ഇനി കെട്ടിക്കിടക്കില്ല, രാജ്യത്തെ 35 ലക്ഷത്തോളം വണ്ടിച്ചെക്ക് കേസുകള്‍ തീര്‍പ്പാക്കുന്നു

By Sajitha Gopie
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കെട്ടിക്കിടക്കുന്ന വണ്ടിച്ചെക്ക് കേസുകള്‍ തീര്‍പ്പാക്കാനുളള മാര്‍ഗ നിര്‍ദേശം പുറപ്പെടുവിച്ച് സുപ്രീം കോടതി. വണ്ടിച്ചെക്ക് കേസുകള്‍ കെട്ടിക്കിടക്കുന്നത് ഒഴിവാക്കുന്നതിനുളള നിര്‍ദേശങ്ങള്‍ നല്‍കാന്‍ സുപ്രീം കോടതി പ്രത്യേക സമിതിയെ നിയോഗിച്ചിരുന്നു. ഈ സമിതിയുടെ നിര്‍ദേശ പ്രകാരമാണ് സുപ്രീം കോടതി മാര്‍ഗനിര്‍ദേശം പുറപ്പെടുവിച്ചിരിക്കുന്നത്. രാജ്യത്താകമാനം 35 ലക്ഷത്തോളം വണ്ടിച്ചെക്ക് കേസുകള്‍ ആണ് കെട്ടിക്കിടക്കുന്നതായി കണക്കുകള്‍ വ്യക്തമാക്കുന്നത്.

 
ഇനി കെട്ടിക്കിടക്കില്ല, രാജ്യത്തെ 35 ലക്ഷത്തോളം വണ്ടിച്ചെക്ക് കേസുകള്‍ തീര്‍പ്പാക്കുന്നു

വണ്ടിച്ചെക്ക് കേസുകള്‍ വേഗത്തില്‍ തീര്‍പ്പാക്കുന്നതിനുളള നിര്‍ദേശങ്ങള്‍ ആണ ്‌നല്‍കിയിരിക്കുന്നത്. ഒരാളുടെ വിവിധ വണ്ടിച്ചെക്ക് കേസുകള്‍ ഒരു ഇടപാടില്‍ ആണെങ്കില്‍ അവ ഒരുമിച്ചാക്കണം. അതിനായി നിയമ ഭേദഗതി നടത്താനാണ് സുപ്രീം കോടതി നിര്‍ദേശിച്ചിരിക്കുന്നത്. വര്‍ഷങ്ങളായി പരിഹാരം കാണാത്ത വണ്ടിച്ചെക്ക് കേസുകള്‍ ലക്ഷക്കണക്കിന് കെട്ടി കിടക്കുന്ന പശ്ചാത്തലത്തിലാണ് സുപ്രീം കോടതിയുടെ ഇടപെടല്‍.

 

ചെക്ക് മടങ്ങാന്‍ പല കാരണങ്ങള്‍ ആണുളളത്. അക്കൗണ്ടില്‍ പണം ഇല്ലാത്തത് കാരണം ചെക്കുകള്‍ മടങ്ങാം. ചെക്കില്‍ എഴുതിയ തിയ്യതിയില്‍ പ്രശ്‌നം ഉണ്ടെങ്കില്‍ ചെക്ക് ബൗണ്‍സ് ആകാം. ചെക്കില്‍ എഴുതിയ തുകയില്‍ തെറ്റുണ്ടെങ്കിലും ചെക്കില്‍ കീറലുണ്ടെങ്കിലും ചെക്ക് മടങ്ങാം. ചെക്ക് നല്‍കിയ വ്യക്തി പണം നല്‍കുന്നത് നിര്‍ത്തി വെക്കാന്‍ നിര്‍ദേശിച്ചാലും ചെക്ക് ബൗണ്‍സ് ആകാം. ചെക്ക് ബൗണ്‍സ് ആയാല്‍ ബാങ്കില്‍ നിന്ന് കാരണം വ്യക്തമാക്കിക്കൊണ്ടുളള അറിയിപ്പ് ലഭിക്കും. ചെക്ക് നല്‍കിയ ആള്‍ക്കെതിരെ ഇതോടെ വക്കീല്‍ നോട്ടീസ് അയക്കാവുന്നതാണ്. ബാങ്കില്‍ നിന്നും ലഭിച്ച മെമ്മോയുടെ തിയ്യതി മുതല്‍ 30 ദിവസത്തിനകമാണ് വക്കീല്‍ നോട്ടീസ് അയക്കാവുന്നത്.

English summary

Supreme Court issues new directions to solve almost 35 lakhs Cheque bounsing cases

Supreme Court issues new directions to solve almost 35 lakhs Cheque bounsing cases
Story first published: Saturday, April 17, 2021, 23:04 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X