'മലയാളി മറന്ന ജനപ്രിയ നടൻ', സിനിമയിലും ജീവിതത്തിലും അഭിനയ കുലപതി: ഇട്ടു മൂടാനുള്ള പണമുണ്ട് പക്ഷെ! ആസ്തി?

ഒരു കാലത്ത് മലയാളിയുടെ ജനപ്രിയ നടനായിരുന്ന ദിലീപ് ഇന്ന് മലയാളികളുടെ ഫേവറിറ്റ് ലിസ്റ്റിലെ ഇല്ല എന്നത് തന്നെയാണ് അയാളുടെ ജീവിതം പറഞ്ഞുവെക്കുന്ന സന്ദേശം

മലയാളത്തിൽ ബിഗ് എംസ് ( മമ്മൂട്ടിയും മോഹൻലാലും ) കഴിഞ്ഞാൽ പിന്നീട് ഉയർന്നു കേൾക്കുന്ന ഒരേയൊരു പേര് ദിലീപ് എന്ന നടന്റെത് ആയിരുന്നു. എന്നാൽ വര്ഷങ്ങളായി സിനിമയിൽ ഒന്ന് നിവർന്ന് നില്ക്കാൻ പോലും കഴിയാത്ത സാഹചര്യത്തിലാണ് താരം ഉള്ളത്. ധാരാളം സിനിമകൾ ഉള്ള സമയത്ത് തുടങ്ങിവെച്ച ബിസിനസ് സാമ്രാജ്യങ്ങൾ ദേ പുട്ട്, തിയേറ്ററുകൾ പോലുള്ളവ നൽകുന്ന ഉറപ്പിലാണ് ദിലീപിന്റെ ഇപ്പോഴത്തെ സിനിമാ ജീവിതം തുടരുന്നത്. അഭിനയിച്ച സിനിമകൾ മാത്രമല്ല നിർമാണം നടത്തിയ സിനിമകൾ പോലും ദയനീയമായി പരാജയപ്പെട്ടതാണ് ദിലീപിനെ ഇപ്പോൾ ആശയക്കുഴപ്പത്തിലാക്കുന്ന ഘടകം.

ധ്യാൻ ശ്രീനിവാസനും ദിലീപും സിനിമകൾ എങ്ങനെ പൊട്ടിക്കാം എന്ന് റിസർച് ചെയ്യുകയാണെന്നാണ് മലയാളത്തിൽ എന്ന് ട്രോളുകൾ വരെ ഉണ്ടാകണമെങ്കിൽ മനസ്സിലാക്കാമല്ലോ ഒരു സൂപ്പർ താരത്തിന്റെ തകർച്ചയുടെ ആഴം എത്രയെന്ന്. വര്ഷങ്ങളായി ഇറങ്ങിയ എല്ലാ സിനിമകളും പരാജയപ്പെട്ട മലയാളത്തിലെ ഒരേയൊരു നടൻ ദിലീപ് ആണ്. ഏറെക്കുറെ അതിന് കാരണം നടി ആക്രമിക്കപ്പെട്ട കേസും ആണ്. സംഭവത്തിൽ പിടിയിലായ പ്രതി പൾസർ സുനിയും ദിലീപും തമ്മിലുള്ള ബന്ധമാണ് ഈയൊരു തകർച്ചയിലേക്കും, ദിലീപ് ഉണ്ടാക്കിയെടുത്ത സാമ്രാജ്യത്വത്തിന്റെ തകർച്ചയിലേക്കും വഴിയൊരുക്കിയത്.

ദിലീപിന്റെ ആസ്തിയും ബിസിനസ് സാമ്രാജ്യവും

ആയകാലത്ത് ഉണ്ടാക്കിയിട്ടാൽ അനുഭവിക്കാം എന്ന് കാരണവന്മാർ പറയുന്നത് ദിലീപിനെ പോലെ ജീവിക്കാം എന്നതിന്റെ ഉദാഹരണമായിട്ടായിരിക്കണം. കാരണം കഷ്ടപ്പെട്ട് സിനിമയിൽ എത്തിയ ദിലീപ് സൃഷ്‌ടിച്ച സാമ്രാജ്യം വലുതായിരുന്നു. അതിന്റെ തകർച്ചയാണ് ഇപ്പോൾ അവിശ്വസിനീയമായിക്കൊണ്ടിരിക്കുന്നത്. സിനിമ നിർമാണം, തിയേറ്ററുകളുടെ ഓണർഷിപ്, റിയൽ എസ്റ്റേറ്റ്, ചാരിറ്റബിൾ ട്രസ്റ്റ്, ഹോട്ടലുകൾ തുടങ്ങി സകല മേഖലകളിലേക്കും ദിലീപ് തന്റെ പണം വകമായിരുന്നു.

ഏകദേശം 600 കോടിയാണ് ദിലീപിന്റെ ആസ്തിയെന്നാണ് കണക്കുകൾ സൂചിപ്പിക്കുന്നത്. ചില റിപ്പോർട്ടുകൾ പ്രകാരം ഇത് 300 കോടിയും, 500 കോടിയും ഒക്കെയാണ്. എന്തായാലും മമ്മൂട്ടിയോളവും മോഹന്ലാലിനോളവും തന്നെ ആസ്തി ദിലീപിന് ഉണ്ടെന്നാണ് കണക്കുകൾ രേഖപ്പെടുത്തുന്നത്. നടി ആക്രമിക്കപ്പെട്ട കേസിൽ ധാരാളം പണം ഒഴുകിപ്പോയെങ്കിലും ദിലീപിന്റെ ആസ്തിയെ അത് ബാധിച്ചിട്ടില്ല.

5 മുതൽ 7 കോടി വരെ രൂപയാണ് ദിലീപ് ഒരു സിനിമയ്ക്ക് വേണ്ടി വാങ്ങുന്നത്. ഇത് മലയാളത്തെ സംബന്ധിച്ചിടത്തോളം വലിയ ഒരു തുക തന്നെയാണ്. മലയാളത്തിൽ ഏറ്റവുമധികം പ്രതിഫലം വാങ്ങുന്ന മോഹൻലാൽ പോലും 10 മുതൽ 12 കോടി വരെയേ വാങ്ങുന്നുള്ളൂ. അത് വെച്ച് നോക്കുമ്പോൾ ദിലീപിന്‌ന്റെ പ്രതിഫലം ഏറെ വലുതാണ്.

സിനിമാ ജീവിതം

മലയാള സിനിമയിലെ സുപ്രധാന നടന്മാരിൽ ഒരാളാണ് ദിലീപ്. ഹാസ്യനടനായാണ് സിനിമാരംഗത്ത് പ്രവേശിച്ചെങ്കിലും പിന്നീട് വമ്പിച്ച ഹിറ്റുകൾ സമ്മാനിച്ച ഒരു ആക്ഷൻ, സെന്റിമെന്റൽ, റൊമാന്റിക് നായകനായി അദ്ദേഹം മാറി. ദിലീപ് തന്റെ കരിയർ മിമിക്രിയിലൂടെയാണ് ആരംഭിച്ചത്. പിന്നീട് സിദ്ദിഖ്-ലാലിന്റെ സിനിമയിലൂടെയാണ് വെള്ളിത്തിരയിലേക്ക് എത്തുന്നത്.

തുടർച്ചയായ വിജയങ്ങളിലൂടെ ദിലീപ് മലയാള സിനിമയുടെ 'ജനപ്രിയ നായകൻ' എന്ന വിളിപ്പേരിന് അർഹനായത് 2000-ൽ എത്തിയ ' മീശമാധവൻ ' എന്ന സൂപ്പർഹിറ്റ് ചിത്രത്തിന് ശേഷം ആണ്. വിനോദപ്രധാനമായ കഥാപാത്രങ്ങളെ അവതരിപ്പിച്ചതിനൊപ്പം 'കഥവാശേഷൻ', ''കമ്മാരസംഭവം' തുടങ്ങിയ ചിത്രങ്ങളിൽ വ്യത്യസ്തമായ കഥാപാത്രങ്ങളുമായി ദിലീപ് പ്രേക്ഷകരെ അമ്പരപ്പിച്ചു.