ആക്സെഞ്ചറിനെ മറികടന്ന് ടിസിഎസ്, ലോകത്തിലെ ഏറ്റവും മൂല്യമുള്ള ഐടി കമ്പനി

ഇന്ത്യൻ സോഫ്റ്റ്വെയർ സേവന കമ്പനിയായ ടാറ്റാ കൺസൾട്ടൻസി സർവീസസ് (ടിസിഎസ്) തിങ്കളാഴ്ച വീണ്ടും ആഗോളതലത്തിൽ ഏറ്റവും മൂല്യമുള്ള കമ്പനിയായി മാറി. ആക്സെഞ്ചറിനെ മറികടന്നാണ് ടിസിഎസ് നേട്ടം കൈവരിച്ചിരിക്കുന്നത്. ടിസിഎസിന്റെ വിപണി മൂല്യം എതിരാളികളായ ആക്സെഞ്ചറിനേക്കാൾ 169.9 ബില്യൺ ഇഞ്ച് മുന്നിലാണ്. ഡിസംബറിൽ അവസാനിച്ച പാദത്തിൽ 8,701 കോടി രൂപയാണ് കമ്പനിയുടെ അറ്റാദായം.

tcs

കഴിഞ്ഞ വർഷം ഒക്ടോബറിൽ ലോകത്തിലെ ഏറ്റവും മൂല്യവത്തായ ഐടി കമ്പനിയായി ടിസിഎസ് ആക്സെഞ്ചറിനെ മറികടന്നിരുന്നു. 2018 ൽ, ടി‌സി‌എസിനേക്കാൾ 300% കൂടുതൽ വരുമാനവുമായി ഐ‌ബി‌എം വിപണിയിൽ ഒന്നാമതെത്തി. രണ്ടാം സ്ഥാനത്ത് ആക്സെഞ്ചറായിരുന്നു. എന്നാൽ, ആ വർഷം ഏപ്രിലിൽ, ടിസിഎസ് 100 ബില്യൺ ഡോളർ മുന്നിലെത്തി. ആക്സെഞ്ചറിന്റെ വിപണി മൂലധനത്തെ മറികടന്നു.

3,317 രൂപ നിലവാരത്തിലാണ് ടിസിഎസിന്റെ ഓഹരി വില. കഴിഞ്ഞദിവസം 3,303 ലാണ് ക്ലോസ് ചെയ്തത്. രാജ്യത്തെ മുൻനിരയിലുള്ള പത്ത് കമ്പനികളുടെ വിപണിമൂല്യത്തിൽ കഴിഞ്ഞയാഴ്ചമാത്രം 1,15,758,.53 കോടി രൂപയുടെ വർധനവാണുണ്ടായത്. റിലയൻസ് ഇൻഡസ്ട്രീസ്, ടിസിഎസ്, ഹിന്ദുസ്ഥാൻ യുണിലിവർ, ബജാജ് ഫിനാൻസ് തുടങ്ങിയ കമ്പനികളാണ് മികച്ചനേട്ടമുണ്ടാക്കിയത്.