സ്ത്രീശക്തി എസ്എസ് 239 ലോട്ടറി നറുക്കെടുപ്പ് മാറ്റിവച്ചു, പുതിയ നറുക്കെടുപ്പ് തീയതി അറിയാം

തിരുവനന്തപുരം: ഡിസംബര്‍ എട്ടിന് (ചൊവ്വ) നടക്കേണ്ട സ്ത്രീ ശക്തി (എസ്എസ് 239) ലോട്ടറി നറുക്കെടുപ്പ് മാറ്റിവച്ചു. ഡിസംബർ 10ന് (വ്യാഴം) ഉച്ചകഴിഞ്ഞ് മൂന്ന് മണിയിലേയ്ക്കാണ് നറുക്കെടുപ്പ് മാറ്റിയത്. നറുക്കെടുപ്പ് വേദി ഉള്‍പ്പെടുന്ന തിരുവനന്തപുരം ജില്ലയില്‍ എട്ടിന് തദ്ദേശഭരണ തെരഞ്ഞെടുപ്പ് നടക്കുന്ന സാഹചര്യത്തിലാണ് നറുക്കെടുപ്പ് തീയതി മാറ്റി വച്ചത്.

ചൊവ്വാഴ്ചകളില്‍ നറുക്കെടുക്കുന്ന സ്ത്രീശക്തി ഭാഗ്യക്കുറിയുടെ ഒന്നാം സമ്മാനം 75 ലക്ഷം രൂപയാണ്. രണ്ടാം സമ്മാനം 10 ലക്ഷം രൂപയും മൂന്നാം സമ്മാനം അയ്യായിരം രൂപയുമാണ്. 40 രൂപയാണ് ടിക്കറ്റ് വില. 12 സീരിസുകളിലായി 1.08 കോടി ടിക്കറ്റുകളാണ് അച്ചടിച്ചിരിക്കുന്നത്.

സ്ത്രീശക്തി എസ്എസ് 239 ലോട്ടറി നറുക്കെടുപ്പ് മാറ്റിവച്ചു, പുതിയ നറുക്കെടുപ്പ് തീയതി അറിയാം

5000 രൂപയിൽ താഴെയുള്ള സമ്മാന തുക ലഭിക്കുന്ന സമ്മാനാർഹർക്ക് ടിക്കറ്റുമായി ഏതെങ്കിലും ലോട്ടറി കടയുമായി ബന്ധപ്പെടാം. 5000 രൂപയ്ക്ക് മുകളിലുള്ള സമ്മാന തുക ലഭിക്കാൻ ബാങ്കിലോ സർക്കാരിന്റെ ലോട്ടറി ഓഫീസിലോ തിരിച്ചറിയൽ കാർഡും ലോട്ടറി ടിക്കറ്റുമായി ബന്ധപ്പെടണം.

അഞ്ചുപേർക്ക് ഒരു കോടി രൂപ വീതം സമ്മാനം നൽകുന്ന കേരള സംസ്ഥാന ഭാഗ്യക്കുറി വകുപ്പിന്റെ പുതിയ ലോട്ടറി 'ഭാഗ്യമിത്ര'യുടെ നറുക്കെടുപ്പ് നാളെ നടക്കും. ഇതുവരെ ഭാ​ഗ്യക്കുറിയുടെ 44.84 ലക്ഷം ടിക്കറ്റുകളാണ് വിറ്റുപോയത്. ഭാഗ്യമിത്രയുടെ ആദ്യ നറുക്കെടുപ്പ് നാളെ മൂന്നു മണിയ്ക്ക് നടക്കും