കേരളത്തില്‍ ചൂട് കൂടുന്നു; വേനല്‍ കനക്കുമോ? - അറിയാം

കേരളത്തില്‍ ചൂട് ഏറി വരുന്നു.  വേനല്‍ കനക്കുമ്പോഴുള്ള അവസ്ഥയോര്‍ത്ത് ആശങ്കയിലാണ് ഇപ്പോള്‍ ജനങ്ങള്‍. പ്രത്യേകിച്ചും പുറത്തിറങ്ങി ജോലി നിര്‍വഹിക്കേണ്ടവര്‍. ഈ സാഹചര്യത്തില്‍ വിശദീകരണവുമായി എത്തിയിരിക്കയാണ് കാലാവസ്ഥ വിദഗ്ധര്‍.

വരും ആഴ്ചകളില്‍ താപനില സാധാരണ നിലയേക്കാള്‍ 4 ഡിഗ്രി സെല്‍ഷ്യസ് വരെ ഉയരുമെങ്കിലും അത് മുന്‍വര്‍ഷത്തെപ്പോലെ കഠിനമായിരിക്കില്ലെന്ന് അവര്‍ പറഞ്ഞു. ഇന്ത്യന്‍ കാലാവസ്ഥ വകുപ്പ് (ഐഎംഡി) കേരള ഘടകത്തിന്റെ റിപ്പോര്‍ട്ട് പ്രകാരം കിഴക്കന്‍ കാറ്റ് വീശുന്നതിനാല്‍ ഇടവിട്ട് മഴ പെയ്യാനുള്ള സാധ്യതയുണ്ട്. കുന്നുകള്‍ ഏറെയുള്ള സ്ഥലങ്ങളിലൊഴികെ വരും ആഴ്ചകളില്‍ താപനില സാധാരണനിലയിലായിരിക്കും. മലമ്പ്രദേശങ്ങളില്‍ താപനില സാധാരണ നിലയേക്കാള്‍ താഴും.

സംസ്ഥാനത്തെ ചില പ്രദേശങ്ങള്‍ ഇതിനോടകം ജലക്ഷാമം റിപ്പോര്‍ട്ട് ചെയ്തിട്ടുണ്ട്.

ഫെബ്രുവരിയിലെ താപനില
ഫെബ്രുവരി ഉടനീളം സാധാരണ താപനിലയായിരിക്കുമ്പോഴും ഇടവിട്ട് കൂടിയ താപനില അനുഭവപ്പെടാം. വടക്കന്‍ ജില്ലകളെ അപേക്ഷിച്ച് തെക്ക് ചൂട് കൂടുമ്പോള്‍ ഏപ്രില്‍ വരെ പസഫിക് സമുദ്രത്തില്‍ താപനില സാധാരണമായിരിക്കും. അതുകൊണ്ടുതന്നെ 2024 വര്‍ഷത്തിന് സമാനമായി അസാധാരണ വര്‍ദ്ധനവ് ഐഎംഡി പ്രതീക്ഷിക്കുന്നില്ല.

മണ്‍സൂണ്‍
വര്‍ഷത്തിന്റെ തുടക്കത്തില്‍ എല്‍നിനോ പ്രഭാവമുണ്ടാകില്ലെങ്കിലും പിന്നീട് മണ്‍സൂണിനെ ബാധിക്കുന്ന രീതിയില്‍ അത് ശക്തമാകും. ഇപ്പോള്‍ സമുദ്രം ലാ നിന ഘട്ടത്തിലാണ്. ഭൂമധ്യരേഖയ്ക്കടുത്തുള്ള പസഫിക്ക് തണുത്തുറഞ്ഞിരിക്കുന്നതിനാല്‍ മഴ ലഭിക്കാനുള്ള സാധ്യതയുണ്ട്. എന്നാല്‍ ഈഘട്ടം കൂടുതല്‍ ദിവസം നീണ്ടുനില്‍ക്കില്ല.

2026 ന്റെ അവസാനത്തില്‍ എല്‍ നിനോ വികസിക്കാന്‍ സാധ്യതയുണ്ട്. എല്‍ നിനോ വിപരീത ഘട്ടമാണ്, പസഫിക് ജലം സാധാരണയേക്കാള്‍ ചൂടാകുന്ന അവസ്ഥ. ഈ സാഹചര്യം പലപ്പോഴും ഇന്ത്യന്‍ മണ്‍സൂണിനെ ദുര്‍ബലപ്പെടുത്തും. അതുകൊണ്ടുതന്നെ വര്‍ഷത്തിന്റെ രണ്ടാം പകുതിയില്‍ എല്‍ നിനോ ആരംഭിച്ചാല്‍, അത് മണ്‍സൂണ്‍ മഴ കുറയ്ക്കുകയോ തടസ്സപ്പെടുത്തുകയോ ചെയ്യും.