റിയൽ എസ്റ്റേറ്റ് രംഗത്തെ അതികായൻമാരായ ശോഭ ലിമിറ്റഡ് ഭവനങ്ങൾ ഓൺലൈനായി വാങ്ങുന്നതിന് പുത്തൻ വഴികളുമായി എത്തുന്നു. ക്ലിക്ക് 2 ബൈ ഹോം എക്സ്പോയാണ് കമ്പനി പുതുതായി അവതരിപ്പിച്ചത്. ക്ലിക്ക് 2 ബൈ ഹോമിലൂടെ ഒൻപതു നഗരങ്ങളിലെ 28 പ്രൊജക്റ്റുകൾ ഓൺലൈൻ എക്സ്പോയിൽ ശോഭ ലിമിറ്റഡ് ലഭ്യമാക്കും. നിലവിൽ രാജ്യത്തെ ഏറ്റവും വലിയ റിയൽ എസ്റ്റേറ്റ് കമ്പനികളിലൊന്നാണ് ഇവർ. ഓൺലൈൻ എക്സ്പോയിൽ വിൽപ്പനയ്ക്കെത്തുന്ന പ്രോപർട്ടികൾ 40 ലക്ഷം മുതൽ 5 കോടി രൂപ വരെ വില കുറിക്കും. ഇടത്തരക്കാർക്കും എല്ലാ സൗകര്യങ്ങളുള്ള ആഢംബര ഭവനങ്ങൾ ആഗ്രഹിക്കുന്നവർക്കും ഒരേപോലെ വാങ്ങാൻ കഴിയുന്ന പ്രോപ്പർട്ടികളാണ് ശോഭ കമ്പനി വാഗ്ദാനം ചെയ്യുന്നത്.
രാജ്യത്തെ സാമ്പത്തിക വളർച്ച കുറഞ്ഞു, മാന്ദ്യമില്ല: നിർമ്മലാ സീതാരാമൻ
റിയൽ എസ്റ്റേറ്റ് രംഗത്തു ശോഭ ലിമിറ്റഡ് പിടിമുറുക്കിയിട്ട് 25 വർഷം പിന്നിട്ടുകഴിഞ്ഞു. നാളിതുവരെയുള്ള കമ്പനിയുടെ വിജയക്കുതിപ്പിൽ അതിയായ സന്തോഷമുണ്ടെന്ന് ശോഭ ലിമിറ്റഡ് ചെയർമാൻ രവി മേനോൻ പത്രക്കുറിപ്പിൽ അറിയിച്ചു. വീടെന്ന സ്വപ്നം എല്ലാ സുരക്ഷിതത്വത്തോടെയും ഉപഭോക്താക്കൾക്ക് യാഥാർത്ഥ്യമാക്കി കൊടുക്കുകയാണ് 25 ആം വർഷത്തിലേക്ക് പ്രവർത്തനങ്ങൾ വ്യാപിപ്പിക്കുമ്പോൾ കമ്പനിയുടെ ലക്ഷ്യമെന്ന് രവി മേനോൻ വ്യക്തമാക്കി. നിലവിൽ കമ്പനിയുടെ ഓൺലൈൻ സംരംഭം വഴി പ്രോപർട്ടി വാങ്ങുന്നവർക്ക് പ്രത്യേക പാരിതോഷികങ്ങൾ ശോഭ ലിമിറ്റഡ് നൽകുന്നുണ്ട്.