13 ദിവസത്തെ നിർത്താതെയുള്ള നിരക്ക് വർധനവിന് ശേഷം ഡീസൽ വില ഡൽഹിയിൽ 77.06 രൂപയിലെത്തി. പെട്രോൾ വില 19 മാസത്തെ ഉയർന്ന നിരക്കിലെത്തിയപ്പോൾ ഡീസലിന് ചരിത്രത്തിലെ തന്നെ ഏറ്റവും ഉയർന്ന നിരക്കാണ് രേഖപ്പെടുത്തിയിരിക്കുന്നത്. ബ്രെൻറ് ക്രൂഡ് ഓയിൽ വില ബാരലിന് 80 ഡോളർ കടന്നപ്പോൾ രേഖപ്പെടുത്തിയ ഡീസലിന്റെ 2018 ഒക്ടോബർ 16ലെ റെക്കോർഡ് വിലയായ 75.69 രൂപയെയാണ് ഇന്ന് മറികടന്നിരിക്കുന്നത്.
വില കൂടാൻ കാരണം
എന്നാൽ അന്താരാഷ്ട്ര മാനദണ്ഡമായ ബ്രെന്റ് ക്രൂഡ് ഓയിൽ നിരക്ക് ഇപ്പോൾ ബാരലിന് 40 ഡോളറായി കുറഞ്ഞു. ഇന്ത്യയിൽ ഇന്ധന നിരക്കിൽ ഇപ്പോഴുണ്ടായ വർദ്ധനവിന് കാരണം എക്സൈസ് തീരുവ പെട്രോളിന് 10 രൂപയും ഡീസലിന് 13 രൂപയും ഉയർത്തിയതാണ്. ഇന്ധന നിരക്ക് നേരിട്ട് ആശ്രയിക്കുന്ന ക്രൂഡ് ഓയിൽ നിരക്ക് കഴിഞ്ഞ മാസം ബാരലിന് 20 ഡോളറായി കുറഞ്ഞിരുന്നു. മാർച്ച് 17 മുതൽ ജൂൺ 6 വരെ 82 ദിവസത്തേക്ക് സർക്കാർ എണ്ണ കമ്പനികൾ പെട്രോൾ, ഡീസൽ നിരക്ക് പരിഷ്കരിച്ചിരുന്നില്ല.
കേരളത്തിലെ ഇന്ധന വില
തിരുവനന്തപുരത്ത് ഒരു ലിറ്റർ പെട്രോളിന് 14 പൈസ കൂടി 79.51 രൂപയായി. ഒരു ലിറ്റർ ഡീസലിന്റെ വില 11 പൈസ ഉയർന്ന് 73.74 രൂപയായി. കോഴിക്കോട് പെട്രോളിന് 28 പൈസ കൂടി 78.70 രൂപയും ഡീസലിന് 28 പൈസ ഉയർന്ന് 73.10 രൂപയുമാണ് വില. എറണാകുളത്ത് ഒരു ലിറ്റർ പെട്രോളിന് 21 പൈസ ഉയർന്ന് 78.12 രൂപയും ഡീസലിന് 20 പൈസ ഉയർന്ന് 72.47 രൂപയുമാണ് ഇന്നത്തെ നിരക്ക്.
ഒമ്പതാം ദിവസവും കുതിച്ചുയർന്ന് പെട്രോൾ, ഡീസൽ വില; ഇന്നത്തെ നിരക്ക് അറിയാം
13-ാം ദിവസം
തുടർച്ചയായ 13-ാം ദിവസവും ഇന്ധന വില വർധിപ്പിച്ചിരിക്കുകയാണ്. ഈ കാലയളവിൽ മൊത്തം വില വർദ്ധനവ് പെട്രോളിന് 7.11 രൂപയും ഡീസലിന് 7.67 രൂപയുമാണ്. ഇന്ത്യയിലെ പ്രധാന നഗരങ്ങളിലെ ഏറ്റവും പുതിയ പെട്രോൾ, ഡീസൽ വില പരിശോധിക്കാം.
എട്ടാം ദിവസവും കത്തിക്കയറി പെട്രോൾ, ഡീസൽ വില; ഇന്നത്തെ നിരക്ക് അറിയാം
പ്രധാന നഗരങ്ങളിലെ പെട്രോൾ വില
- ന്യൂഡൽഹി: 78.37 രൂപ
- ഗുഡ്ഗാവ്: 76.24 രൂപ
- മുംബൈ: 84.66 രൂപ
- ചെന്നൈ: 81.32 രൂപ
- ഹൈദരാബാദ്: 80.77 രൂപ
- ബെംഗളൂരു: 80.33 രൂപ
പ്രധാന നഗരങ്ങളിലെ ഡീസൽ വില
- ന്യൂഡൽഹി: 77.06 രൂപ
- ഗുഡ്ഗാവ്: 69.08 രൂപ
- മുംബൈ: 74.93 രൂപ
- ചെന്നൈ: 74.23 രൂപ
- ഹൈദരാബാദ്: 74.70 രൂപ
- ബെംഗളൂരു: 74.70 രൂപ
ക്രൂഡ് ഓയിൽ വില
ഈ വർഷം ആദ്യം ബാരലിന് 70 ഡോളറിലെത്തിയ ബ്രെൻറ് ക്രൂഡ് ഓയിൽ നിരക്ക് കുത്തനെ ഇടിഞ്ഞു. ബ്രെൻറ് ക്രൂഡ് ഫ്യൂച്ചേഴ്സ് ഇന്ന് രാവിലെ ബാരലിന് 41 ഡോളറിനടുത്താണ് വ്യാപാരം നടക്കുന്നത്. ആഗോള ബെഞ്ച്മാർക്ക് ക്രൂഡ് ഈ ആഴ്ച എട്ട് ശതമാനം ഉയർന്നു.
പെട്രോൾ, ഡീസൽ വില ഒരാഴ്ചയ്ക്കുള്ളിൽ കൂടിയത് 3 രൂപയിൽ കൂടുതൽ; ഇന്നത്തെ ഇന്ധനവില അറിയാം