ഓണം ബമ്പർ നറുക്കെടുപ്പ് ഇന്ന്, ഭാഗ്യശാലി ആരെന്നറിയാൻ കേരളം, എത്ര പേർക്ക് സമ്മാനം കിട്ടും..?

അതെ, ആ മഹാഭാഗ്യം ആർക്കെന്ന് അറിയാനുള്ള ആകാംഷയ്ക്ക് ഇന്ന് അവസാനമാവുകയാണ്. കേരള ഭാ​ഗ്യക്കുറികളിലെ ഏറ്റവും ഉയർന്ന സമ്മാനത്തുകയായ 25 കോടി രൂപ നേടുന്ന ആ ഭാഗ്യശാലി ആരാണെന്ന് ഇന്ന് അറിയാം. തിരുവനന്തപുരത്തെ ഗോർക്കി ഭവനിൽ വെച്ച് കൃത്യം 2 മണിയോടെയാണ് ഈ വർഷത്തെ ഓണം ബമ്പർ ലോട്ടറിയുടെ (തിരുവോണം ബമ്പർ BR- 105) നറുക്കെടുപ്പ് ഫലം പ്രഖ്യാപിച്ചു തുടങ്ങുക.

കഴിഞ്ഞ വർഷം വയനാട് ജില്ലയിലെ ഏജന്റ് വിറ്റ TG 43222 എന്ന ടിക്കറ്റിനായിരുന്നു 25 കോടിയുടെ ഒന്നാം സമ്മാനം ലഭിച്ചത്. എന്നാൽ, ആ ഭാഗ്യം ഒരു മലയാളിക്കായിരുന്നില്ല. ഇത്തവണ ഈ ബമ്പർ ഏത് ജില്ലയിൽ നിന്നുള്ള ടിക്കറ്റിനായിരിക്കും? കാത്തിരിക്കാം. ടിക്കറ്റെടുത്തവരെല്ലാം വലിയ പ്രതീക്ഷയിലാണ്.

സെപ്റ്റംബർ 27-ന് നിശ്ചയിച്ചിരുന്ന നറുക്കെടുപ്പ്, അപ്രതീക്ഷിതമായ ചില സാഹചര്യങ്ങളാൽ ഒരു ദിവസം മുൻപ് തന്നെ ഒക്ടോബർ 4-ലേക്ക് മാറ്റി വെക്കുകയായിരുന്നു. ഒരാഴ്ചത്തെ ഈ അധിക സമയം ടിക്കറ്റ് വിൽപ്പനയിൽ വലിയ മാറ്റമുണ്ടാക്കിയിട്ടുണ്ട്. സംസ്ഥാനത്തൊട്ടാകെ 75 ലക്ഷത്തോളം ടിക്കറ്റുകളാണ് ഇത്തവണ വിറ്റഴിഞ്ഞത്.

ഉദ്ഘാടനം

ഇന്ന് ഉച്ചയോടെ ധനമന്ത്രി കെ.എൻ. ബാലഗോപാൽ ഓണം ബമ്പർ ലോട്ടറി നറുക്കെടുപ്പ് ഉദ്ഘാടനം ചെയ്യും. എംഎൽഎമാരായ ആന്റണി രാജു, വി.എസ്. പ്രശാന്ത്, ലോട്ടറി വകുപ്പ് ഡയറക്ടർ ഡോ. നിതിൻ പ്രേംരാജ് എന്നിവർ പങ്കെടുക്കും. ഇന്ന് ഉച്ചയ്ക്ക് 1 മണി വരെ ടിക്കറ്റുകൾ വാങ്ങാൻ അവസരമുണ്ട്. ഇനിയും ടിക്കറ്റ് എടുത്തിട്ടില്ലെങ്കിൽ വേ​ഗം വാങ്ങിക്കോളൂ.

നിങ്ങളുടെ ടിക്കറ്റുകളെല്ലാം സുരക്ഷിതമായി കൈവശം വെക്കുക. ഇനി മണിക്കൂറുകൾ മാത്രമാണ് ബാക്കിയുള്ളത്. കാത്തിരിക്കാം, ആ ചരിത്രവിജയത്തിനായി.

സമ്മാന ഘടന

ഒന്നാം സമ്മാനം 25 കോടിയാണ്. രണ്ടാം സമ്മാനം 1 കോടി രൂപ വീതം 20 പേർക്ക്. ഇത് ഓരോ സീരീസിലും രണ്ട് ടിക്കറ്റുകൾക്ക് ഒരു കോടി വീതം നൽകുന്നു. മൂന്നാം സമ്മാനം 50 ലക്ഷം രൂപ വീതം 20 പേർക്ക്. നാലാം സമ്മാനം 5 ലക്ഷം രൂപ വീതം 10 പേർക്ക്. അഞ്ചാം സമ്മാനം 2 ലക്ഷം രൂപ വീതം 10 പേർക്ക്.

ഇതിനു പുറമേ മറ്റു നിരവധി സമ്മാനങ്ങളും ഉറപ്പാക്കാം. ആറാം സമ്മാനം 5,000 രൂപ, ഏഴാം സമ്മാനം 2,000 രൂപ, എട്ടാം സമ്മാനം 1,000 രൂപ, ഒൻപതാം സമ്മാനം 500 രൂപ എന്നിങ്ങനെയാണ് മറ്റു സമ്മാനങ്ങൾ.

ഓണം ബമ്പർ റിസൾട്ട് എങ്ങനെ കാണാം?

ഇന്ന് നടക്കാനിരിക്കുന്ന ഓണം ബമ്പറിൻ്റെ നറുക്കെടുപ്പ് ഫലം എങ്ങനെ? എപ്പോൾ കാണാനാവും? പലരും ഏറെ ആകാംഷയിലാണ് നറുക്കെടുപ്പിനായി കാത്തിരിക്കുന്നത്. ഇന്നത്തെ റിസൾട്ട് എങ്ങനെ അറിയാമെന്ന് നോക്കാം;

• ആദ്യം ഔദ്യോഗിക വെബ്സൈറ്റ് www.keralalotteries.com സന്ദർശിക്കുക
• ഈ ലിസ്റ്റിൽ വിജയിച്ച ടിക്കറ്റ് നമ്പറുകൾ ക്രോസ്-ചെക്ക് ചെയ്യുക
• നിങ്ങളുടെ നമ്പറിന് സമ്മാനമുണ്ടെങ്കിൽ 30 ദിവസത്തിനുള്ളിൽ തന്നെ ലോട്ടറി വകുപ്പുമായി ബന്ധപ്പെടണം.

എപ്പോൾ കാണാം?

ഇന്ന് ഉച്ചക്ക് 2 മണിക്കാണ് നറുക്കെടുപ്പ് പ്രഖ്യാപിക്കുന്നത്. 2 മണി മുതൽ ഔദ്യോ​ഗിക വെബ്സൈറ്റിൽ തത്സമയ റിസൾട്ട് വിവരങ്ങൾ അപ്ഡേറ്റ് ചെയ്യും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.