Multibagger Stock: ഇന്നും 10% മുന്നേറ്റം, വിപണിയിൽ കത്തിക്കയറി സ്മോൾ ക്യാപ് ഓഹരി, നിങ്ങൾക്ക് നിക്ഷേപമുണ്ടോ.?

വെള്ളിയാഴ്ച ഇന്ത്യൻ ഓഹരി വിപണിയുടെ ആദ്യ സെഷനിൽ തന്നെ മികച്ച നേട്ടമുണ്ടാക്കിയ ഓഹരികളിലൊന്നാണ് ഷെയർ ഇന്ത്യ സെക്യൂരിറ്റീസ്. 10 ശതമാനം വളർച്ചയാണ് ഓഹരി നേടിയത്. അതോടെ വില 190 രൂപയ്ക്ക് മുകളിലേക്കെത്തി. ബി‌എസ്‌ഇയിൽ കമ്പനിയുടെ ഓഹരികളുടെ വോളിയം 5 മടങ്ങ് വർദ്ധിച്ചു. കഴിഞ്ഞ ഒരു വർഷത്തിനിടയിലെ ഏറ്റവും ഉയർന്ന വോളിയത്തോടെ ഇന്നലെ ഓഹരി 20 ശതമാനം അപ്പർ സർക്യൂട്ടിലെത്തിയിരുന്നു. എന്താണ് ഓഹരിയുടെ കുതിപ്പിന് കാരണം, സാങ്കേതിക കാര്യങ്ങൾ എങ്ങനെയാണ്.. നമുക്ക് വിശദമായി നോക്കാം.

ഷെയർ ഇന്ത്യ സെക്യൂരിറ്റീസ് ലിമിറ്റഡ്

ഇക്വിറ്റി ബ്രോക്കിംഗ്, കറൻസി & കമ്മോഡിറ്റി ഡെറിവേറ്റീവ്, ഡിപ്പോസിറ്ററി പാർട്ടിസിപ്പന്റ് സേവനങ്ങൾ, മ്യൂച്വൽ ഫണ്ട് ഉപദേശക, വിതരണക്കാർ എന്നിവയുൾപ്പെടെയുള്ള ധനകാര്യ ഉൽപ്പന്നങ്ങളും വ്യക്തിഗതമാക്കിയ സേവനങ്ങളും റീട്ടെയിൽ, കോർപ്പറേറ്റ് ക്ലയന്റുകൾക്ക് കമ്പനി വാഗ്ധാനം ചെയ്യുന്നു.

ഓഹരി വില

ബിഎസ്ഇയിൽ 189 രൂപയിലാണ് നിലവിൽ ഓഹരി വ്യാപാരം പുരോഗമിക്കുന്നത്. കഴിഞ്ഞ അഞ്ച് ദിവസത്തിനിടെ 34.33 ശതമാനം വളർച്ച നേടാൻ ഓഹരിക്ക് സാധിച്ചു. 30.80 ശതമാനമാണ് ഒരുമാസത്തെ വളർച്ച. ആറ് മാസത്തിനിടെ 16 ശതമാനം നേട്ടമുണ്ടാക്കാനും ഷെയർ ഇന്ത്യ സെക്യൂരിറ്റീസ് ലിമിറ്റഡ് ഓഹരിക്ക് സാധിച്ചു. അതേസമയം ഒരുവർഷത്തിനിടെ 40 ശതമാനം നഷ്ടം ഓഹരിക്ക് സംഭവിച്ചിട്ടുണ്ട്. 337.15 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 127.70 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില. ഓഹരി 3 വർഷത്തിനുള്ളിൽ 980 ശതമാനം മൾട്ടിബാഗർ റിട്ടേണുകളും നൽകി .

അടിസ്ഥാന വിവരങ്ങൾ

വിപണി മൂലധനം : 4147 കോടി | ബുക്ക് വാല്യു: 107 രൂപ

സ്റ്റോക്ക് പി/ഇ: 13 | ഇൻഡസ്ട്രി പി/ഇ: 17

ഡിവിഡന്റ് യിൽഡ്: 0.70% | ഫേസ് വാല്യു: 2 രൂപ

ROE: 15.9% | ROCE: 20.6%

സാങ്കേതിക കാര്യങ്ങൾ

നിലവിൽ ഓഹരി അതിന്‍റെ 5-ദിവസം, 20-ദിവസം, 50-ദിവസം, 100-ദിവസം, 200-ദിവസം എന്നീ ചലിക്കുന്ന ശരാശരിയേക്കാൾ മുകളിലാണ് വ്യാപാരം നടത്തുന്നത്, ഇത് ശക്തമായ ഒരു മുന്നേറ്റ പ്രവണതയെ സൂചിപ്പിക്കുന്നു. കൂടാതെ, ഒക്ടോബർ 16-ന് ഡെലിവറി വോളിയം 5-ദിവസം ശരാശരിയുമായി താരതമ്യപ്പെടുത്തുമ്പോൾ 1632.47% വർദ്ധിച്ചു, ഇത് നിക്ഷേപക പങ്കാളിത്തം വർദ്ധിച്ചുവരുന്നു. 3,921 കോടി രൂപയുടെ വിപണി മൂലധനത്തോടെ, ഷെയർ ഇന്ത്യ സെക്യൂരിറ്റീസ് ശക്തമായ ലിക്വിഡിറ്റി കാണിക്കുന്നത് തുടരുന്നു.

സെക്യൂരിറ്റഡ്, റേറ്റഡ്, ലിസ്റ്റഡ്, ടാക്സ് ചെയ്യാവുന്ന, ട്രാൻസ്ഫർ ചെയ്യാവുന്ന, റിഡീം ചെയ്യാവുന്ന നോൺ-കൺവേർട്ടബിൾ ഡിബഞ്ചറുകൾ (NCDs) വരെ ഇഷ്യൂ ചെയ്യുന്നതിന് കമ്പനിയുടെ ധനകാര്യ കമ്മിറ്റി യോഗം അംഗീകാരം നൽകി. അംഗീകൃത പദ്ധതിയുടെ ഭാഗമായി 50 കോടി രൂപ വരെ സമാഹരിക്കാനാണ് ഈ സ്വകാര്യ പ്ലേസ്‌മെന്റ് ലക്ഷ്യമിടുന്നത് . ഓരോ എൻസിഡിക്കും 1,00,000 രൂപ മുഖവിലയുണ്ട്, കൂടാതെ ബിഎസ്ഇ ലിമിറ്റഡിന്റെ മൊത്തവ്യാപാര കടപ്പത്ര വിപണി (WDM) വിഭാഗത്തിൽ ലിസ്റ്റ് ചെയ്യപ്പെടും . ഡിബഞ്ചറുകൾക്ക് അലോട്ട്മെന്റ് തീയതി മുതൽ 712 ദിവസത്തെ കാലാവധിയുണ്ട് .

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.