ഏറ്റവും കൂടുതൽ സമ്പത്തുള്ള 10 രാജ്യങ്ങളിൽ യുഎസ് ഒന്നാം സ്ഥാനത്താണ്; ഇന്ത്യയോ?

ക്രെഡിറ്റ് സ്യൂസിന്റെ കണക്ക് പ്രകാരം ലോകത്ത് സമ്പത്തിൽ ഒന്നാം സ്ഥാനത്ത് നിൽകുന്ന രാജ്യം യുണൈറ്റഡ് സ്റ്റേറ്റ്‌സാണ്. യു.എസിന്റെ ആകെ സമ്പത്ത് 106 ട്രില്യൺ ഡോളർ. ലോകത്തെ ആറാമത്തെ ഏറ്റവും കൂടുതല്‍ സമ്പത്തുളള രാജ്യം ഇന്ത്യയും. ക്രെഡിറ്റ് സ്യൂസിന്റെ 2019-ലെ ആഗോള സമ്പത്ത് റിപ്പോർട്ട് സൂചിപ്പിക്കുന്നത് പ്രകാരം ലോകത്തിലെ മൊത്തം പണം 360.6 ട്രില്യൺ ഡോളറാണ്. ലോകത്തെ മൊത്തം ആസ്തിയുടെ 30 ശതമാനമുള്ളതോ യുസിന്റെ പങ്കലും.

രണ്ടാം സ്ഥാനം ചൈനയ്ക്കാണ് 63.8 ട്രില്യൺ ഡോളറാണ് ചൈനയുടെ ആകെ ആസ്തി. മൂന്നാം സ്ഥാനമുളള ജപ്പാന്റെ കൈവശം 25 ട്രില്യൺ ഡോളര്‍ ആസ്തിയുമുണ്ട്. ജർമ്മനിയും യുകെയുമാണ് നാലും അഞ്ചും സ്ഥാനത്തുള്ളത്. ഇവരുടെ ആസ്തി യഥാക്രമം 14.7 ട്രില്യൺ 14.3 ട്രില്യൺ എന്നിങ്ങനെയാണ്. ആറാമത്തെ ഏറ്റവും സമ്പന്നമായ ഇന്ത്യയ്ക്ക് 12.6 ട്രില്യൺ ഡോളര്‍ ആസ്തിയുണ്ട്.

8.6 ട്രില്യൺ ഡോളർ ആസ്തിയുള്ള കാനഡയാണ് ഏഴാം സ്ഥാനത്തുള്ളത്. എട്ടാം സ്ഥാനത്തുള്ളത് സൗത്ത് കൊറിയയാണ് 7.3 ട്രില്യൺ ഡോളറാണ് സൗത്ത് കൊറിയയുടെ ആസ്തി. ഓസ്‌ട്രേലിയയും സ്വിറ്റ്സർലൻഡുമാണ് ഒൻപതും പത്തും സ്ഥാനത്തുള്ളത്. ഇവരുടെ ആസ്തി യഥാക്രമം 7.2 ട്രില്യൺ ഡോളറും 3.9 ട്രില്യൺ ഡോളറുമാണ്.