റെക്കോർഡ് കുതിപ്പിന് ശേഷം വെള്ളിക്ക് 'ക്ഷീണം'; ലാഭമെടുപ്പ് വിനയായി, ഇന്ത്യയിലെ വെള്ളി വിലയിൽ വമ്പൻ ഇടിവ്!

സ്വർണ വിലയ്ക്ക് സമാനമായി വെള്ളി വിലയിലും ഇന്ന് വമ്പൻ ഇടിവ്. റെക്കോർഡ് വിലക്കയറ്റത്തിൽ നിന്നുമാണ് ഇന്ന് ഇന്ത്യൻ വിപണിയിൽ വെള്ളി വില കുറഞ്ഞത്. രണ്ട് ദിവസം കൊണ്ട് ഏകദേശം 10 ശതമാനത്തോളമാണ് വില ഇടിഞ്ഞിരിക്കുന്നത്. സമീപകാലത്തെ ശക്തമായ വിലക്കയറ്റത്തിൽ ആവേശം നേടി നിക്ഷേപകർ വ്യാപകമായി ലാഭമെടുപ്പ് നടത്തിയതാണ് വെള്ളി വിലയ്ക്ക് ക്ഷീണമായത്. ഇന്ന് വില ഇടിഞ്ഞെങ്കിലും ശക്തമായ മുന്നേറ്റം ഉടൻ തന്നെ പ്രതീക്ഷിക്കാം.

മൾട്ടി കമ്മോഡിറ്റി എക്സ്ചേഞ്ചിൽ മാർച്ച് 5 ന് കാലാവധി അവസാനിക്കുന്ന വെള്ളി ഫ്യൂച്ചറുകൾ കുത്തനെയുള്ള ഇടിവിന് ശേഷം ഇപ്പോൾ നേരിയ തോതിൽ തിരിച്ചുകയറി. ഇതോടെ എംസിഎക്സ് വെള്ളി ഫ്യൂച്ചറുകൾ കിലോഗ്രാമിന് ഏകദേശം 5.4% ഉയർന്ന് 2,36,862 രൂപയിൽ വ്യാപാരം നടത്തുന്നു. ഇത് ഇന്ത്യൻ വിപണിയിൽ പ്രതീക്ഷ ഉയർത്തുന്നു.

ഇന്ത്യയിലെ വെള്ളി വില

ഇന്ന് ഇന്ത്യൻ വിപണിയിൽ വെള്ളി വില ഇടിയുന്നു. ആ​ഗോള വിപണിയിലെ മാറ്റങ്ങൾക്ക് സമാനമായിട്ടാണ് ഇന്നത്തെ ഇടിവ്. ഇതോടെ ഇന്ന് വെള്ളി വില കിലോഗ്രാമിന് 18,000 രൂപ കുറഞ്ഞ് 2,40,000 രൂപയിലെത്തി. 100 ഗ്രാം വെള്ളിയുടെ വില 1,800 രൂപ കുറഞ്ഞ് 24,000 രൂപയായി. 10 ​ഗ്രാം വെള്ളി വില 180 രൂപ കുറഞ്ഞ് 2,400 രൂപയുമായി. അതായത് ഒരു ​ഗ്രാം വെള്ളി വില 18 രൂപ കുറഞ്ഞ് 240 രൂപയായിരിക്കുന്നു.

പ്രധാന ഇന്ത്യൻ നഗരങ്ങളിലെ വെള്ളി വിലകൾ

കേരളം: ഇന്ന് ഒരു കിലോ​ഗ്രാം വെള്ളിയുടെ വില 23,000 രൂപ കുറഞ്ഞ് 2,58,000 രൂപയായി.

ചെന്നൈ: ഈ ന​ഗരത്തിലും കേരളത്തിന് സമാനമായി ഒരു കിലോ വെള്ളിയുടെ വില 23,000 രൂപ കുറഞ്ഞ് 2,58,000 രൂപയായി.

ബാംഗ്ലൂർ: ഒരു കിലോ​ഗ്രാം വെള്ളി വില ഇന്ന് 18,000 രൂപ കുറഞ്ഞ് 240,000 രൂപയായിരിക്കുന്നു.

ഹൈദരാബാദ്: ഈ ന​ഗരത്തിൽ ഇന്ന് വെള്ളി വില കിലോഗ്രാമിന് 23,000 രൂപ കുറഞ്ഞ് 2,58,000 രൂപയിലാണ് വ്യാപാരം നടക്കുന്നത്.

ഇന്ത്യയിലെ സ്വർണ വില

22 കാരറ്റ് സ്വർണം ഒരു ഗ്രാമിന് 280 രൂപ കുറഞ്ഞ് 12,485 രൂപയായി. ഒരു പവന് 2,240 രൂപ കുറഞ്ഞ് 99,880 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 1,24,850 രൂപയാവുന്നു. 24 കാരറ്റ് സ്വർണം ഒരു ഗ്രാമിന് 305 രൂപ കുറഞ്ഞ് 13,620 രൂപയും, പവന് 2,440 രൂപ കുറഞ്ഞ് 1,08,960 രൂപയുമാവുന്നു. 18 കാരറ്റിന് ഒരു ഗ്രാമിന് 251 രൂപ കുറഞ്ഞ് 10,193 രൂപയും, പവന് 2,008 രൂപ കുറഞ്ഞ് 81,544 രൂപയുമായി.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.