റെയിൽവേ സ്റ്റോക്ക് വാങ്ങുന്നില്ലേ..? ടിറ്റാഗഡ് റെയിൽ ഓഹരികൾ 19% ശക്തമായി മുന്നേറുമെന്ന് ബ്രോക്കറേജ്

പ്രമുഖ റെയിൽവേ ഓഹരിയായ ടിറ്റാഗഡ് റെയിൽ സിസ്റ്റംസ് ഓഹരികൾ ഇന്ന് പോസിറ്റീവ് നേട്ടത്തിൽ ക്ലോസ് ചെയ്തു. കഴി‍ഞ്ഞ സെഷനുകളിലെ കയറ്റിറക്കങ്ങളിൽ നിന്നും വ്യത്യസ്തമായി ഇന്ന് ഉയർന്ന നിരക്കിലാണ് വ്യാപാരം അവസാനിച്ചത്. ഇന്ന് ഏറ്റവും ഉയർന്ന നിരക്കായ 930.50 രൂപയിലെത്തി. അതായത് 1,000 രൂപയിൽ താഴെയാണ് ഓഹരി വിലയുള്ളത്. പക്ഷേ ഈ റെയിൽവേ ഓഹരികൾ 19 ശതമാനത്തോളം കുതിക്കുമെന്നാണ് ബ്രോക്കറേജ് സ്ഥാപനമായ ആഷിക വ്യക്തമാക്കി.

ഇന്ന് ഓഹരി വിപണി ആരംഭിച്ചപ്പോൾ ഓഹരി വില 900 രൂപയായിരുന്നു. എന്നാൽ 938.80 രൂപ എന്ന ഉയർന്ന നിരക്കിലേക്ക് ഉയർന്നിരുന്നു. ഈ ഓഹരികളുടെ 52 ആഴ്ചത്തെ ഏറ്റവും ഉയർന്ന നിരക്ക് 1,896.95 രൂപയും, 52 ആഴ്ചയിലെ ഏറ്റവും കുറഞ്ഞ നിരക്ക് 654.55 രൂപയുമാണ്.

ബിഎസ്ഇ അനലിറ്റിക്സ് പ്രകാരം കഴിഞ്ഞ അഞ്ച് വർഷത്തിനിടെ ഈ ഓഹരികൾ 2711 ശതമാനം മൾട്ടിബാഗർ റിട്ടേൺ നൽകിയിട്ടുണ്ട്. കഴിഞ്ഞ ആറ് മാസത്തിനുള്ളിൽ ഓഹരികളിൽ 18 ശതമാനവും 24 ശതമാനവും ഇടിവുണ്ടായിട്ടുണ്ട്. എന്നിട്ടും നിലവിൽ ഈ ഓഹരികൾ മുന്നേറുന്നു എന്നത് വിപണിയിൽ പോസിറ്റീവ് വികാരത്തെ സൂചിപ്പിക്കുന്നു.

ടിറ്റാഗഡ് റെയിൽ ഓഹരി വില ലക്ഷ്യം

ബ്രോക്കറേജ് സ്ഥാപനമായ ആഷിക ഇന്നലെ ജൂൺ 3ന് ഈ റെയിൽവേ സ്റ്റോക്കിന്റെ ലക്ഷ്യ വിലയായ 1,060 രൂപയോടെ (മുമ്പ് 925 രൂപയിൽ നിന്ന്) ഒരു ബൈ റേറ്റിംഗ് നിലനിർത്തിയിരിക്കുന്നു.

കമ്പനിയുടെ സെഗ്‌മെന്റൽ EBT 5.7 ശതമാനം QoQ എന്ന നിരക്കിൽ 1.07 ബില്യണിലെത്തി. അതേസമയം 2025 സാമ്പത്തിക വർഷത്തെ നാലാം പാദത്തിലെ മാർജിൻ 11.8 ശതമാനമായി. 2025ലെ മൂന്നാം പാദത്തിൽ ഇത് 11.9 ശതമാനവും 2024 നാലാം പാദത്തിൽ ഇത് 12.6 ശതമാനവുമായിരുന്നു. എന്നാണ് ബ്രോക്കറേജ് വ്യക്തമാക്കുന്നത്.

നുവാമ ബ്രോക്കറേജ് ഇപ്പോഴും ഈ റെയിൽവേ ഓഹരിയ്ക്ക് 'ബൈ' റേറ്റിംഗ് നിലനിർത്തുന്നു. ഓഹരിയുടെ ലക്ഷ്യ വില 1,292 രൂപയായി ഉയർത്തി. മുന്നേ 1,197 രൂപയായിരുന്നു ലക്ഷ്യ വില. എന്നിരുന്നാലും, 2026 സാമ്പത്തിക വർഷത്തിലെയും 2027 സാമ്പത്തിക വർഷത്തിലെയും ഇപിഎസ് എസ്റ്റിമേറ്റുകൾ യഥാക്രമം 8 ശതമാനവും 3 ശതമാനവും കുറച്ചു.

ടിറ്റാഗഡ് ഓഹരി വില

ജൂൺ 3, ചൊവ്വാഴ്ച ടിറ്റാഗഡ് ഓഹരികൾ 898.40 രൂപ നഷ്ടത്തിൽ അവസാനിച്ചു. എന്നാൽ ഇന്നത്തെ വ്യാപാര സെഷനിൽ ഈ ഓഹരികൾ 3.53% ഉയർന്ന് 930.50 രൂപ നിരക്കിലാണ് ക്ലോസ് ചെയ്തത്. അതിനാൽ ഇന്നത്തെ കുതിപ്പ് നിക്ഷേപകർക്ക് ആവേശം നൽകി. ബിഎസ്ഇ അനലിറ്റിക്സ് അനുസരിച്ച്, ടിറ്റാഗഡ് റെയിൽ സിസ്റ്റംസിന്റെ ഓഹരികൾ കഴിഞ്ഞ ഒരു മാസത്തിനുള്ളിൽ 21.27 ശതമാനം വരുമാനം നൽകി. കഴിഞ്ഞ മൂന്ന് മാസത്തിനിടെ റെയിൽവേ ഓഹരികൾ 33.13 ശതമാനം നേട്ടമുണ്ടാക്കി. കഴിഞ്ഞ 2, 3, 5 വർഷങ്ങളിൽ റെയിൽവേ ഓഹരികൾ യഥാക്രമം 136.58 ശതമാനം, 815.33 ശതമാനം, 2711.89 ശതമാനം എന്നിങ്ങനെ വരുമാനം നൽകി.

ടിറ്റാഗഡ് റെയിൽ സിസ്റ്റംസ് ലിമിറ്റഡ് ഡിവിഡൻ്റ്

2024-25 സാമ്പത്തിക വർഷത്തേക്ക് ടിറ്റാഗഡ് റെയിൽ കമ്പനി ഓരോ ഇക്വിറ്റി ഷെയറിനും 2 രൂപ നിരക്കിൽ 50% അതായത് 1 രൂപ ലാഭവിഹിതം നൽകുമെന്ന് പ്രഖ്യാപിച്ചു. ഇത് ടിറ്റാഗഡ് റെയിൽ സിസ്റ്റംസിന്റെ അടുത്ത വാർഷിക പൊതുയോഗത്തിൽ ഓഹരി ഉടമകളുടെ അംഗീകാരത്തിന് വിധേയമായി നൽകുമെന്നും അറിയിച്ചു. വാർഷിക പൊതുയോഗത്തിനുള്ള തീയതി ഉടൻ പ്രഖ്യാപിക്കുമെന്നും കമ്പനി ബോർഡ് അറിയിച്ചു.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.