കേരളത്തിൽ ഇന്ന് സ്വർണ വിലയിൽ നേരിയ കുറവ്

സംസ്ഥാനത്ത് ഇന്ന് സ്വർണ വില പവന് 80 രൂപ കുറഞ്ഞു. പവന് 33600 രൂപയാണ് ഇന്നത്തെ വില. ഗ്രാമിന് 4200 രൂപയാണ് ഇന്നത്തെ നിരക്ക്. സ്വർണ വിലയിൽ മാറ്റം രേഖപ്പെടുത്തുന്നുണ്ടെങ്കിലും സംസ്ഥാനത്ത് ലോക്ക്ഡൌൺ കാരണം ജ്വല്ലറികൾ അടഞ്ഞു കിടക്കുന്നതിനാൽ സ്വർണ ഉപഭോഗം കുത്തനെ ഇടിഞ്ഞതായാണ് റിപ്പോർട്ടുകൾ. കൊറോണ വൈറസ് പ്രതിസന്ധികൾക്കിടയിൽ സ്വർണത്തിൽ നിക്ഷേപം നടത്തുന്നവരുടെ എണ്ണവും കൂടിയിട്ടുണ്ടെങ്കിലും ഇന്ത്യയിലെയും മറ്റും സ്വർണം ആഭരണമായി വാങ്ങുന്ന ഉപഭോക്താക്കളുടെ എണ്ണത്തിൽ വൻ ഇടിവാണ് ഉണ്ടായിരിക്കുന്നത്.

എം‌സി‌എക്‌സിൽ ജൂൺ സ്വർണ്ണ ഫ്യൂച്ചേഴ്സ് വില 10 ഗ്രാമിന് 0.7 ശതമാനം ഉയർന്ന് 45,830 രൂപയിലെത്തി. കഴിഞ്ഞ സെഷനിൽ 10 ഗ്രാമിന് 650 രൂപ നേട്ടമുണ്ടായിരുന്നു. ജൂലൈ സിൽവർ ഫ്യൂച്ചേഴ്സ് 0.44 ശതമാനം ഉയർന്ന് കിലോയ്ക്ക് 41,780 രൂപയായി. ആഭ്യന്തര സ്വർണ്ണ വില കഴിഞ്ഞ രണ്ട് ദിവസമായി ഉയർന്നു. രൂപയുടെ പെട്ടെന്നുള്ള ഇടിവ് ഇന്ന് സ്വർണ വിലയെ പിന്തുണച്ചിട്ടുണ്ട്. അതിനാൽ സ്വർണത്തിന്റെ നിക്ഷേപ ആവശ്യം ഉയരാൻ സാധ്യതയുണ്ട്.

കേരളത്തിൽ ഇന്ന് സ്വർണ വിലയിൽ നേരിയ കുറവ്

വിദേശ വിപണികളിൽ ഇന്ന് സ്വർണ വില 0.3 ശതമാനം ഉയർന്ന് 1,705.57 ഡോളറിലെത്തി. ആഭ്യന്തര ഓഹരികളിലെ വൻ വിൽപ്പനയ്ക്കിടയിൽ രൂപ ഇന്ന് യുഎസ് ഡോളറിനെതിരെ 75.80 ലേക്ക് ഇടിഞ്ഞു. യുഎസ്-ചൈന തമ്മിലുള്ള വർദ്ധിച്ചുവരുന്ന സംഘർഷങ്ങളും ആഗോള സമ്പദ്‌വ്യവസ്ഥയെ കുറിച്ചുള്ള ആശങ്കകളും നിക്ഷേപകരെ സ്വാധീനിക്കുന്നതാണ് വിപണികളിലെ വിൽപ്പനയ്ക്ക് കാരണം. ദുർബലമായ സാമ്പത്തിക ഡാറ്റ വൈറസ് ബാധയുടെ പ്രതികൂല പ്രത്യാഘാതത്തെ ഉയർത്തിക്കാട്ടുന്നുവെന്ന് കൊട്ടക് സെക്യൂരിറ്റീസ് വ്യക്തമാക്കി.

എസ്‌പി‌ഡി‌ആർ ഇടിഎഫിന്റെ സ്വർണ്ണ ഹോൾഡിംഗ് 11.4 ടൺ ഉയർന്ന് 1067.9 ടണ്ണായി. 2013 മെയ് മാസത്തിന് ശേഷമുള്ള ഏറ്റവും ഉയർന്ന നിരക്കാണിത്.