'കാട്ടിലും കടലിലും കിണറ്റിലും വരെ ഇനി റേഞ്ച് കിട്ടും', മസ്ക്കിന്റെ സ്റ്റാർലിങ്ക് ഇന്ത്യയിലേക്ക് വരുമ്പോൾ

ഒരു പരിധിക്ക് അപ്പുറം പോയാൽ റേഞ്ച് കിട്ടാത്ത നാടുകളാണ് നമ്മുടെ ഇന്ത്യയിലുള്ളത്. അതുകൊണ്ടുതന്നെ പലയിടങ്ങളിലും ഇന്റർനെറ്റ് സേവനങ്ങളും മറ്റും ലഭ്യമാക്കാൻ ഇപ്പോഴും വളരെ ബുദ്ധിമുട്ടാണ്. എലോൺ മസ്കിന്റെ സ്റ്റാർ ലിങ്ക് ഇന്ത്യയിലേക്ക് കടന്നു വരുമ്പോൾ തിരുത്തപ്പെടും എന്ന് കരുതുന്നത് ഇത്തരം പരിമിതികൾ ആണ്.

എലോൺ മസ്‌കിന്റെ ഉപഗ്രഹ ഇന്റർനെറ്റ് കമ്പനിയായ സ്റ്റാർലിങ്ക് ഒടുവിൽ ഇന്ത്യയിലെത്തിയെന്ന വാർത്ത നമ്മൾ കഴിഞ്ഞ ദിവസങ്ങളിൽ കണ്ടതാണ്. വർഷങ്ങളായി ഇന്ത്യൻ വിപണിയിൽ പ്രവേശിക്കാൻ ശ്രമിച്ച സ്റ്റാർലിങ്കിന് നേരത്തെ ശക്തമായ പ്രതിരോധം നേരിടേണ്ടി വന്നിരുന്നു. എന്നാൽ ഇപ്പോൾ നിർഭാഗ്യവശാൽ സിംഗിൾ പോളിസിയുമായി വരാതെ റിലയൻസ് ജിയോയും ഭാരതി എയർടെലും പോലെയുള്ള ഇന്ത്യൻ ടെലികോം ഭീമന്മാരുമായി സഹകരിച്ചാണ് സ്റ്റാർലിങ്ക് കടന്നുവരുന്നത്.

ഉപഗ്രഹത്തെ അടിസ്ഥാനമാക്കിയുള്ള പുതിയ ഇന്റർനെറ്റ് സേവനവുമായി ഇന്ത്യയിൽ പ്രവേശിക്കാൻ ശ്രമിച്ച സ്റ്റാർലിങ്കിന് നേരത്തെ ശക്തമായ എതിർപ്പുകളുണ്ടായിരുന്നു. റിലയൻസ് ജിയോയും എയർടെലും ആദ്യം സ്റ്റാർലിങ്കിനെതിരായി നിലകൊണ്ടിരുന്നു. എന്നാൽ ഇപ്പോൾ അവർക്കൊപ്പം ചേർന്ന് പ്രവർത്തിക്കാനൊരുങ്ങുന്ന തരത്തിലാണ് പുതിയ പ്രഖ്യാപനങ്ങൾ.

റിലയൻസ് ജിയോയും എയർടെലും സ്റ്റാർലിങ്കുമായി സഹകരിച്ച് ഇന്ത്യയുടെ നഗരങ്ങളിലും ഗ്രാമപ്രദേശങ്ങളിലും ഉപഗ്രഹ അടിസ്ഥാനമാക്കിയുള്ള ഇന്റർനെറ്റ് സേവനം എത്തിക്കുമെന്ന് പ്രഖ്യാപിച്ചിട്ടുണ്ട്. ഇത് ഇന്ത്യൻ ടെലികോം വകുപ്പ്, ഇൻ സ്‌പേസ് തുടങ്ങിയ അതോറിറ്റികളുടെ അനുമതി നേടുന്നതിനുള്ള വഴിയൊരുക്കും. കൂടാതെ, ആമസോൺ ക്വിപ്പറിനും ഇന്ത്യയിലെ പ്രവേശനം സുഗമമാകാനുള്ള സാധ്യതകൾ തുറക്കും.

സ്റ്റാർലിങ്കിന്റെ സാങ്കേതികവിദ്യ: എങ്ങനെ മറ്റുള്ളതിൽ വ്യത്യസ്തമാണ്?

സാധാരണ ബ്രോഡ്ബാൻഡ് സേവനങ്ങൾ ഫൈബർ-ഓപ്റ്റിക്, ഡി എസ് എൽ, സെല്ലുലാർ ടവറുകൾ എന്നിവയിലൂടെയാണ് പ്രവർത്തിക്കുന്നത്. എന്നാൽ സ്റ്റാർലിങ്ക്, ലോ എർത്ത് ഓർബിറ്റ് ഉപഗ്രഹങ്ങൾ ഉപയോഗിച്ചാണ് സേവനം നൽകുന്നത്.

ലിയോ ഉപഗ്രഹങ്ങളുടെ പ്രത്യേകതകൾ:

*കുറഞ്ഞ അകലം, ഇത് കാരണം വേഗത കൂടും.

*പരമ്പരാഗത സൗകര്യങ്ങൾ ഇല്ലാത്തിടത്തും പ്രവർത്തിക്കും.

*പ്രവേശനം കുറഞ്ഞ പ്രദേശങ്ങളിൽ കൂടുതൽ ഉപയോഗപ്രദം, ഉദാഹരണത്തിന് ഹിമാലയ മേഖലകളിൽ പോലും സിഗ്നൽ ലഭ്യമാകും.

എന്നാൽ, ലിയോ ഉപഗ്രഹങ്ങൾ കൂടുതൽ ചെലവേറിയതും പരിമിതമായ സേവനം മാത്രം നൽകാനാവുന്നതുമാണ്.

ഇന്ത്യയ്ക്ക് എങ്ങനെ ഉപകാരപ്രദമാകും?

ഗ്രാമപ്രദേശങ്ങൾ, പെട്ടെന്ന് കടന്നു ചെല്ലാൻ കഴിയാത്ത പ്രദേശങ്ങൾ, ഹിമാലയൻ മേഖലകൾ, കാടുകൾ തുടങ്ങിയ ഇടങ്ങളിൽ ഇന്റർനെറ്റ് എത്തിക്കുക എന്നതാണ് ജിയോ സ്റ്റാർലിങ്ക് കൂട്ടുകെട്ടിന്റെ പ്രധാന ലക്ഷ്യം.

ഡിജിറ്റൽ ഇന്ത്യ പദ്ധതിക്ക് സ്റ്റാർ ലിങ്ക് എങ്ങനെ പ്രയോജനപ്പെടും?

*വിദ്യാഭ്യാസം

ഓൺലൈൻ പഠനം ഗ്രാമീണ മേഖലയിലെ കുട്ടികൾക്കും ലഭ്യമാക്കാൻ ഇതുമൂലം സാധിക്കും.

*ആരോഗ്യം

ടെലിമെഡിസിൻ സേവനങ്ങൾ ലഭ്യമാക്കാൻ കഴിയും

*ബിസിനസ് വളർച്ച

സ്റ്റാർട്ടപ്പുകൾക്കും മറ്റും കൂടുതൽ അവസരങ്ങൾ നൽകും

എന്നാൽ ചില വെല്ലുവിളികൾ ഉണ്ട്...

*ഉയർന്ന ചെലവ്

സ്റ്റാർലിങ്ക് സേവനം ഇന്ത്യയിലെ ജനങ്ങൾക്ക് പണം കൊടുത്ത് വാങ്ങാൻ കഴിയുന്ന നിലയിലേക്ക് എത്തുമോ എന്നത് സംശയമാണ്.

*അവസാനിക്കാത്ത ഉപകരണ ചെലവ്

ഉപകരണങ്ങൾക്ക് മാത്രം ₹15,700 (~$180) ചെലവ് വരും.

*മഴ, മേഘാവരണം

ഉപഗ്രഹ സിഗ്നലുകൾക്ക് ഇത്തരം പ്രകൃതി പ്രതിഭാസങ്ങൾ തടസ്സം സൃഷ്ടിച്ചേക്കാം.

ഇന്ത്യൻ ടെലികോം വിപണിയിൽ സ്വാധീനം

നേരത്തെ ജിയോ, എയർടെൽ, വി ഐ, ബി എസ് എൻ എൽ തുടങ്ങിയവ സ്റ്റാർലിങ്കിനെ കരുത്തുറ്റ എതിരാളിയായി കണ്ടിരുന്നു. എന്നാൽ ഇപ്പോൾ ജിയോയും എയർടെലും അവരുമായി സഹകരിച്ചിരിക്കുന്നു. ഇതോടെ വി ഐ, ബി എസ് എൻ എൽ തുടങ്ങിയവക്ക് കടുത്ത സമ്മർദ്ദം നേരിടേണ്ടി വരും.

ഭാവി സാധ്യതകൾ

*B2B സേവനങ്ങൾ കൂടുതൽ വളരും

ബിസിനസ്, എം എസ് ഇ കളിൽ പുതിയ അവസരങ്ങൾ.

*5G നെറ്റ്‌വർക്ക് വികസനം -

5G, എഫ് ഡബ്ലിയു എന്നിവയ്ക്കൊപ്പം സ്റ്റാർലിങ്ക് സഹായകരമാകും.

*വിപണി ഉപഭോക്താക്കൾക്ക് പകുതിയെങ്കിലും സ്റ്റാർലിങ്ക് ആകർഷണീയമാകുമോ എന്നത് സംശയകരം.

സത്യത്തിൽ, സ്റ്റാർലിങ്ക് ഇന്ത്യൻ വിപണിയെ മാറ്റിമറിക്കുമോ? അതോ ചില പ്രത്യേക മേഖലയിലേ ഉപയോഗപ്രദമാവൂ എന്നുണ്ടോ? എന്തായാലും കാത്തിരുന്നു കാണേണ്ടതായിരിക്കും.