കേരളത്തിൽ സ്വർണ വില ഇന്നും കുറഞ്ഞു, ഈ മാസത്തെ ഏറ്റവും കുറഞ്ഞ വില ഇന്ന്

കേരളത്തിൽ സ്വര്‍ണ വില ഇന്നും ഇടിഞ്ഞു. പവന് 240 രൂപ കുറഞ്ഞ് 37,600 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4700 രൂപയാണ് ഇന്നത്തെ നിരക്ക്. ഇന്നലെ പവന് 37840 രൂപയായിരുന്നു സ്വർണ വില. ആഗസ്റ്റ് മാസത്തിലെ ഏറ്റവും കുറഞ്ഞ വിലയ്ക്കാണ് ഇന്ന് വ്യാപാരം പുരോഗമിക്കുന്നത്. ആഗസ്റ്റ് 18 മുതൽ സ്വർണ വില കുത്തനെ കുറയാൻ തുടങ്ങി. കഴിഞ്ഞ 10 ദിവസത്തിനിടെ സ്വർണ വിലയിൽ 4400 രൂപയുടെ കുറവ് രേഖപ്പെടുത്തി.

ചരിത്ര വില

സ്വർണത്തിന്റെ എക്കാലത്തെയും ഉയർന്ന വില രേഖപ്പെടുത്തിയതും ആഗസ്റ്റ് മാസത്തിലാണ്. ഓഗസ്റ്റ് 7, 8, 9 തീയതികളിലാണ് സംസ്ഥാനത്ത് സ്വര്‍ണ വില ഏറ്റവും കൂടുതല്‍ രേഖപ്പെടുത്തിയത്. ഈ ദിവസങ്ങളില്‍ പവന് വില 42,000 രൂപയെന്ന റെക്കോര്‍ഡ് വിലയിൽ സ്വർണം എത്തിയിരുന്നു. ഈ മാസം ആദ്യ പകുതി വരെ സ്വർണ വില പവന് 40000 രൂപയ്ക്ക് മുകളിലായിരുന്നു.

സ്വർണ വില നിശ്ചയിക്കുന്നത് ആര്?

ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്സ് അസോസിയേഷനാണ് (എ.കെ.ജി.എസ്.എം.എ.) സംസ്ഥാനത്ത് ഔദ്യോഗികമായി സ്വര്‍ണ വില നിശ്ചയിക്കുന്നത്. സ്വർണത്തിന്റെ അന്താരാഷ്ട്ര വില, ഡോളർ-രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്.

സോവറിൻ ഗോൾഡ് ബോണ്ട്

രാജ്യത്ത് ഈ സാമ്പത്തിക വർഷത്തെ ആറാമത്തെ സോവറിൻ ഗോൾഡ് ബോണ്ട് ഓഗസ്റ്റ് 31 ന് സബ്‌സ്‌ക്രിപ്‌ഷനായി തുറക്കും. സ്വർണത്തിന്റെ ശരാശരി വിലയുടെ അടിസ്ഥാനത്തിലാണ് ബോണ്ടുകളുടെ ഇഷ്യു വില നിശ്ചയിക്കുന്നത്. സബ്സ്ക്രിപ്ഷൻ കാലയളവിന് മുമ്പുള്ള ആഴ്ചയിലെ അവസാന 3 പ്രവൃത്തി ദിവസങ്ങളിൽ ഇന്ത്യ ബുള്ളിയൻ ആൻഡ് ജ്വല്ലേഴ്സ് അസോസിയേഷൻ ലിമിറ്റഡിന്റെ സ്വർണ വിലയാണ് ശരാശരിയ്ക്കായി കണക്കാക്കുന്നത്. സോവറിൻ ഗോൾഡ് ബോണ്ടുകൾ ഇന്ത്യൻ സർക്കാരിനു വേണ്ടി റിസർവ് ബാങ്കാണ് പുറത്തിറക്കുന്നത്.

കൊറോണ ഇഫക്ട്

കൊറോണ വൈറസ് എന്ന മഹാമാരി ലോക രാജ്യങ്ങളെ ആട്ടിയുലച്ചതോടെ സ്വ‍ർണ വില കുതിച്ചുയ‍ർന്നു. 2019 സെപ്റ്റംബറിൽ 10 ഗ്രാമിന് 40,280 രൂപയിലെത്തിയ സ്വ‍ർണ വില, 2020 ആ​ഗസ്റ്റായപ്പോഴേയ്ക്കും റെക്കോർഡ് നിരക്കായ 56,200 രൂപയിൽ എത്തി. കൊറോണ വൈറസ് എന്ന മഹാമാരി ലോക രാജ്യങ്ങളെ ആട്ടിയുലച്ചതോടെ സ്വ‍ർണ വില കുതിച്ചുയ‍ർന്നു. 2019 സെപ്റ്റംബറിൽ 10 ഗ്രാമിന് 40,280 രൂപയിലെത്തിയ സ്വ‍ർണ വില, 2020 ആ​ഗസ്റ്റായപ്പോഴേയ്ക്കും റെക്കോർഡ് നിരക്കായ 56,200 രൂപയിൽ എത്തി.