ജിയോ വരിക്കാർ അറിഞ്ഞോ? നിങ്ങളുടെ വാർഷിക പ്ലാനിലെ പുതിയ മാറ്റം ഇങ്ങനെ

പ്രീപെയ്ഡ് ഉപയോക്താക്കൾക്കായി റിലയൻസ് ജിയോ വാർഷിക പ്ലാനിൽ മാറ്റം വരുത്തി. മുമ്പ് 2,020 രൂപ നിരക്കിൽ ലഭ്യമായിരുന്ന പ്ലാനിന്റെ വില ഇപ്പോൾ 2,121 രൂപയായി ഉയർത്തി. എന്നാൽ, പ്ലാനിലെ നേട്ടങ്ങൾ അതേപടി തുടരും. 101 രൂപയാണ് വാർഷിക പ്ലാനിൽ വർദ്ധിപ്പിച്ചിരിക്കുന്നത്. അതായത് പ്രതിമാസം 8.4 രൂപ വർദ്ധിക്കും.

336 ദിവസത്തേക്ക് മൊത്തം 504 ജിബി ഡാറ്റയാണ് വാർഷിക പദ്ധതിയിൽ വാഗ്ദാനം ചെയ്യുന്നത്. ഉപയോക്താവിന് പ്രതിദിനം 1.5 ജിബി ഡാറ്റ ലഭിക്കും. വരിക്കാർക്ക് പരിധിയില്ലാത്ത ജിയോ ടു ജിയോ കോളിംഗും ജിയോ ടു നോൺ ജിയോ ഫോണുകൾക്ക് 12000 മിനിറ്റ് സൌജന്യ കോൾ സൌകര്യവും ലഭിക്കും. എസ്എംഎസുകൾ പ്രതിദിനം 100 ആയി പരിമിതപ്പെടുത്തിയിട്ടുണ്ട്. കൂടാതെ ഡാറ്റ പാക്കേജുകൾക്കൊപ്പം എല്ലാ ജിയോ ആപ്ലിക്കേഷനുകൾക്കും കോംപ്ലിമെന്ററി സബ്‌സ്‌ക്രിപ്‌ഷനും നൽകും.

ജിയോ വരിക്കാർ അറിഞ്ഞോ? നിങ്ങളുടെ വാർഷിക പ്ലാനിലെ പുതിയ മാറ്റം ഇങ്ങനെ

84 ദിവസത്തേക്ക് 555 രൂപയുടെ പ്ലാനും ജിയോ അവസരിപ്പിച്ചിട്ടുണ്ട്. മൊത്തം 126 ജിബി, ജിയോ ഇതര കണക്ഷനുകളിലേയ്ക്ക് 3000 മിനിറ്റ് കോൾ എന്നിവ ഇതിൽപ്പെടുന്നു. സമാന ആനുകൂല്യങ്ങളുള്ള മറ്റൊരു പായ്ക്ക് ആണ് ജിയോ ഇതര നമ്പറുകളിലേക്ക് 2000 മിനിറ്റ് കോൾ വാഗ്ദാനം ചെയ്യുന്ന 56 ദിവസത്തേക്ക് 399 രൂപയുടെ പായ്ക്ക്. പ്രതിദിനം 1.5 ജിബി വാഗ്ദാനം ചെയ്യുന്ന ഏറ്റവും വിലകുറഞ്ഞ പ്ലാൻ 28 ദിവസത്തേക്ക് 199 രൂപയുടെ പ്ലാനാണ്. ജിയോ ഇതര നമ്പറുകളിലേക്ക് 1000 മിനിറ്റ് കോളിംഗാണ് ഈ പ്ലാൻ വാഗ്ദാനം ചെയ്യുന്നത്.

കഴിഞ്ഞ ആഴ്ച, ജനുവരി മാസത്തിൽ രാജ്യത്തെ ഏറ്റവും ഉയർന്ന 4 ജി ഡാറ്റ ഡൗൺലോഡ് വേഗതയിൽ ഒന്നാം സ്ഥാനം നേടാൻ റിലയൻസ് ജിയോയ്ക്ക് കഴിഞ്ഞു. 4 ജി അപ്‌ലോഡ് വേഗതയിൽ വോഡഫോൺ ഒന്നാം സ്ഥാനം നേടി. ടെലികോം റെഗുലേറ്റർ ട്രായ് ആണ് ഡാറ്റ പുറത്തുവിട്ടത്. ജിയോ ശരാശരി വേഗത ഏതാണ്ട് മൂന്ന് മടങ്ങ് വേഗത്തിൽ നേടിയതോടെ ഭാരതി എയർടെൽ വളരെ പിന്നിലായി.