Click it and Unblock the Notifications
അമൃത് ഭാരത് പദ്ധതി: കേരളത്തിലെ ഈ ഏഴ് റെയില്വേ സ്റ്റേഷനുകളില് യാത്രക്കാര്ക്ക് അത്യാധുനിക സൗകര്യങ്ങള്
കേരളത്തിലെ ഏഴ് റെയില്വേ സ്റ്റേഷനുകളുടെ പുനരുജ്ജീവനം ഇന്ത്യന് റെയില്വേ പൂര്ത്തിയാക്കി. അമൃത് ഭാരത് സ്റ്റേഷന് പദ്ധയിലുള്പ്പെടുത്തിയാണ് നവീകരണം.
ചാലക്കുടി, ചങ്ങനാശ്ശേരി, ചിറയിന്കീഴ്, കുറ്റിപ്പുറം, ഷൊര്ണൂര് ജംഗ്ഷന്, വടകര, വടക്കാഞ്ചേരി എന്നിവയാണ് ആധുനിക സൗകര്യങ്ങള് ലഭ്യമായ റെയില്വേ സ്റ്റേഷനുകള്.
സംസ്ഥാനത്തെ സംബന്ധിച്ചിടത്തോളം നിര്ണ്ണായകമാണ് ഈ റെയില്വേ സ്റ്റേഷനുകളുടെ സ്ഥാനം. അതുകൊണ്ടുതന്നെ, ഇവയുടെ പുനരുജ്ജീവനംഒരു ചരിത്രപരമായി ഒരു നാഴികകല്ലാണ്.
നവീകരിക്കപ്പെട്ട പ്ലാറ്റ്ഫോമുകള്,കാത്തിരിപ്പ് കേന്ദ്രങ്ങള്,ശുചിത്വ സൗകര്യങ്ങള്,ഡിജിറ്റല് വിവര സംവിധാനങ്ങള് തുടങ്ങിയവയാണ് നിലവില് ഈ സ്റ്റേഷനുകളിലുള്ളത്.
ഓരോ സൗകര്യങ്ങളും വിപുലമായ പുനര്നിര്മ്മാണത്തിന് വിധേയമായിട്ടുണ്ട്.
പുതിയ സൗകര്യങ്ങള് ചുവടെ:
- ഷെല്ട്ടറുകളും ഇരിപ്പിടങ്ങളുമുള്ള ആധുനിക പ്ലാറ്റ്ഫോമുകള്
- കൂടുതല് സൗകര്യങ്ങളോട് കൂടിയ കാത്തിരിപ്പ് കേന്ദ്രങ്ങള്
- കാര്യക്ഷമവും സൗകര്യപ്രദവുമായ പ്രകാശ വിന്യാസം
- സുരക്ഷാ ചിഹ്നങ്ങളുടെ സ്ഥാപനം
- ആധുനിക ടോയിലറ്റുകളും ശുചിത്വ സൗകര്യങ്ങളും
- ഭിന്നശേഷി യാത്രക്കാര്ക്കായി റാമ്പുകളും ലിഫ്റ്റുകളും
- ഡിജിറ്റല് വിവര ബോര്ഡുകള്
- യാത്രകള് സുഗമമാക്കുന്നതിനാണ് സൗകര്യങ്ങള്
അമൃത് ഭാരത് പദ്ധതി
യാത്രാ സൗകര്യങ്ങള് നവീകരിക്കാനും സ്റ്റേഷനുകള് ആകര്ഷകമായി രൂപ കല്പന ചെയ്യാനും നഗര പരിസ്ഥിതിയുമായി അതിനെ സംയോജിപ്പിക്കാനും ലക്ഷ്യമിട്ടുള്ള കേന്ദ്ര സര്ക്കാര് പദ്ധതിയാണ് അമൃത് ഭാരത്. രാജ്യമൊട്ടാകെ 1,200-ലധികം സ്റ്റേഷനുകള് പുനരുജ്ജീവിപ്പിക്കുകയാണ് ലക്ഷ്യം. കേരളത്തില്, ഏഴ് സ്റ്റേഷനുകള് ഇപ്പോള് പണി പൂര്ത്തിയാക്കി പൊതുജനങ്ങള്ക്ക് തുറന്നുകൊടുത്തു. ഇത് ഈ ദേശീയ പദ്ധതിയില് സംസ്ഥാനത്തിന്റെ പങ്ക് എടുത്തുകാണിക്കുന്നു.
പദ്ധതി പ്രകാരം രാജ്യമെമ്പാടും 172 സ്റ്റേഷനുകള് ഇതിനോടകം പുനരുജ്ജീവിക്കപ്പെട്ടിട്ടുണ്ട്.. പലതിന്റെയും നിര്മ്മാണം പുരോഗമിക്കുന്നു. കേരളത്തെ സംബന്ധിച്ചിടത്തോളം ഈ ഏഴ് സ്റ്റേഷനുകളുടെ നവീകരണം വളരെ പ്രധാനമാണ്. യാത്രക്കാര്ക്ക് മികച്ച സൗകര്യങ്ങള് നല്കുന്നതോടൊപ്പം ഇത് ദേശീയ പദ്ധതിയിലെ സംസ്ഥാനത്തിന്റെ അര്ഹമായ പങ്ക് എടുത്തുകാണിക്കുന്നു.
Sign in with Google