ഒറ്റ ദിവസത്തിനുള്ളിൽ സ്വർണത്തിന് കുറഞ്ഞത് 1100 രൂപ

ആഗോള നിരക്കിൽ ഇടിവുണ്ടായതിനെ തുടർന്ന് ഇന്ത്യയിൽ സ്വർണ വില ഇന്ന് കുത്തനെ ഇടിഞ്ഞു. എം‌സി‌എക്‌സിൽ സ്വർണ്ണ ഫ്യൂച്ചർ നിരക്ക് 2.56 ശതമാനം അഥവാ 10 ഗ്രാമിന് 1,100 രൂപ കുറഞ്ഞ് 41,300 ഡോളറിലെത്തി. അതേ ദിവസം, എംസിഎക്സിലെ സിൽവർ ഫ്യൂച്ചറുകൾ ഒരു ദിവസം 5.5 ശതമാനം അഥവാ 2,600 രൂപ കുറഞ്ഞ് കിലോയ്ക്ക് 44,066 രൂപയിലെത്തി. കഴിഞ്ഞ ഒരാഴ്ച്ചയായി കുത്തനെ ഉയർന്ന സ്വർണ വിലയാണ് ഇപ്പോൾ കുത്തനെ താഴേയ്ക്ക് പോയത്.

ഏറ്റവും വലിയ ഇടിവ്

തിങ്കളാഴ്ച സ്വർണ വില 10 ഗ്രാമിന് 43,788 ഡോളറിലെത്തിയിരുന്നു. അതിനുശേഷം വെറും നാല് ദിവസത്തിനുള്ളിൽ 10 ഗ്രാമിന് 2,500 രൂപ കുറഞ്ഞു. ആഗോള വിപണിയിൽ സ്വർണ വില 5 ശതമാനം ഇടിഞ്ഞ് ഔൺസിന് 1,600 ഡോളറിൽ താഴെയായി. ഏഴ് വർഷത്തിനിടയിലെ ഏറ്റവും വലിയ ഇടിവാണിത്. ഇക്വിറ്റികൾ പോലുള്ള മറ്റ് അസറ്റ് ക്ലാസുകളിലെ നഷ്ടം നികത്താൻ സ്വർണ്ണ നിക്ഷേപകർ വിൽക്കാൻ നിർബന്ധിതരായതാണ് വില മാറ്റത്തിന് കാരണമെന്ന് സാമ്പത്തിക വിദഗ്ധർ പറയുന്നു.

വിലയേറിയ മറ്റ് ലോഹങ്ങൾ

വിൽപ്പന വിലയേറിയ മറ്റ് ലോഹങ്ങളെയും ബാധിച്ചു, പ്ലാറ്റിനം വില 6.1 ശതമാനവും വെള്ളി വില 7.4 ശതമാനവും കുറഞ്ഞു. കൊറോണ വൈറസ് മൂലമുള്ള സാമ്പത്തിക തകർച്ചയെക്കുറിച്ചുള്ള ഭയം ആഗോള ഓഹരി വിപണികളെ കാര്യമായി ബാധിച്ചു. എസ് ആന്റ് പി 500 സൂചിക 2008 ന് ശേഷമുള്ള ഏറ്റവും മോശം ആഴ്ചയ്ക്ക് സാക്ഷിയായി.

സ്വർണ വില 2020ൽ

കൊറോണ വൈറസ് അനിശ്ചിതത്വത്തിനിടയിലും പ്രധാന സെൻ‌ട്രൽ ബാങ്കുകൾ പലിശ നിരക്ക് കുറയ്ക്കുമെന്ന പ്രതീക്ഷയിലും സ്വർണം അസ്ഥിരമായി തുടരുമെന്ന് വിശകലന വിദഗ്ധർ പറയുന്നു. ആഗോള വിപണിയിലും സ്വർണം ഈയാഴ്ച കുത്തനെ വിലക്കയറ്റം രേഖപ്പെടുത്തി. സ്വർണ വില ഏഴുവർഷത്തെ ഏറ്റവും ഉയർന്ന നിരക്കായ 1,688.66 ഡോളറിലെത്തി. സ്വർണ വില ഈ വർഷം 4% ഉയർന്നു. ആഗോള നിരക്കിനുപുറമെ, ഇന്ത്യയിലെ ആഭ്യന്തര വില ഇറക്കുമതി തീരുവയെയും (നിലവിൽ 12.5%) 3% ജിഎസ്ടിയെയും ആശ്രയിച്ചിരിക്കുന്നു.