Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കേരളത്തിൽ സ്വർണ വില ഇന്ന് കുതിച്ചുയ‍ർന്നു. പവന് 520 രൂപ വർദ്ധിച്ച് 37280 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. സ്വ‍ർണത്തിന്റെ ചരിത്രത്തിലെ തന്നെ ഏറ്റവും ഉയർന്ന വിലയാണ് ഇന്നത്തേത്. ഗ്രാമിന് 37280 രൂപയാണ് നിരക്ക്. ജൂലൈയിലെ ഇതുവരെയുള്ള ഏറ്റവും കുറഞ്ഞ വില ജൂലൈ ആറിന് രേഖപ്പെടുത്തിയ പവന് 35800 രൂപയാണ്. എംസിഎക്സിലും ആഗോള വിപണികളിലും ഇന്ന് വില കുത്തനെ ഉയ‍ർന്നിട്ടുണ്ട്.
ആഭ്യന്തര വിപണി
ഇന്ത്യയിലെ സ്വർണ്ണ വില തുടർച്ചയായ രണ്ടാം ദിവസവും പുതിയ ഉയരങ്ങളിലെത്തി. എം‌സി‌എക്‌സിൽ ഓഗസ്റ്റ് സ്വർണ്ണ ഫ്യൂച്ചർ വില 0.8 ശതമാനം ഉയർന്ന് 10 ഗ്രാമിന് 49,925 രൂപയിലെത്തി. എം‌സി‌എക്‌സിലെ സിൽവർ ഫ്യൂച്ചർ വില 4 ശതമാനം ഉയർന്ന് കിലോഗ്രാമിന്‌ 59,635 രൂപയിലെത്തി. കഴിഞ്ഞ സെഷനിൽ സ്വർണ വില 1% അല്ലെങ്കിൽ 500 രൂപ ഉയർന്നിരുന്നു. കഴിഞ്ഞ സെഷനിൽ വെള്ളി കിലോയ്ക്ക് 6% അഥവാ 3,400 രൂപ ഉയർന്ന് തിങ്കളാഴ്ച 1,150 രൂപ നേട്ടമുണ്ടാക്കി.
റെക്കോർഡ് വില
ആഗോള വിപണികളിൽ സ്പോട്ട് സ്വർണ വില 1.3 ശതമാനം ഉയർന്ന് 1,865.81 രൂപയിലെത്തി. ഇത് ഒൻപത് വർഷത്തിനിടയിലെ ഏറ്റവും ഉയർന്ന നിരക്കാണ്. ലോകമെമ്പാടുമുള്ള കൊറോണ വൈറസ് കേസുകളും കൂടുതൽ ഉത്തേജക നടപടികളുടെ പ്രതീക്ഷയും സ്വർണ്ണവും വെള്ളിയും ഉൾപ്പെടെയുള്ള വിലയേറിയ ലോഹങ്ങളുടെ വില ഉയർത്തി. സ്പോട്ട് സിൽവർ വില 7.2 ശതമാനം ഉയർന്ന് 22.8366 ഡോളറിലെത്തി. ഇത് 2013 ന് ശേഷമുള്ള ഏറ്റവും ഉയർന്ന നിരക്കാണ്.
വില കൂടാൻ കാരണം
വാക്സിനുകളിലെ പ്രതീക്ഷകൾ വർദ്ധിക്കുമ്പോൾ വ്യാവസായിക പ്രവർത്തനങ്ങളിൽ തിരിച്ചുവരവ് പ്രതീക്ഷിച്ചാണ് വെള്ളി വില ഉയർന്നിരിക്കുന്നത്. എന്നാൽ കൊവിഡ് 19 കേസുകളിൽ വർദ്ധനവുണ്ടാകുമെന്ന ആശങ്കയും കൂടുതൽ ഉത്തേജക നടപടികളുടെ പ്രതീക്ഷയുമാണ് സ്വർണ വില ഉയരാൻ കാരണം. യുഎസ് ഡോളർ സൂചിക നാലുമാസത്തിലധികം താഴ്ന്ന നിലയിലായിരുന്നു. ഇത് മറ്റ് കറൻസികളുടെ വില കുറഞ്ഞതാക്കുന്നു.
സ്വർണ നിക്ഷേപം
രാഷ്ട്രീയവും സാമ്പത്തികവുമായ അനിശ്ചിതത്വത്തിൽ സുരക്ഷിത നിക്ഷേപമായാണ് സ്വർണത്തെ കണക്കാക്കുന്നത്. വൈറസ് കേസുകളുടെ വ‌ർദ്ധനവും സമ്പദ്‌വ്യവസ്ഥയുടെ പുനരുജ്ജീവനവും സംബന്ധിച്ച ആശങ്കകൾക്കുമിടയിൽ സുരക്ഷിത താവളങ്ങളുടെ ആവശ്യം വർദ്ധിച്ച് നിക്ഷേപകർ വിലയേറിയ ലോഹങ്ങളിലേക്ക് ഒഴുകി. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച്-ട്രേഡഡ് ഫണ്ടായ സ്വർണ്ണ ഇടിഎഫായ എസ്‌പി‌ഡി‌ആർ ഗോൾഡ് ട്രസ്റ്റ് ചൊവ്വാഴ്ച 0.7 ശതമാനം ഉയർന്ന് 1,219.75 ടണ്ണായി.
