ഇന്ത്യയിൽ ഇന്ന് സ്വർണ്ണവിലയിൽ ഇടിവ് രേഖപ്പെടുത്തി. എംസിഎക്സിൽ ഏപ്രിൽ സ്വർണ്ണ ഫ്യൂച്ചറുകൾ 10 ഗ്രാമിന് 0.62 ശതമാനം ഇടിഞ്ഞ് 43,886 രൂപയിലെത്തി. കഴിഞ്ഞ വെള്ളിയാഴ്ച ആഭ്യന്തര സ്വർണ വില 10 ഗ്രാമിന് 44,961 രൂപയിലെത്തിയിരുന്നു. എംസിഎക്സിലെ സിൽവർ ഫ്യൂച്ചറുകൾ ഇന്ന് കിലോഗ്രാമിന് 3% അഥവാ 1,300 രൂപ കുറഞ്ഞ് ഒരു കിലോയ്ക്ക് 45,697 രൂപയിലെത്തി.
ആഗോള വിപണി
ആഗോള വിപണികളിലും ഇന്ന് സ്വർണ വില കുറയുകയാണ് ചെയ്തത്. സ്പോട്ട് സ്വർണം ഔൺസിന് 0.6 ശതമാനം ഇടിഞ്ഞ് 1,663.35 ഡോളറിലെത്തി. 2012 ഡിസംബറിന് ശേഷം ഏറ്റവും ഉയർന്ന നിരക്കായ 1,702.56 ഡോളറിൽ സ്വർണ വില കഴിഞ്ഞ ദിവസം എത്തിയിരുന്നു. ഓഹരി, എണ്ണ വിപണി എന്നിവിടങ്ങളെ അസ്ഥിരത കാരണം നിക്ഷേപകർ സ്വർണം പോലുള്ള സുരക്ഷിത നിക്ഷേപ മാർഗങ്ങൾ തിരഞ്ഞെടുത്തു കൊണ്ടിരിക്കുകയാണ്. 10 വർഷത്തെ യുഎസ് ട്രഷറി വരുമാനം 0.5 ശതമാനത്തിൽ താഴെയായി റെക്കോഡിലെത്തി. വിലയേറിയ മറ്റ് ലോഹങ്ങളിൽ വെള്ളി ഔൺസിന് 0.3 ശതമാനം ഉയർന്ന് 17.37 ഡോളറിലെത്തി. പ്ലാറ്റിനം 1.2 ശതമാനം ഇടിഞ്ഞ് 890.41 ഡോളറിലെത്തി.
സ്വർണ വില വീണ്ടും റോക്കറ്റിലേറി, സർവ്വകാല റെക്കോർഡിൽ, ഒറ്റ ദിവസം കൊണ്ട് കൂടിയത് 760 രൂപ
ആവശ്യക്കാർ കുറഞ്ഞു
2019 ൽ സ്വർണവില കുത്തനെ ഉയർന്നിരുന്നു. രൂപയുടെ ദുർബലത സ്വർണ്ണത്തിന്റെ ആഭ്യന്തര വില ഉയരാൻ പ്രധാന കാരണമാണ്. ആഭ്യന്തര സ്വർണ്ണ വിലയിൽ 3% ജിഎസ്ടിയിൽ 12.5% ഇറക്കുമതി തീരുവ ഉൾപ്പെടുന്നു. ആഭ്യന്തര സ്വർണ്ണവില ഈ വർഷം തുടക്കത്തിലെ 10 ഗ്രാമിന് 39,000 രൂപയിൽ നിന്ന് 45,000 രൂപയിലേയ്ക്ക് ഉയർന്നത് സ്വർണത്തിന്റെ ഭൌതിക ആവശ്യകതയെ ബാധിച്ചിട്ടുണ്ട്. ഫെബ്രുവരിയിൽ രാജ്യത്തെ സ്വർണ്ണ ഇറക്കുമതി 41 ശതമാനം ഇടിഞ്ഞതായി റോയിട്ടേഴ്സ് റിപ്പോർട്ട് ചെയ്തിരുന്നു.
ഇന്ത്യയിൽ പുതിയ കൊറോണ വൈറസ് കേസ്; സ്വർണ്ണ വില കുതിച്ചുയർന്നു
കേരളത്തിലെ ഇന്നത്തെ സ്വർണ വില
കേരളത്തിൽ സ്വർണ വിലയിൽ ഇന്ന് മാറ്റം രേഖപ്പെടുത്തിയിട്ടില്ല. സ്വർണത്തിന്റെ സർവ്വകാല റെക്കോർഡ് വിലയായ 32320 രൂപയ്ക്കാണ് ഇന്നും വ്യാപാരം പുരോഗമിക്കുന്നത്. കഴിഞ്ഞ നാല് ദിവസമായ കേരളത്തിൽ ഇതേ വിലയ്ക്കാണ് സ്വർണ വ്യാപാരം നടക്കുന്നത്. ഈ മാസത്തെ ഇതുവരെയുള്ള ഏറ്റവും കുറഞ്ഞ വില മാർച്ച് ഒന്നിന് രേഖപ്പെടുത്തിയ 31040 രൂപയാണ്.