിലും ഗതാഗതം നിർത്തി വച്ചത് ഊബറിന് വലിയ തിരിച്ചടിയായി. ഊബറിന്റെ വരുമാനത്തിന്റെ മൂന്നിൽ രണ്ട് ഭാഗവും യുണൈറ്റഡ് സ്റ്റേറ്റ്സിൽനിന്നും കാനഡയിൽ നിന്നുമാണ് ലഭിക്കുന്നത്. അവിടെ മാർച്ച് പകുതിയോടെ തന്നെ ആളുകളോട് വീടുകളിൽ തന്നെ തുടരാൻ ആവശ്യപ്പെട്ടിരുന്നു. ഏപ്രിലിൽ ആഗോളതലത്തിൽ ട്രിപ്പുകൾ 80% കുറഞ്ഞുവെങ്കിലും സാവധാനം വീണ്ടെടുക്കുകയാണെന്ന് കമ്പനി അറിയിച്ചു.

ഓഫീസുകൾ അടച്ചുപൂട്ടും

അടുത്ത 12 മാസത്തിനുള്ളിൽ കമ്പനി സിംഗപ്പൂരിലെ ഓഫീസ് നിർത്തലാക്കുമെന്നും ഏഷ്യ-പസഫിക് മേഖലയിൽ മറ്റൊരു പുതിയ ഹബിലേക്ക് മാറുമെന്നും ദാര ഖോസ്രോഷാഹി പറഞ്ഞു. സാൻ ഫ്രാൻസിസ്കോയിലെ പിയർ 70 ലെ ഓഫീസ് ഉൾപ്പെടെ 45 ഓളം ഓഫീസുകളും ഊബർ അടയ്ക്കും. ഭക്ഷ്യ വിതരണ ബിസിനസ്സ് ശക്തിപ്പെടുത്തുന്നതിനായി ഗ്രബ് ഹബ് ഇങ്കുമായി ചർച്ച നടത്തിക്കൊണ്ടിരിക്കുന്ന കമ്പനി, നോൺ-കോർ ഇതര പദ്ധതികളിലെ നിക്ഷേപം കുറയ്ക്കാൻ പദ്ധതിയിട്ടിട്ടുണ്ട്.

സ്വിഗി പിരിച്ചുവിടൽ

കൊറോണ വൈറസ് മഹാമാരിയെ തുടർന്ന് ഓൺലൈൻ ഭക്ഷണ വിൽപ്പനയിൽ പ്രതിസന്ധി രൂക്ഷമായതിനാൽ അടുത്ത ദിവസങ്ങളിൽ 1,100 ജീവനക്കാരെ പിരിച്ചുവിടുമെന്ന് ഫുഡ് ഡെലിവറി കമ്പനിയായ സ്വിഗ്ഗി കഴിഞ്ഞ ദിവസം അറിയിച്ചിരുന്നു. നഗരങ്ങളിലെയും ഹെഡ് ഓഫീസിലെയും 1,100 ജീവനക്കാരോടാണ് പിരിഞ്ഞുപോകാൻ ആവശ്യപ്പെട്ടിരിക്കുന്നത്.

സൊമാറ്റോ പിരിച്ചുവിടൽ

പ്രതിസന്ധി ബിസിനസിനെ സാരമായി ബാധിച്ചതിനാല്‍, 520 പേര്‍ അല്ലെങ്കില്‍ 13 ശതമാനം ജീവനക്കാരെ പിരിച്ചുവിടുമെന്നും ബാക്കിയുള്ളവരില്‍ 50 ശതമാനം വരെ ശമ്പളം വെട്ടിക്കുറയ്ക്കുമെന്നും ഓണ്‍ലൈന്‍ ഫുഡ് ഡെലിവറി കമ്പനിയായ സൊമാറ്റോ അറിയിച്ചിരുന്നു. കഴിഞ്ഞ ഒരു വര്‍ഷത്തിനിടയില്‍ ഇത് രണ്ടാം തവണയാണ് ജീവനക്കാരെ സൊമാറ്റോ പിരിച്ചുവിടുന്നത്.