Click it and Unblock the Notifications
മുംബൈ:ലഘു സമ്പാദ്യ പദ്ധതികളില് നടപ്പ് സാമ്പത്തിക വര്ഷത്തെ ആദ്യ പകുതിവരെ നിക്ഷേപമായെത്തിയത് 1.17ലക്ഷം കോടി രൂപ. താഴ്ന്ന വരുമാനക്കാര്ക്ക് കാര്യമായിത്തന്നെ ആശ്രയിക്കുന്ന പദ്ധതികളാണ് നിക്ഷേപം വലിയ തോതില് ഒഴുകിയെത്തിയത്.
കഴിഞ്ഞ സാമ്പത്തിക വര്ഷം ആദ്യപകുതിയിലെത്തിയ നിക്ഷേപത്തിന്റെ 25 ശതമാനത്തോളം അധികമാണിത്. അഞ്ചു വര്ഷത്തെ കണക്കെടുക്കുകയാണെങ്കില് 130 ശതമാനത്തോളമാണ് വര്ധന.
പൊതു ജീവിതത്തെ അസാധാരണമാം വിധം കോവിഡ് ബാധിച്ച സാഹചര്യത്തിലാണ് നിക്ഷേപ കണക്കിന്റെ പ്രസക്തി. കര്ഷകര്, മുതിര്ന്ന പൗരന്മാര്, പെണ്കുട്ടികള്.ശമ്പള വരുമാനക്കാര്,തൊഴിലാളികള് എന്നിവര്ക്കെല്ലാമുള്ള പദ്ധതികളിലാണ് കാര്യമായ നിക്ഷേപമെത്തിയത്.
സാധാരണക്കരും മധ്യവര്ഗക്കാരും ആശ്രയിക്കുന്ന നാഷ്ണല് സേവിങ്സ് സര്ട്ടിഫിക്കറ്റ്, കിസാന് വികാസ് പത്ര, സുകന്യ സമൃദ്ധി യോജന, സീനിയര് സിറ്റിസണ്സ് സേവിങ്സ് സ്കീം. പോസ്റ്റ് ഓഫീസ് നിക്ഷേപ പദ്ധതികള് എന്നിവയിലെല്ലാം കാര്യമായ നിക്ഷേപമെത്തി.
ബാങ്ക് നിക്ഷേപത്തേക്കാള് താരതമ്യേന ഉയര്ന്ന പലിശ നല്കുന്നവയാണ് ലഘു സമ്പാദ്യ പദ്ധതികള്. കോവിഡ് വ്യാപനത്തെ തുടര്ന്ന് റിപ്പോ നിരക്കുകള് ഉള്പ്പെടെയുള്ളവ കുറച്ചപ്പോള് ലഘു സമ്പാദ്യ പദ്ധതികളുടെ പലിശയിലും കാര്യമായ ഇടിവുണ്ടായി. എന്നിട്ടും നിക്ഷേപകരുടെ ഇഷ്ട പദ്ധതികളായി ഇവ ഇപ്പോഴും തുടരുകയാണ്.
Sign in with Google