ഇന്ത്യൻ വിപണിയിൽ ഇന്ന് സ്വർണ വില കുത്തനെ ഇടിഞ്ഞു. തുടർച്ചയായ രണ്ടാം ദിവസമാണ് വില കുറയുന്നത്. എംസിഎക്സിൽ ജൂൺ സ്വർണ ഫ്യൂച്ചറുകൾ 10 ഗ്രാമിന് 0.76 ശതമാനം അഥവാ 350 രൂപ കുറഞ്ഞ് 10 ഗ്രാമിന് 45,840 രൂപയിലെത്തി. കഴിഞ്ഞ സെഷനിൽ 350 രൂപ ഇടിവ് നേരിട്ടിരുന്നു. വെള്ളി നിരക്കുകൾളും കുത്തനെ കുറഞ്ഞു. എംസിഎക്സിൽ മെയ് വെള്ളി ഫ്യൂച്ചർ വില ഒരു ശതമാനം കുറഞ്ഞ് കിലോയ്ക്ക് 41,560 രൂപയിലെത്തി.
ലോക്ക്ഡൗണിനിടെ അക്ഷയ തൃതീയ ദിനത്തിൽ ഓൺലൈനായി സ്വർണം വാങ്ങാം, എങ്ങനെ?
കുത്തനെ ഇടിഞ്ഞു
ഈ മാസം ആദ്യം 10 ഗ്രാമിന് 47,327 രൂപ വരെ ഉയർന്ന ഇന്ത്യയിലെ സ്വർണ്ണ വില 10 ഗ്രാമിന് 1,500 രൂപയുടെ ഇടിവാണ് ഇതുവരെ രേഖപ്പെടുത്തിയിരിക്കുന്നത്. കൊറോണ വൈറസ് നിയന്ത്രണങ്ങൾ ഘട്ടംഘട്ടമായി ലഘൂകരിക്കാനുള്ള ചില രാജ്യങ്ങളുടെ നടപടികളാണ് എംസിഎക്സിൽ സ്വർണ വില ഇന്ന് ഇടിയാൻ കാരണം.
ആഗോള വിപണി വില
ചില രാജ്യങ്ങളിൽ ലോക്ക്ഡൌൺ ഇളവുകളും മറ്റും നൽകിയതിനെ തുടർന്ന് ആഗോള വിപണിയിൽ സ്വർണ വില മൂന്നാം ദിവസവും ഇടിഞ്ഞു. ഫെഡറൽ റിസർവ്, യൂറോപ്യൻ സെൻട്രൽ ബാങ്ക് എന്നിവയിൽ നിന്നുള്ള പോളിസി പ്രഖ്യാപനങ്ങൾ പ്രതീക്ഷിക്കുന്ന സ്വർണ വിപണിയിൽ ഇന്ന് സ്പോട്ട് സ്വർണ വില 0.7 ശതമാനം കുറഞ്ഞ് 1,702.09 ഡോളറായി. ഫ്ലോറിഡ ഉൾപ്പെടെയുള്ള പല യുഎസ് സംസ്ഥാനങ്ങളും നിയന്ത്രണങ്ങൾ ലഘൂകരിക്കാനുള്ള നടപടികൾ സ്വീകരിച്ചതോടെ ഏഴ് ആഴ്ചയ്ക്കുള്ളിൽ യുഎസ് ഓഹരികൾ ഏറ്റവും ഉയർന്ന നിരക്കിലെത്തി. ഇതോടെ സ്വർണ്ണ നിരക്ക് കുറഞ്ഞു. കൊറോണ വൈറസ് മഹാമാരി അവസാനിച്ചിട്ടില്ലെന്ന് ലോകാരോഗ്യ സംഘടന മുന്നറിയിപ്പ് നൽകിയിട്ടും ഇറ്റലിയിലും ലോക്ക്ഡൌണിന് ഇളവ് നൽകാൻ ഒരുങ്ങുകയാണ്.
ഉയർന്ന വില
വ്യാപകമായ ഉത്തേജക നടപടികളിൽ നിന്ന് പ്രയോജനം നേടുന്നതിനാൽ ആഗോള വിപണികളിൽ സ്വർണം ഇപ്പോഴും ഏഴ് വർഷത്തെ ഏറ്റവും ഉയർന്ന നിരക്കിലാണ് വ്യാപാരം നടക്കുന്നത്. വിലയേറിയ മറ്റ് ലോഹങ്ങളിൽ പ്ലാറ്റിനം വില ഔൺസിന് 758.08 ഡോളറായി കുറഞ്ഞു. വെള്ളി വില 1.6 ശതമാനം ഇടിഞ്ഞ് 15.03 ഡോളറിലെത്തി.
നാളെ അക്ഷയ തൃതീയ; കേരളത്തിൽ സ്വർണ വില പവന് 34000 തൊട്ടു
കേരളത്തിലെ വില
ഉയർന്ന വിലയ്ക്കും വൈറസ് സംബന്ധമായ നിയന്ത്രണങ്ങൾക്കും ഇടയിൽ ഇന്ത്യയിലെ ഉപഭോക്തൃ ആവശ്യം ദുർബലമായി. കേരളത്തിൽ ഇന്ന് സ്വർണ വില പവന് 200 രൂപ കുറഞ്ഞ് 33800 രൂപയായി. ഗ്രാമിന് 4225 രൂപയാണ് വില. ഈ മാസത്തെ ഏറ്റവും ഉയർന്ന വില പവന് 34000 രൂപയാണ്.
സ്വർണ വില ഇനി പിടിച്ചാൽ കിട്ടില്ല; 2021 അവസാനത്തോടെ വില 82,000 രൂപയായി ഉയരും