കേരളത്തിൽ സ്വർണ വില ഇന്ന് വീണ്ടും കുറഞ്ഞു. ഈ മാസത്തെ ഏറ്റവും കുറഞ്ഞ വിലയാണ് ഇന്ന് രേഖപ്പെടുത്തിയിരിക്കുന്നത്. പവന് 160 രൂപ കുറഞ്ഞ് 39200 രൂപയാണ് ഇന്നത്തെ സ്വർണ വില. ഈ മാസത്തെ ഏറ്റവും ഉയർന്ന വില ഓഗസ്റ്റ് 7,8,9 തീയതികളിൽ രേഖപ്പെടുത്തിയ പവന് 42000 രൂപയാണ്. ഒരു ഗ്രാമിന് 4900 രൂപയാണ് ഇന്നത്തെ വില.
ആഭ്യന്തര വിപണി
ആഗോള നിരക്കിലെ ഇടിവിനെ തുടർന്ന് ഇന്ത്യയിൽ സ്വർണ്ണ വില ഇന്നും കുത്തനെ താഴ്ന്നു. എംസിഎക്സിൽ ഒക്ടോബർ സ്വർണ്ണ ഫ്യൂച്ചറുകൾ 0.04 ശതമാനം ഇടിഞ്ഞ് 10 ഗ്രാമിന് 52,207 രൂപയിലെത്തി. സിൽവർ ഫ്യൂച്ചറുകൾ കിലോയ്ക്ക് 0.35 ശതമാനം ഉയർന്ന് 67403 രൂപയിലെത്തി. കഴിഞ്ഞ സെഷനിൽ സ്വർണ്ണ ഫ്യൂച്ചറുകൾ 10 ഗ്രാമിന് 760 രൂപ അല്ലെങ്കിൽ 1.5 ശതമാനം ഇടിഞ്ഞു. വെള്ളി കിലോഗ്രാമിന് 5.5 ശതമാനം അഥവാ 4,000 രൂപ കുറഞ്ഞു.
രണ്ട് ദിവസമായി സ്വർണ വില കുത്തനെ കുറയുന്നത് എന്തുകൊണ്ട്? ഇനി വില താഴേയ്ക്കോ?
ആഗോള വിപണി
ആഗോള വിപണിയിൽ, ഇന്ന് സ്വർണ വില ഇടിഞ്ഞു. സ്പോട്ട് സ്വർണം 0.2 ശതമാനം ഇടിഞ്ഞ് 1,941.90 ഡോളറിലെത്തി. കഴിഞ്ഞയാഴ്ച സ്വർണ വില 4.5 ശതമാനം ഇടിഞ്ഞിരുന്നു. മാർച്ചിന് ശേഷമുള്ള ഏറ്റവും വലിയ പ്രതിവാര ഇടിവാണ് കഴിഞ്ഞ ആഴ്ച്ച രേഖപ്പെടുത്തിയത്. വിലയേറിയ മറ്റ് ലോഹങ്ങളിൽ വെള്ളി വില ഇന്ന് ഔൺസിന് 0.6 ശതമാനം ഇടിഞ്ഞ് 26.25 ഡോളറിലെത്തി. പ്ലാറ്റിനം ഒരു ശതമാനം ഉയർന്ന് 945.55 ഡോളറിലെത്തി.
കേരളത്തിലെ ഇന്നത്തെ സ്വർണ വില: കനത്ത ഇടിവിന് ശേഷം ഇന്ന് നേരിയ വർദ്ധനവ്
നിക്ഷേപ ആവശ്യം കുറഞ്ഞു
കഴിഞ്ഞയാഴ്ച ഇന്ത്യയിൽ സ്വർണ വില 4 ശതമാനത്തിലധികം ഇടിഞ്ഞു. ഓഗസ്റ്റ് 7 മുതൽ 56,200 രൂപ വരെ ഉയർന്ന സ്വർണ്ണ വില ഇപ്പോൾ 10 ഗ്രാമിന് 4,000 രൂപ കുറഞ്ഞു. അടുത്തിടെ സ്വർണ വിലയിലെ ചാഞ്ചാട്ടം സ്വർണത്തിലെ നിക്ഷേപ ആവശ്യത്തെ ബാധിച്ചു. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്സ്ചേഞ്ച്-ട്രേഡഡ് ഫണ്ടായ എസ്പിഡിആർ ഗോൾഡ് ട്രസ്റ്റിന്റെ ഓഹരികൾ 0.30 ശതമാനം ഇടിഞ്ഞ് 1,248.29 ടണ്ണായി.
സ്വർണ വിലയിലെ ഇടിവ്; കുതിച്ചുയരുന്നതിന് മുമ്പുള്ള പിൻവാങ്ങലോ? ഇനി വില കൂടുമോ, കുറയുമോ?
വില കുറയാൻ കാരണം
റഷ്യയുടെ കൊറോണ വൈറസ് വാക്സിൻ വാർത്തകൾ പുറത്തു വന്നതോടെയാണ് സ്വർണ വിലകുത്തനെ ഇടിയാൻ തുടങ്ങിയത്. പുതിയ സാമ്പത്തിക ഉത്തേജക നടപടികളിലെ പ്രതീക്ഷയും യുഎസ് - ചൈന പിരിമുറുക്കങ്ങളും സ്വർണത്തിന് പിന്തുണ നൽകുന്ന കാര്യങ്ങളാണ്. അതുകൊണ്ട് തന്നെ കനത്ത ഒരു ഇടിവ് സ്വർണ വിലയിൽ ഉണ്ടായേക്കില്ലെന്നാണ് വിദഗ്ധരുടെ അഭിപ്രായം.