ഇന്ത്യന്‍ ഓഹരി വിപണി: വരും ആഴ്ചയിലെ പ്രകടനം എങ്ങിനെ?- വിദഗ്ധര്‍ വിലയിരുത്തുന്നു

ഇന്ത്യന്‍ ഓഹരി വിപണി കഴിഞ്ഞ ആഴ്ച ശക്തമായ ഇടിവ് രേഖപ്പെടുത്തി.പശ്ചിമേഷ്യന്‍ സംഘര്‍ഷവും ഉയരുന്ന ഊര്‍ജ്ജവിലയും നിക്ഷേപകരുടെ ആത്മവിശ്വാസത്തെ ബാധിച്ചു.

ഹോര്‍മൂസ് സ്തംഭനം തുടരുമെന്ന ഇറാന്‍ പരമോന്നത നേതാവ് അലി ഖമേനിയുടെ പ്രസ്താവനയും രൂപയുടെ മൂല്യമിടിവും വിദേശനിക്ഷേകരുടെ പിന്മാറ്റവും സ്ഥിതി വഷളാക്കി.

സെന്‍സെക്സ് 4,354.98 പോയിന്റ് (5.52%) ഇടിഞ്ഞ് 74,563.92 ലെവലിലും, നിഫ്റ്റി 50 1,299.35 പോയിന്റ് (5.31%) ഇടിഞ്ഞ് 23,151.10 ലെവലിലുമാണ് ആഴ്ച അവസാനിപ്പിച്ചത്. അടുത്തകാലത്തുണ്ടായ ഏറ്റവും വലിയ പ്രതിവാര ഇടിവാണിത്.

വിപണിയുടെ ദിശ

വിനോദ് നായര്‍ (ഹെഡ് ഓഫ് റിസര്‍ച്ച്, ജിയോജിത്ത്) പറയുന്നതനുസരിച്ച് പശ്ചിമേഷ്യയും ക്രൂഡ് ഓയിലും വരും ആഴ്ചയും വിപണിയുടെ ഗതി നിര്‍ണ്ണയിക്കും. എണ്ണവില ഉയരുന്നത് വിലക്കയറ്റത്തിന് കാരണമാകുകയും കോര്‍പറേറ്റ് ലാഭത്തേയും കറന്റ് അക്കൗണ്ട് ബാലന്‍സിനേയും ബാധിക്കും.

ശക്തമായ ഡോളറും ഉയര്‍ന്ന യുഎസ് ബോണ്ട് യീല്‍ഡും വിദേശ സ്ഥാപന നിക്ഷേപകരെ (FII) ആകര്‍ഷിക്കുമ്പോള്‍ അവര്‍ കൂടുതല്‍ വില്‍പന നടത്താനുള്ള സാധ്യതയുണ്ട്.

ശക്തമായ ഓഹരികളില്‍ നിക്ഷേപം നടത്തുകയാണ് ഉചിതമെന്ന് വിനോദ് നായര്‍ പറഞ്ഞു. ക്രൂഡ് ഓയിലുമായി ബന്ധപ്പെട്ട മേഖലകളില്‍ സമ്മര്‍ദ്ദം തുടരും.

ട്രേഡിംഗ് തന്ത്രം

റെലിഗെയര്‍ ബ്രോക്കിംഗ് റിസര്‍ച്ച് എസ് വിപി അജിത് മിശ്ര, നിക്ഷേപകരോട് ജാഗ്രത പുലര്‍ത്താനാവശ്യപ്പെട്ടു.

അസ്ഥിരമായ സാഹചര്യത്തില്‍ നിക്ഷേപകര്‍ ശാസ്ത്രീയമായ റിസ്‌ക് മാനേജ്‌മെന്റ് പിന്തുടരണം.

ഫാര്‍മ, ഊര്‍ജ്ജം പോലുള്ള മേഖലകളില്‍ മാത്രം തിരഞ്ഞെടുക്കപ്പെട്ട ഓഹരികളില്‍
നിക്ഷേപം നടത്തുകയും, ലീവറേജ് ഉപയോഗിച്ച് വ്യാപാരം നടത്തുന്നത് ഒഴിവാക്കുകയും വേണം.

സെന്‍സെക്‌സ്: ശ്രദ്ധിക്കേണ്ട ലെവലുകള്‍

സെന്‍സെക്‌സ്, 75600 ലെവലില്‍ വില്‍പന സമ്മര്‍ദ്ദം നേരിടുമെന്ന് വിദഗ്ധര്‍ പറയുന്നു. ഹെവി വെയ്റ്റുകള്‍ മികച്ച പ്രകടനം നടത്തിയാലും ഈ മേഖല നിര്‍ണ്ണായകമാകും.

വലിയ രീതിയില്‍ നിക്ഷേപം നടത്തുന്നതിനേക്കാള്‍ തിരഞ്ഞെടുത്ത ഓഹരികളില്‍ വിലകുറഞ്ഞ സമയത്ത് നിക്ഷേപിക്കുന്നതാകും ഉചിതം.

നിഫ്റ്റി 50: ശ്രദ്ധിക്കേണ്ട ലെവലുകള്‍

നിഫ്റ്റി 50 തുടര്‍ച്ചയായ മൂന്നാം ആഴ്ചയും ഇടിവ് നേരിട്ടു. നിലവില്‍ 23151.10 ലെവലിലുള്ള സൂചിക 22900 ലെവലില്‍ പിന്തുണ നേടും.

ഈ ലെവലില്‍ ശക്തമായ വാങ്ങലിന് സാധ്യതയുണ്ട്. ഈ ലെവലും ഭേദിച്ച് സൂചിക
താഴുകയാണെങ്കില്‍ 22,500 ലെവലിലായിരിക്കും അടുത്ത പിന്തുണ.

നിഫ്റ്റി കുതിക്കുന്ന പക്ഷം, 23,800-24,300 ലെവലില്‍ വില്‍പന ശക്തമാകും. ഈ മേഖല പ്രതിരോധമായി പ്രവര്‍ത്തിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.