Just In
-
-
-
-
Don't Miss
-
തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ -
ദിലീപ് ശ്രമിച്ചത് അതിനായിരുന്നു': നടി ആക്രമിക്കപ്പെട്ട കേസില് പുതിയ വെളിപ്പെടുത്തലുമായി ടിബി മിനി -
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള് -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില്‍ ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
നിലവില്‍ നിക്ഷേപകര്‍ അഭിമുഖീകരിക്കുന്ന വലിയൊരു പ്രയാസമാണ് സ്ഥിര നിക്ഷേപങ്ങളുടെ പലിശ നിരക്കില്‍ ഉണ്ടായിക്കൊണ്ടിരിക്കുന്ന ഇടിവ്. നിക്ഷേപ സുരക്ഷിതത്വും സ്ഥിര വരുമാനവും ഉറപ്പാക്കുമ്പോഴും പലിശ നിരക്കിലെ കുറവ് സ്ഥിര നിക്ഷേപങ്ങളുടെ ആകര്‍ഷണീയത ഇല്ലാതാക്കുന്നു. രാജ്യത്തെ ഏറ്റവും വലിയ പൊതു മേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) പോലപം സ്ഥിര നിക്ഷേപത്തിന് വാഗ്ദാനം ചെയ്യുന്ന പലിശ നിരക്ക് 5.5 ശതമാനം മാത്രമാണ്.
സ്ഥിര നിക്ഷേപത്തിന് 8 ശതമാനം പലിശ നിരക്ക്
എന്നാല്‍ സ്ഥിര നിക്ഷേപത്തിന് 8 ശതമാനം പലിശ നിരക്ക് നിക്ഷേപകര്‍ക്ക് നല്‍കുന്ന ധനകാര്യ സ്ഥാപനങ്ങള്‍ ഉണ്ടെന്ന കാര്യം നിങ്ങള്‍ക്കറിയാമോ? സംഗതി ശരിയാണ് സ്ഥിര നിക്ഷേപങ്ങള്‍ക്ക് 8 ശതമാനം പലിശ നിരക്ക് നിങ്ങള്‍ക്കും ലഭിക്കും. തമിഴ്‌നാട് പവര്‍ ഫിനാന്‍സ് ആന്റ് ഇന്‍ഫ്രസ്ട്രക്ചര്‍ ഡെവലപ്പ്‌മെന്റ് കോര്‍പ്പറേഷന്‍ ആണ് സാധാരണ നിക്ഷേപകര്‍ക്ക് സ്ഥിര നിക്ഷേപത്തിന്മേല്‍ 8 ശതമാനം പലിശ നിരക്കും, മുതിര്‍ന്ന പൗരന്മാരുടെ സ്ഥിര നിക്ഷേപത്തിന്മേല്‍ 8.5 ശതമാനം പലിശ നിരക്കും വാഗ്ദാനം ചെയ്യുന്നത്.
തമിഴ്‌നാട് പവര്‍ ഫിനാന്‍സ് ആന്റ് ഇന്‍ഫ്രസ്ട്രക്ചര്‍ ഡെവലപ്പ്‌മെന്റ് കോര്‍പ്പറേഷന്‍
പേരില്‍ വ്യക്തമാകും പോലെ ഈ ധനകാര്യ സ്ഥാപനം നടത്തിക്കൊണ്ടു പോകുന്നത് തമിഴ്‌നാട് സര്‍ക്കാരാണ്. മറ്റ് ദേശ സാത്കൃത ബാങ്കുകളിലെ സ്ഥിര നിക്ഷേപങ്ങളിലെ പലിശ നിരക്കുമായി താരതമ്യം ചെയ്യുമ്പോള്‍ തമിഴ്‌നാട് പവര്‍ ഫിനാന്‍സ് വാഗ്ദാനം ചെയ്യുന്ന പലിശ നിരക്കിലെ വ്യത്യാസം നിങ്ങള്‍ക്ക് അറിയുവാന്‍ സാധിക്കും. ഇപ്പോള്‍ ഏവരും തമിഴ്‌നാട് പവര്‍ ഫിനാന്‍സ് സ്ഥിര നിക്ഷേപങ്ങള്‍ക്ക് വാഗ്ദാനം ചെയ്യുന്ന പലിശ നിരക്കുകള്‍ അറിയുവാന്‍ താത്പര്യപ്പെടുന്നുണ്ടാകും.
നിക്ഷേപ കാലാവധി
12 മാസമാണ് തമിഴ്‌നാട് പവര്‍ ഫിനാന്‍സ് വാഗ്ദാനം ചെയ്യുന്ന സ്ഥിര നിക്ഷേപങ്ങളുടെ ഏറ്റവും കുറഞ്ഞ നിക്ഷേപ കാലാവധി. ഈ കാലയളവിലേക്ക് സ്ഥിര നിക്ഷേപം നടത്തിയാല്‍ സാധാരണ നിക്ഷേപകര്‍ക്ക് 7 ശതമാനവും മുതിര്‍ന്ന പൗരന്മാര്‍ക്ക് 7.25 ശതമാനവും പലിശ നിരക്ക് ലഭിക്കും. 24 മാസം, 36 മാസം, 48 മാസം, 60 മാസം എന്നീ കാലയളവുകളിലേക്കും തമിഴ്‌നാട് പവര്‍ ഫിനാന്‍സ് സ്ഥിര നിക്ഷേപങ്ങള്‍ വാഗ്ദാനം ചെയ്യുന്നുണ്ട്.
പലിശ നിരക്ക്
24 മാസത്തേക്കാണ് നിക്ഷേപം നടത്തുന്നത് എങ്കില്‍ സാധാരണ നിക്ഷേപകര്‍ക്ക് 7.25 ശതമാനവും മുതിര്‍ന്ന പൗരന്മാര്‍ക്ക് 7.50 ശതമാനവും പലിശ ലഭിക്കും. 36 മാസത്തെ സ്ഥിര നിക്ഷേപങ്ങള്‍ക്ക് സാധാരണ നിക്ഷേപകര്‍ക്ക് ലഭിക്കുക 7.75 ശതമാനമാണ്. മുതിര്‍ന്ന പൗരന്മാര്‍ക്ക് 8.25 ശതമാനവും ലഭിക്കും. 48 മാസത്തെ സ്ഥിര നിക്ഷേപത്തിന് കമ്പനി സാധാരണ നിക്ഷേപകര്‍ക്ക് വാഗ്ദാനം ചെയ്യുന്നത് 7.75 ശതമാനം പലിശ നിരക്കാണ്. മുതിര്‍ന്ന പൗരന്മാര്‍ക്ക് 8.25 ശതമാനം പലിശ നിരക്കും ലഭിക്കും. സ്ഥിര നിക്ഷേപം നടത്തുന്നത് 60 മാസത്തേക്ക് ആണെങ്കില്‍ സാധാരണ നിക്ഷേപകര്‍ക്ക് 8 ശതമാനം പലിശ ലഭിക്കും. മുതിര്‍ന്ന പൗരന്മാര്‍ക്ക് ലഭിക്കുന്നത് 8.50 ശതമാനം പലിശ നിരക്കായിരിക്കും.
ഓണ്‍ലൈനായും സ്ഥിര നിക്ഷേപം ആരംഭിക്കാം
രാജ്യത്ത് മുതിര്‍ന്ന പൗരന്മാരുടെ സ്ഥിര നിക്ഷേപത്തിന് 8.50 ശതമാനം പലിശ നിരക്ക് വാഗ്ദാനം ചെയ്യുന്ന മറ്റ് ധനകാര്യ സ്ഥാപനങ്ങളൊന്നും തന്നെയില്ല എന്ന് ഇവിടെ ഓര്‍മിക്കേണ്ട കാര്യമാണ്. വെബ്‌സൈറ്റ് മുഖേന ഓണ്‍ലൈനായി സ്ഥിര നിക്ഷേപം ആരംഭിക്കുവാനുള്ള സൗകര്യവും തമിഴ്‌നാട് പവര്‍ ഫിനാന്‍സ് നല്‍കി വരുന്നുണ്ട്. ഉയര്‍ന്ന പലിശ നിരക്കില്‍ സുരക്ഷിതമായ നിക്ഷേപം ആഗ്രഹിക്കുന്ന നിക്ഷേപകര്‍ക്ക് തീര്‍ച്ചയായും തമിഴ്‌നാട് പവര്‍ ഫിനാന്‍സിനെ ആശ്രയിക്കാം.
നിക്ഷേപം ഇങ്ങനെ
അതേ സമയം 3 വര്‍ഷത്തില്‍ താഴെയുള്ള കാലയളിലേക്ക് നിക്ഷേപം നടത്തുന്നതാണ് അഭികാമ്യം. പലിശ നിരക്കുകള്‍ ഇനിയും ഉയരുവാന്‍ സാധ്യതയുണ്ട് എന്ന കാരണത്താലാണത്. അതായത് നിങ്ങള്‍ 5 വര്‍ഷത്തേക്ക് നിക്ഷേപം ആരംഭിച്ചാല്‍, നിക്ഷേപം തുടങ്ങുന്ന സമയത്തുള്ള പലിശ നിരക്കിലാണ് നിങ്ങള്‍ക്ക് ആദായം ലഭിക്കുക. പിന്നീട് പലിശ നിരക്ക് വര്‍ധിപ്പിച്ചാല്‍ ആ നേട്ടം ലഭിക്കുകയില്ല.
