കേരളത്തിൽ ഇന്നും സ്വ‍ർണ വില സ‍ർവ്വകാല റെക്കോ‍ഡിൽ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കേരളത്തിൽ ഇന്നും സ്വ‍ർണ വില സ‍ർവ്വകാല റെക്കോ‍ഡിൽ. പവന് 36600 രൂപയ്ക്കാണ് ഇന്നും വ്യാപാരം പുരോഗമിക്കുന്നത്. ഗ്രാമിന് 4575 രൂപയാണ് ഇന്നത്തെ നിരക്ക്. ഇന്നലെയും ഇതേ വിലയ്ക്ക് തന്നെയാണ് വ്യാപാരം നടന്നത്. ജൂലൈയിലെ ഇതുവരെയുള്ള ഏറ്റവും കുറഞ്ഞ വില ജൂലൈ ആറിന് രേഖപ്പെടുത്തിയ പവന് 35800 രൂപയാണ്.

എംസിഎക്സിലെ വില
 

എംസിഎക്സിലെ വില

ഇന്ത്യയിൽ സ്വർണ വിലയിൽ നേരിയ ഇടിവ്. എം‌സി‌എക്‌സിൽ സ്വർണ വില 0.01 ശതമാനം കുറഞ്ഞ് 10 ഗ്രാമിന് 48,872 രൂപയിലെത്തി. കഴിഞ്ഞ സെഷനിൽ 0.6 ശതമാനം ഇടിവ് രേഖപ്പെടുത്തിയിരുന്നു. ഈ ആഴ്ച ആദ്യം റെക്കോർഡ് നിരക്കായ 49,348 രൂപ വരെ സ്വ‍ർണ വില ഉയ‍ർന്നിരുന്നു. വെള്ളി വില ഇന്ന് എം‌സി‌എക്‌സിൽ ഉയർന്നു. എംസിഎക്‌സിലെ സിൽവർ ഫ്യൂച്ചറുകൾ കിലോയ്ക്ക് 0.25 ശതമാനം ഉയർന്ന് 51,217 രൂപയിലെത്തി.

കേരളത്തിൽ സ്വ‍ർണ വില വീണ്ടും പവന് 36000 കടന്നു, ഇന്നത്തെ വില അറിയാം

‍ഡിമാൻഡ് കുറയും

‍ഡിമാൻഡ് കുറയും

സ്വർണ്ണവില ഉയരും തോറും ഉപഭോക്തൃ ഡിമാൻഡ് കുറയുമെന്നും എന്നാൽ വില വീണ്ടും റെക്കോർഡ് ഉയരത്തിലേക്ക് ഉയരുമെന്നും വിശകലന വിദഗ്ധർ പറയുന്നു. രാഷ്ട്രീയവും സാമ്പത്തികവുമായ അനിശ്ചിതത്വത്തിൽ സുരക്ഷിത നിക്ഷേപമായാണ് സ്വർണത്തെ കണക്കാക്കുന്നത്. അമേരിക്കയിൽ ഉടനീളം 60,000 പുതിയ കൊവിഡ് കേസുകൾ റിപ്പോർട്ട് ചെയ്യപ്പെട്ടു. ഇത് ഏറ്റവും വലിയ ഏകദിന കണക്കാണ്.

സ‍ർക്കാരിന്റെ ഉറപ്പിൽ സ്വ‍ർണം വാങ്ങാം, ഒരിയ്ക്കലും നഷ്ടം വരില്ല, ചെയ്യേണ്ടത് എന്ത്?

ആഗോള വിപണി

ആഗോള വിപണി

ആഗോള വിപണികളിൽ സ്വർണ്ണ വിലയിൽ ഇന്ന് കാര്യമായ മാറ്റമില്ല. 1,800 ഡോളറിനു മുകളിലാണ് ഇന്നത്തെ വില. ലോകത്തിലെ കോവിഡ് കേസുകളിൽ തുടർച്ചയായ കുതിച്ചുചാട്ടം നടക്കുന്നതിനാൽ, പ്രതിവാര അടിസ്ഥാനത്തിൽ, സ്വർണ്ണ വില തുടർച്ചയായ അഞ്ചാം ദിവസമാണ് ഉയരുന്നത്. സ്പോട്ട് സ്വർണ്ണ വില 1,801.69 ഡോളറായി ഈ ആഴ്ച 1.5 ശതമാനത്തിൽ കൂടുതൽ ഉയ‍ർന്നു. യുഎസ് സ്വർണ്ണ ഫ്യൂച്ചർ 0.2 ശതമാനം ഉയർന്ന് 1,806.90 ഡോളറിലെത്തി. മറ്റ് ലോഹങ്ങളിൽ പ്ലാറ്റിനം 0.7 ശതമാനം ഇടിഞ്ഞ് 827.73 ഡോളറിലും വെള്ളി 0.1 ശതമാനം ഇടിഞ്ഞ് 18.65 ഡോളറിലും എത്തി.

ജാഗ്രത വേണം

ജാഗ്രത വേണം

വർദ്ധിച്ചുവരുന്ന വൈറസ് അപകടസാധ്യതകളും യുഎസ്-ചൈന സംഘർഷങ്ങളെ തുട‍ർന്നുള്ള വെല്ലുവിളികൾക്കിടയിലും സ്വർണം ഒരു നല്ല നിക്ഷേപ മാ‍ർ​ഗമായി തുടരാം. എന്നിരുന്നാലും ഇക്വിറ്റി മാർക്കറ്റുകൾ ശക്തമായി തുടരുന്നതിനാൽ നിക്ഷേപം നടത്തുമ്പോൾ ജാഗ്രത ആവശ്യമാണ്. ലോകത്തെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച്-ട്രേഡഡ് ഫണ്ടായ സ്വർണ്ണ ഇടിഎഫായ എസ്‌പി‌ഡി‌ആർ ഗോൾഡ് ട്രസ്റ്റ് ഓഹരികൾ വ്യാഴാഴ്ച 0.15 ശതമാനം ഇടിഞ്ഞ് 1,200.82 ടണ്ണായി.

സോവറിൻ ​ഗോൾഡ് ബോണ്ട്

സോവറിൻ ​ഗോൾഡ് ബോണ്ട്

തിങ്കളാഴ്ച സബ്‌സ്‌ക്രിപ്‌ഷനായി തുറന്ന ഏറ്റവും പുതിയ സോവറിൻ ​ഗോൾഡ് ബോണ്ട് ഇഷ്യു ഇന്ന് അവസാനിക്കും. സോവറിൻ ഗോൾഡ് ബോണ്ട് ഇഷ്യുവിന്റെ വില ഗ്രാമിന് 4,852 രൂപയായി നിശ്ചയിച്ചിട്ടുണ്ട്. അതേസമയം നിക്ഷേപകർക്ക് ഓൺലൈനിൽ അപേക്ഷിക്കുകയും ഡിജിറ്റൽ മോഡ് വഴി പണമടയ്ക്കുകയും ചെയ്യുമ്പോൾ ഗ്രാമിന് 50 രൂപ കിഴിവ് ലഭിക്കും.

കേരളത്തിൽ സ്വർണ വില ഇന്ന് കുതിച്ചുയർന്നു; റെക്കോർഡ് തകർത്ത് പൊന്നിൻ വില

English summary

Today Gold Rate In Kerala, July 10 2020, Gold prices in Kerala are still at an all time high | കേരളത്തിൽ ഇന്നും സ്വ‍ർണ വില സ‍ർവ്വകാല റെക്കോ‍ഡിൽ

Gold prices still hold record in Kerala. Read in malayalam.
Story first published: Friday, July 10, 2020, 10:41 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X