മുതിർന്ന പൗരന്മാരുടെ പ്രത്യേക എഫ്ഡി സ്കീമുകൾ ഈ മാസം അവസാനിക്കും

എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, ബാങ്ക് ഓഫ് ബറോഡ എന്നിവയുടെ മുതിർന്ന പൗരന്മാർക്ക് വേണ്ടിയുള്ള പ്രത്യേക സ്ഥിര നിക്ഷേപ പദ്ധതികൾ 2020 ഡിസംബർ 31 ന് അവസാനിക്കും. മറുവശത്ത്, സ്റ്റേറ്റ് ബാങ്ക് ഓഫ് ഇന്ത്യ 2021 മാർച്ച് 31 വരെ നീട്ടി. കൊവിഡ് -19 പൊട്ടിത്തെറിയുടെ സാമ്പത്തിക പ്രത്യാഘാതങ്ങളെ നേരിടാൻ റിസർവ് ബാങ്ക് റിപ്പോ നിരക്ക് കുറച്ചതിനെത്തുടർന്ന് എഫ്ഡി പലിശനിരക്കിൽ കുത്തനെ കുറവുണ്ടായ ശേഷം, മുതിർന്ന പൗരന്മാരുടെ താൽപ്പര്യങ്ങൾ സംരക്ഷിക്കുന്നതിനായി എസ്‌ബി‌ഐ ആണ് ആദ്യമായി പ്രത്യേക എഫ്ഡി പദ്ധതി അവതരിപ്പിച്ചത്.

മുതിർന്ന പൗരന്മാരുടെ പ്രത്യേക എഫ്ഡി സ്കീമുകൾ ഈ മാസം അവസാനിക്കും

മെയ് മാസത്തിലാണ് പരിമിതമായ കാലയളവിലേയ്ക്ക് എസ്ബിഐ പ്രത്യേക എഫ്ഡി പദ്ധതി അവതരിപ്പിച്ചത്. താമസിയാതെ എല്ലാ പ്രമുഖ ബാങ്കുകളും തങ്ങളുടെ ഉപഭോക്താക്കൾക്ക് ഈ പ്രത്യേക നിക്ഷേപ പദ്ധതി വാഗ്ദാനം ചെയ്തു. മുതിർന്ന പൗരന്മാർക്ക് തങ്ങളുടെ സമ്പാദ്യം വർദ്ധിപ്പിക്കുന്നതിനും പ്രതിമാസ വരുമാനത്തിനുമായുള്ള എഫ്ഡി പദ്ധതിയാണിത്. നേരത്തെ സെപ്റ്റംബർ വരെ വാഗ്ദാനം ചെയ്തിരുന്ന ഈ പദ്ധതി 2020 ഡിസംബർ 31 ലേക്ക് നീട്ടുകയായിരുന്നു.

എച്ച്ഡിഎഫ്സി ബാങ്കിന്റെ പദ്ധതി 'എച്ച്ഡിഎഫ്സി സീനിയർ സിറ്റിസൺ കെയർ' എന്നറിയപ്പെടുന്ന പദ്ധതി നിക്ഷേപങ്ങൾക്ക് 0.75% ഉയർന്ന പലിശനിരക്കാണ് വാഗ്ദാനം ചെയ്യുന്നത്. 'ഐസിഐസിഐ ബാങ്ക് ഗോൾഡൻ ഇയേഴ്സ്' പദ്ധതി സാധാരണ നിരക്കിനേക്കാൾ 0.80 ശതമാനം ഉയർന്ന പലിശ വാഗ്ദാനം ചെയ്യുന്നു. അതേസമയം ബാങ്ക് ഓഫ് ബറോഡ നിലവിലുള്ള നിരക്കിനേക്കാൾ ഒരു ശതമാനം അധിക പലിശ നിരക്കാണ് നൽകുന്നത്.