ഏപ്രിൽ ഒന്ന് മുതൽ വാഹനങ്ങളുടെ തേർഡ്പാർട്ടി ഇൻഷുറൻസ് പ്രീമിയം വർദ്ധിക്കും

അടുത്ത സാമ്പത്തിക വർഷം (ഏപ്രിൽ ഒന്ന്) മുതൽ കാറുകളുടെയും ഇരുചക്രവാഹനങ്ങളുടെയും ട്രാൻസ്പോർട്ട് വാഹനങ്ങളുടെയും തേർഡ്പാർട്ടി ഇൻഷുറൻസ് പ്രീമിയത്തിൽ വർധനവ് വരുത്താൻ ഇൻഷുറൻസ് റഗുലേറ്ററി ആൻഡ് ഡെവലപ്‌മെന്റ് അതോറിറ്റി ഓഫ് ഇന്ത്യ (ഐ.ആർ.ഡി.എ.ഐ.) നിർദേശം നൽകി. വൈദ്യുത വാഹനങ്ങളുടെ പ്രീമിയത്തിൽ 15 ശതമാനം കുറവുവരുത്തും. ഓട്ടോറിക്ഷകളുടെ നിരക്കിൽ വ്യത്യാസം വരുത്തിയിട്ടില്ല.

കരട് നിർദ്ദേശം

പ്രീമിയത്തിന്റെ കരടുനിർദേശമാണ് പുറപ്പെടുവിച്ചത്. ജനങ്ങൾക്ക് മാർച്ച് 20 വരെ janitairda.gov.in എന്ന വെബ്സൈറ്റിൽ ആക്ഷേപങ്ങൾ സമർപ്പിക്കാം. ഇതൂകൂടി പരിഗണിച്ച് ഈ മാസം അവസാനത്തോടെ അന്തിമനിരക്ക് പ്രഖ്യാപിക്കും. പുതിയ സ്വകാര്യകാറുകൾക്ക് മൂന്നുവർഷത്തേക്കും ഇരുചക്രവാഹനങ്ങൾക്ക് അഞ്ചുവർഷത്തേക്കുമുള്ള തേർഡ് പാർട്ടി പ്രീമിയം മുൻകൂർ അടയ്ക്കണം. നിലവിലുള്ളത് പുതുക്കുമ്പോൾ ഓരോ വർഷത്തേക്കുള്ള തുക അടച്ചാൽ മതിയാകും.

ശുപാർശകൾ ഇങ്ങനെ

കരട് നിർദ്ദേശത്തിൽ, ഹാച്ച്ബാക്കുകൾക്കും (1,000 സിസിയിൽ കൂടാത്തത്) സെഡാനുകൾക്കും (1,000-1,500 സിസി) കാർ ഇൻഷുറൻസിനായി വാർഷിക പ്രീമിയത്തിൽ 5 ശതമാനം വർദ്ധനവ് അതായത് യഥാക്രമം 2,182 രൂപയും 3,383 രൂപയും ഐആർ‌ഡി‌ഐ ശുപാർശ ചെയ്തിട്ടുണ്ട്. എസ്‌യുവികൾക്ക് (1,500 സിസിക്ക് മുകളിൽ) നിരക്ക് 7,890 രൂപയായി നിലനിർത്തുന്നുവെന്ന് ടൈംസ് ഓഫ് ഇന്ത്യ റിപ്പോർട്ടിൽ പറയുന്നു.

പ്രീമിയം വർദ്ധനവ്

ഒന്നിലധികം വർഷത്തെ കാർ പോളിസികൾ വാങ്ങുന്നവർക്ക് പ്രീമിയത്തിൽ 15% വർദ്ധനവുണ്ടായേക്കാം. 1,000 സിസിയിൽ താഴെയുള്ള കാറുകളുടെ മൂന്ന് വർഷത്തെ പോളിസികൾക്കുള്ള പ്രീമിയം 15 ശതമാനം വർധിച്ച് 6,079 രൂപയായി ഉയർത്താൻ ഐആർഡിഎഐ നിർദ്ദേശിച്ചു. എന്നിരുന്നാലും, ഓട്ടോകൾക്കായി, റെഗുലേറ്റർ 50 ശതമാനം കുറച്ച് 1,241 രൂപയായി ശുപാർശ ചെയ്തു.

വാഹനങ്ങളുടെ പ്രീമിയം തുക

അഞ്ചുവർഷത്തെ പ്രീമിയങ്ങൾ ഇരുചക്രവാഹനങ്ങൾക്ക് (75 സിസിക്ക് താഴെ) 15 ശതമാനവും (75-150 സിസി) യഥാക്രമം 1,233 രൂപയും 3,845 രൂപയുമാണ് ഉയരുക. ബൈക്കുകൾക്ക് (150-350 സിസി), ഇൻഷുറൻസ് ചെലവ് 19% വർദ്ധിച്ച് 6,505 രൂപയാകും. ഹൈ എൻഡ് ബൈക്കുകളുടെ നിരക്ക് (350 സിസിക്ക് മുകളിൽ) 13,034 രൂപയായി ഐആർഡിഎഐ സ്ഥിരമായി നിലനിർത്തിയിട്ടുണ്ട്. ആഡംബര കാറുകൾക്ക് 1,000-1,500 സിസി കാറുകളുടെ ഇൻഷുറൻസ് പ്രീമിയം 6.5 ശതമാനം വർധിച്ച് 10,149 രൂപയായി ഉയർത്തണമെന്ന് ഐആർഡിഎഐ ശുപാർശ ചെയ്തിട്ടുണ്ടെങ്കിലും റെഗുലേറ്റർ നിരക്ക് സ്ഥിരമായി 24,305 രൂപയായി നിലനിർത്തുമെന്നുമാണ് വിവരം.