വധൂവരന്മാ‍‍ർക്ക് വജ്രം പതിപ്പിച്ച സ്പെഷ്യൽ മാസ്ക്, വില നാല് ലക്ഷം രൂപ

ഇന്ത്യയിൽ കൊറോണ വൈറസ് കേസുകൾ ഗണ്യമായി വർദ്ധിക്കുകയും ബിസിനസ്സ് പ്രവർത്തനങ്ങൾ വലിയ തോതിൽ അനുവദിക്കുകയും ചെയ്യുന്നതിനാൽ, സൂറത്തിലെ ഒരു ജ്വല്ലറി വിവാഹം കഴിക്കാൻ പോകുന്ന ഉപഭോക്താക്കളെ ലക്ഷ്യമിടുന്നു. 1.5 ലക്ഷം മുതൽ 4 ലക്ഷം വരെ രൂപ വരെ വിലയുള്ള ഡയമണ്ട് മാസ്കുകളാണ് സൂറത്തിലെ ഈ ജ്വല്ലറിയിൽ വിൽക്കുന്നത്.

ലോക്ക്ഡൗൺ നീക്കിയതോടെ ഒരു ഉപഭോക്താവ് ജ്വല്ലറിയിലെത്തി വധുവിനും വരനും പറ്റിയ വ്യത്യസ്തമായ മാസ്കുകൾ ആവശ്യപ്പെട്ടു. തുട‍ർന്ന് മാസ്കുകൾ ഉണ്ടാക്കാൻ ഡിസൈനർമാരെ പ്രത്യേകം ചുമതലപ്പെടുത്തുകയായിരുന്നു. ഇതിനുശേഷം, വരും ദിവസങ്ങളിൽ കൂടുതൽ ആളുകൾ മാസ്ക്കുകൾ ആവശ്യപ്പെട്ടതിനാൽ ഈ മാസ്കുകളുടെ വ്യത്യസ്ത ഡിസൈനുകൾ തയ്യാറാക്കിയെന്ന് ജ്വല്ലറി ഉടമ കൂട്ടിച്ചേ‍ർത്തു. ഈ മാസ്കുകൾ നിർമ്മിക്കാൻ സ്വർണ്ണം മാത്രമല്ല വജ്രവും ഉപയോഗിച്ചതാി ജ്വല്ലറി ഉടമ പറഞ്ഞു.

വധൂവരന്മാ‍‍ർക്ക് വജ്രം പതിപ്പിച്ച സ്പെഷ്യൽ മാസ്ക്, വില നാല് ലക്ഷം രൂപ

എന്നാൽ സ്വ‍ർണ പണിക്കാരിൽ ഭൂരിഭാഗവും സ്വന്തം സ്ഥലങ്ങളിലേക്ക് പോയതിനാൽ ജോലിക്കാരുടെ അഭാവമുണ്ടെന്നും ജ്വല്ലറിക്കാ‍ർ പറഞ്ഞു. കൊവി‍ഡ് 19 കാരണം സ്വർണ്ണത്തിന് ആവശ്യക്കാർ കുറവാണെന്നും സൂററ്റ് ജ്വല്ലറി അസോസിയേഷൻ സെക്രട്ടറി വിജയ് മംഗുകിയ പറഞ്ഞു. ഭൂരിഭാഗം സ്വ‍ർണ പണിക്കാരും പശ്ചിമ ബംഗാളിൽ നിന്നുള്ളവരാണ്. തൊഴിൽ ക്ഷാമവും സ്വർണ്ണത്തിന്റെ ആവശ്യവും കുറവായതിനാൽ ജ്വല്ലറികളും വരുമാനം കുറഞ്ഞുവെന്നും മാസ്കുകളുടെ ആവശ്യം തുടരുകയാണെങ്കിൽ, ജ്വല്ലറികൾക്ക് അതിജീവിക്കാൻ ഇത് കാരണമാകുമെന്നും വിജയ് മംഗുകിയ പറഞ്ഞു.

പൂവി ജില്ലയിലെ പിംപ്രി-ചിഞ്ച്‌വാഡ് നിവാസിയായ ശങ്കർ കുരാഡെ ഈ മാസം ആദ്യം 2.89 ലക്ഷം രൂപ വിലമതിക്കുന്ന സ്വർണ്ണം കൊണ്ട് നിർമ്മിച്ച മാസ്ക് നിർമ്മിച്ച് വാ‍ർത്തകളിൽ ഇടം നേടിയിരുന്നു.