നിങ്ങൾ ഇതുവരെ ഡെബിറ്റ് കാര്ഡോ ക്രഡിറ്റ് കാര്ഡോ ഉപയോഗിച്ച് ഓണ്ലൈന് ഇടപാടുകളൊന്നും നടത്തിയിട്ടില്ലേ? എങ്കിൽ മാര്ച്ച് 16-നകം കാര്ഡ് ഉപയോഗിച്ച് ഓണ്ലൈന് ഇടപാട് നടത്തിയിട്ടില്ലെങ്കില് ഭാവിയില് നിങ്ങള്ക്ക് അതിന് കഴിയില്ല. റിസർവ് ബാങ്ക് ഓഫ് ഇന്ത്യയുടെതാണ് (ആര്ബിഐ) ഈ മുന്നറിയിപ്പ്. ഇങ്ങനെ ഓൺലൈൻ ഇടപാടുകൾക്കൊന്നും ഇതുവരെ ഉപയോഗിക്കാത്ത നിങ്ങളുടെ കാർഡിൽ നിന്ന് പിന്നീട് എടിഎം, പിഒഎസ് സൗകര്യം മാത്രമെ ലഭിക്കൂ. കോണ്ടാക്ട്ലെസ് സൗകര്യമുപയോഗിച്ച് പണം കൈമാറിയിട്ടില്ലെങ്കിലും ഭാവിയില് ഈ സൗകര്യം ലഭ്യമാകില്ല. ഇതുസംബന്ധിച്ച് ജനവരി 15-ന് ആര്ബിഐ ബാങ്കുകള്ക്കും ക്രഡിറ്റ് കാര്ഡ് കമ്പനികള്ക്കും നിര്ദേശം നല്കിയിരുന്നു. ഡെബിറ്റ്, ക്രഡിറ്റ് കാര്ഡുകള് ഉപയോഗിക്കുമ്പോഴുള്ള സുരക്ഷ വര്ധിപ്പിക്കുന്നതിന്റെ ഭാഗമായാണ് പുതിയ നടപടി.
എന്താണ് കോണ്ടാക്ട്ലെസ് ഇടപാട്?
കാർഡുകളിൽ റേഡിയോ ഫ്രീക്വൻസി ഐഡൻറിഫിക്കേഷൻ (ആർഎഫ്ഐഡി) സാങ്കേതികവിദ്യ ഉപയോഗിച്ച് ഡെബിറ്റ് അല്ലെങ്കിൽ ക്രെഡിറ്റ് കാർഡ് വഴി ഉൽപ്പന്നങ്ങളോ സേവനങ്ങളോ വാങ്ങുമ്പോൾ ഒരു കോണ്ടാക്ട്ലെസ് ഇടപാട് നടക്കും. ഒരിക്കല് ഓണ്ലൈന്, കോണ്ടാക്ട്ലെസ് സൗകര്യം പിന്വലിച്ചാല് പിന്നീട് പുനഃസ്ഥാപിക്കാന് വീണ്ടും ബാങ്കിലെത്തി അപേക്ഷിക്കേണ്ടിവരും.
ഓഹരി വിപണിയിൽ കനത്ത ഇടിവ്; സെൻസെക്സ് 1,600 പോയിന്റിന് താഴെ, നിഫ്റ്റി 10,500ലേയ്ക്ക് കൂപ്പുകുത്തി
ക്രെഡിറ്റ്, ഡെബിറ്റ് കാർഡുകളെ സംബന്ധിച്ചുള്ള പുതിയ നിയമങ്ങൾ?
ഇനിമുതല് ബാങ്കുകൾ നിങ്ങൾക്ക് പുതിയതായി ഡെബിറ്റ് കാര്ഡോ, ക്രഡിറ്റ് കാര്ഡോ അനുവദിക്കുമ്പോള് എടിഎം, പിഒഎസ് ടെല്മിനലുകള് എന്നിവ വഴിയുള്ള ഇടപാടുകള്ക്ക് മാത്രമേ സൗകര്യമുണ്ടാവൂ. ഈ കാർഡുകൾ ഉപയോഗിച്ച് ഓണ്ലൈന് ഇടപാടുകളോ അന്താരാഷ്ട്ര ഇടപാടുകളോ നടത്താന് താല്പര്യമുള്ളവര് ബാങ്കിന് പ്രത്യേകം അപേക്ഷ നല്കണം.
ഓണ്ലൈന്, അന്താരാഷ്ട്ര ഇടപാടുകള് എന്നിവ താല്ക്കാലികമായി നിര്ത്തിവെയ്ക്കാനും സൗകര്യം പുനഃസ്ഥാപിക്കാനും ഉപഭോക്താവിന് കഴിയണം. കാര്ഡില്നിന്ന് പിന്വലിക്കാനുള്ള തുക നിശ്ചയിക്കാനും കഴിയുന്ന വിധത്തില് ക്രമീകരണം നടത്തണമെന്നും ആര്ബിഐയുടെ നിര്ദേശമുണ്ട്. നെറ്റ് ബാങ്കിങ്, മൊബൈല് ആപ്പ് തുടങ്ങിയവ വഴി ഇത് സാധ്യമാക്കാന് അവസരമൊരുക്കണമെന്നും ആര്ബിഐയുടെ വിജ്ഞാപനത്തില് നിർദേശിക്കുന്നുണ്ട്.