ഇന്ന് സ്വർണ വിലയിൽ നേരിയ കുറവ്, സർവ്വകാല റെക്കോർഡിൽ നിന്ന് താഴേയ്ക്ക്

സംസ്ഥാനത്ത് സ്വർണ വിലയിൽ ഇന്ന് നേരിയ കുറവ് രേഖപ്പെടുത്തി. പവന് 80 രൂപ കുറഞ്ഞ് 30400 രൂപയ്ക്കാണ് വ്യാപാരം പുരോഗമിക്കുന്നത്. കഴിഞ്ഞ രണ്ട് ദിവസങ്ങളിലായി സ്വർണത്തിന്റെ എക്കാലത്തെയും ഉയർന്ന വിലയായ പവന് 30480 രൂപയായിരുന്നു സ്വർണ വില. ജനുവരിയിലെ ഏറ്റവും ഉയർന്ന നിരക്ക് പവന് 30,400 രൂപയാണ്. ഡിസംബറിലെ ഏറ്റവും ഉയർന്ന സ്വർണ വില പവന് 29,080 രൂപയും.

ഫെബ്രുവരിയിലെ കുറഞ്ഞ വില

ഫെബ്രുവരിയിലെ സ്വർണത്തിന്റെ ഏറ്റവും കുറഞ്ഞ വില പവന് 29920 രൂപയാണ്. ഫെബ്രുവരി 5, 6 തീയതികളിലാണ് ഈ വിലയ്ക്ക് വ്യാപാരം നടന്നത്. ഈ മാസത്തെ ഇതുവരെയുള്ള ഭൂരിഭാഗം ദിവസങ്ങളിലും സ്വർണ വില പവന് 30000ന് മുകളിലായിരുന്നു. ഏറ്റവും കുറവ് വില രേഖപ്പെടുത്തിയ ഈ രണ്ട് ദിവസങ്ങളിൽ മാത്രമാണ് സ്വർണ വില പവന് 30000ന് താഴെ പോയിട്ടുള്ളൂ.

എംസിഎക്സിലെ വില

ഫെബ്രുവരിയിലെ സ്വർണ്ണ കരാർ എം‌സി‌എക്‌സിൽ 0.19 ശതമാനം അഥവാ 76 രൂപ കുറഞ്ഞ് 10 ഗ്രാമിന് 40,907 രൂപയായി. അതേസമയം, സിൽവർ ഫ്യൂച്ചേഴ്സ് കിലോയ്ക്ക് 0.30 ശതമാനം അഥവാ 138 രൂപ ഉയർന്ന് 46,365 രൂപയായി. ഈ മാസത്തെ ഏറ്റവും ഉയർന്ന നിരക്ക് 46,390 രൂപയും കുറഞ്ഞ നിരക്ക് 46,308 രൂപയുമാണ്.

സംസ്ഥാനത്ത് സ്വർണ വിലയിൽ ഇന്ന് നേരിയ കുറവ്, വില പവന് 30000ന് മുകളിൽ തന്നെ സംസ്ഥാനത്ത് സ്വർണ വിലയിൽ ഇന്ന് നേരിയ കുറവ്, വില പവന് 30000ന് മുകളിൽ തന്നെ

ഡിമാൻഡ് ഇടിഞ്ഞു

വേൾഡ് ഗോൾഡ് കൗൺസിലെന്റെ (ഡബ്ല്യുജിസി) കണക്കുകൾ പ്രകാരം മുൻവർഷത്തെ അപേക്ഷിച്ച് 2019-ൽ ഇന്ത്യയിൽ സ്വർണ്ണത്തിന്റെ ഡിമാൻഡ് ഒൻപത് ശതമാനം ഇടിഞ്ഞ് 690.4 ടണ്ണായി. എങ്കിലും, മൂല്യത്തിന്റെ അടിസ്ഥാനത്തിൽ രാജ്യത്തിന്റെ സ്വർണം ഡിമാൻഡ് മൂന്ന് ശതമാനം ഉയർന്ന് മുൻവർഷത്തെ 2,11,860 കോടിയിൽ നിന്ന് 2019-ൽ 2,17,770 കോടി രൂപയായി. സ്വർണ വില കുത്തനെ ഉയർന്നതാണ് ഇറക്കുമതി ഡിമാൻഡ് ഇടിയാൻ കാരണം.

ഇന്നത്തെ സ്വർണ വില: വീണ്ടും പവന് 30000 കടന്നു, വില മുകളിലേയ്ക്ക് ഇന്നത്തെ സ്വർണ വില: വീണ്ടും പവന് 30000 കടന്നു, വില മുകളിലേയ്ക്ക്