കേരളത്തിൽ സ്വർണ വില ഇന്ന് കുത്തനെ ഇടിഞ്ഞു. പവന് 320 രൂപ കുറഞ്ഞ് 35840 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാമിന് 4480 രൂപയാണ് കേരളത്തിലെ ഇന്നത്തെ സ്വർണ വില. ഇന്നലെ പവന് 36000 രൂപ കടന്ന സ്വർണ വില ഇന്ന് വീണ്ടും 36000ന് താഴേയ്ക്ക് പോയി.
സ്വർണത്തിന് ഇന്ന് സർവ്വകാല റെക്കോർഡ് വില; പവന് വില 36000ന് അടുത്ത്
ചരിത്ര വില
സംസ്ഥാനത്ത് ഇന്നലെ സ്വർണ വില കുത്തനെ ഉയർന്നിരുന്നു. ഒറ്റയടിയ്ക്ക് 360 രൂപ വർദ്ധിച്ച് പവന് 36160 രൂപയാണ് ഇന്നലെ രേഖപ്പെടുത്തിയത്. ആദ്യമായാണ് സ്വർണ വില ഇത്രയും ഉയർന്ന നിരക്കിലെത്തുന്നത്. ഗ്രാമിന് 4520 രൂപയാണ് ഇന്നലത്തെ വില. സ്വർണ വില പവന് 36000 കടന്നതോടെ ജ്വല്ലറികളിലും മറ്റും സ്വർണം വാങ്ങാൻ എത്തുന്നവരുടെ എണ്ണം കുറയുമെന്ന് വ്യാപാരികൾ പറയുന്നു.
തുടർച്ചയായ മൂന്നാം ദിവസവും കേരളത്തിൽ സ്വർണ വില സർവ്വകാല റെക്കോർഡിൽ
എംസിഎക്സിലെ സ്വർണ വില
കഴിഞ്ഞ സെഷനിൽ റെക്കോർഡ് ഉയരത്തിലെത്തിയ ഇന്ത്യയിലെ സ്വർണ വില ഇന്ന് താഴ്ന്നു. എംസിഎക്സിൽ സ്വർണ്ണ ഫ്യൂച്ചറുകൾ 0.16 ശതമാനം ഇടിഞ്ഞ് 10 ഗ്രാമിന് 48,188 രൂപയിലെത്തി. കഴിഞ്ഞ സെഷനിൽ സ്വർണം റെക്കോർഡ് ഉയരത്തിലെത്തിയ സ്വർണ നിരക്ക് 48,982 രൂപയായിരുന്നു. കഴിഞ്ഞ സെഷനിൽ 900 രൂപ ഇടിഞ്ഞതിനെത്തുടർന്ന് എംസിഎക്സിലെ സിൽവർ ഫ്യൂച്ചറുകൾ കിലോയ്ക്ക് 0.25 ശതമാനം ഇടിഞ്ഞ് 49,300 രൂപയിലെത്തി.
ആഗോള വിപണി
ആഗോള വിപണിയിൽ സ്വർണ്ണ വില അടുത്തിടെ കുത്തനെ ഉയർന്നിരുന്നു. സ്പോട്ട് സ്വർണം വില ഔൺസിന് 0.2 ശതമാനം ഇടിഞ്ഞ് 1,767.11 ഡോളറിലെത്തി. ബുധനാഴ്ച ഇത് 1,788.96 ഡോളറിലെത്തിയിരുന്നു. ഇത് 2012 ഒക്ടോബറിന് ശേഷമുള്ള ഏറ്റവും ഉയർന്ന നിരക്കാണ്. യുഎസ് സ്വർണ്ണ ഫ്യൂച്ചർ ഇന്ന് 0.2 ശതമാനം ഇടിഞ്ഞ് 1,777.30 ഡോളറിലെത്തി. വിലയേറിയ മറ്റ് ലോഹങ്ങളിൽ പ്ലാറ്റിനം 0.2 ശതമാനം ഇടിഞ്ഞ് 813.94 ഡോളറായി. വെള്ളി വില 0.2 ശതമാനം ഉയർന്ന് 17.97 ഡോളറായി.
വില കൂടാൻ കാരണം
യുഎസ്-ചൈന സംഘർഷങ്ങളും സെൻട്രൽ ബാങ്കുകളിൽ നിന്ന് കൂടുതൽ ഉത്തേജനം ലഭിക്കുമെന്ന പ്രതീക്ഷയും സ്വർണത്തെ അനുകൂലമായി പിന്തുണച്ചിരുന്നു. ഇന്ത്യയിൽ കഴിഞ്ഞ ആഗസ്റ്റ് മുതൽ തന്നെ സ്വർണ്ണ വില കുതിച്ചുയരാൻ തുടങ്ങിരുന്നു. കൊറോണ പ്രതിസന്ധിയോടെ വില വീണ്ടും ഉയരാൻ തുടങ്ങി.
റെക്കോർഡ് ഉയരത്തിലെത്തിയ ശേഷം സ്വർണ്ണ വില നിശ്ചലമായി തുടരുന്നത് എന്തുകൊണ്ട്?