തുടർച്ചയായ 15-ാം ദിവസവും ഇന്ധന വില വ‍‍ർദ്ധനവ്, ഡീസൽ വില റെക്കോഡിൽ, ഇന്നത്തെ വില അറിയാം

പെട്രോൾ, ഡീസൽ വില ഞായറാഴ്ച തുടർച്ചയായ 15 ദിവസവും ഉയർന്നു. ഇന്നത്തെ വില പരിഷ്കരണത്തിനുശേഷം, ഡീസൽ വില റെക്കോർഡ് ഉയരത്തിലെത്തി, പെട്രോൾ വിലയും രണ്ട് വർഷത്തെ ഉയർന്ന നിരക്കിലാണ്. രാജ്യത്തെ പ്രധാന നഗരങ്ങളിൽ പെട്രോളിന് 35-37 പൈസ വിലകൂടിയപ്പോൾ ഡീസൽ വില 60-62 പൈസയായി ഉയർന്നു. ഇന്നത്തെ നിരക്ക് വർദ്ധനവിനെ തുട‍ർന്ന് രണ്ടാഴ്ചയ്ക്കുള്ളിൽ പെട്രോളിനും ഡീസലിനും വില യഥാക്രമം 7.97, 8.88 രൂപ വരെ ഉയർന്നു.

മുൻ റെക്കോ‍ർഡ്

നിലവിലെ വ‍‍ർദ്ധനവിന് മുമ്പ്, 2018 ഒക്ടോബർ 16 ന് ഡൽഹിയിൽ ഡീസൽ നിരക്ക് 75.69 രൂപയിലെത്തിയിരുന്നു. 2018 ഒക്ടോബർ 4 ന് ഏറ്റവും ഉയർന്ന പെട്രോൾ വില ലിറ്ററിന് 84 രൂപയായും രേഖപ്പെടുത്തിയിരുന്നു. നിലവിൽ ഡൽഹിയിൽ പെട്രോൾ വില 35 പൈസ ഉയ‍‍ർന്ന്. ലിറ്ററിന് 79.23 രൂപയായി. ഡൽഹിയിലെ ഡീസൽ വില ലിറ്ററിന് 78.27 രൂപയിലെത്തി. മുംബൈയിൽ 34 പൈസ ഉയ‍ർന്ന് പെട്രോൾ ലിറ്ററിന് 86.05 രൂപയിൽ ചില്ലറ വിൽപ്പന നടത്തുമ്പോൾ ഡീസൽ വില 58 പൈസ വർധിച്ച് 76.69 രൂപയായി.

മറ്റ് ന​ഗരങ്ങൾ

കൊൽക്കത്തയിലും ചെന്നൈയിലും പെട്രോൾ വില 31-32 പൈസ വർധിച്ചു. ചില്ലറ വിൽപ്പന വില യഥാക്രമം 80.95 രൂപയും 82.58 രൂപയുമാണ്. രണ്ട് നഗരങ്ങളിലും ഡീസലിന് യഥാക്രമം 73.61 രൂപയും 75.80 രൂപയുമാണ് വില. നോയിഡയിൽ പെട്രോളിന് ലിറ്ററിന് 80.16 രൂപയാണ് വില. 2നഗരത്തിലെ ഡീസൽ വില 46 പൈസ ഉയർന്ന് ലിറ്ററിന് 70.79 രൂപയായി. ശനിയാഴ്ച ഇത് 70.33 രൂപയായിരുന്നു.
ബെംഗളൂരുവിൽ പെട്രോളിന് ലിറ്ററിന് 82.81 രൂപയും ഡീസലിന് ലിറ്ററിന് 74.43 രൂപയുമാണ് വില.

കേരളത്തിലെ ഇന്ധന വില

തിരുവനന്തപുരത്ത് ഒരു ലിറ്റർ പെട്രോളിന് 51 പൈസ കൂടി 80.95 രൂപയായി. ഒരു ലിറ്റർ ഡീസലിന്റെ വില 78 പൈസ ഉയർന്ന് 75.57 രൂപയായി. കോഴിക്കോട് പെട്രോളിന് 30 പൈസ കൂടി 79.79 രൂപയും ഡീസലിന് 51 പൈസ ഉയർന്ന് 74.50 രൂപയുമാണ് വില. എറണാകുളത്ത് ഒരു ലിറ്റർ പെട്രോളിന് 53 പൈസ ഉയർന്ന് 79.49 രൂപയും ഡീസലിന് 78 പൈസ ഉയർന്ന് 74.19 രൂപയുമാണ് ഇന്നത്തെ നിരക്ക്.

എക്സൈസ് തീരുവ

2018 ഒക്ടോബറിൽ നിരക്ക് ഉയർന്നപ്പോൾ സർക്കാർ രണ്ട് ഇന്ധനങ്ങളുടെയും എക്സൈസ് തീരുവ ലിറ്ററിന് 1.50 രൂപ കുറച്ചിരുന്നു. എന്നാൽ 2019 ജൂലൈയിൽ‌ സർക്കാർ എക്സൈസ് തീരുവ ലിറ്ററിന് 2 രൂപ ഉയർ‌ത്തുകയും ചെയ്തു. പെട്രോൾ, ഡീസൽ എന്നിവയുടെ എക്സൈസ് തീരുവ സർക്കാർ അധികമായി ഉയർത്തിയതിനാൽ മാർച്ച് പകുതിയോടെ ഈ വർഷം 82 ദിവസം ഇന്ധന വില മാറ്റം മരവിപ്പിച്ചിരുന്നു. മാർച്ച് 14 ന് പെട്രോളിന്റെയും ഡീസലിന്റെയും എക്സൈസ് തീരുവ ലിറ്ററിന് 3 രൂപ വീതവും മെയ് 5 ന് പെട്രോളിന് 10 രൂപയും ഡീസലിന് 13 രൂപയും വർദ്ധിപ്പിച്ചു.

ക്രൂഡ് ഓയിൽ വില

ഇന്ത്യൻ ഓയിൽ കോർപ്പറേഷൻ (ഐഒസി), ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) തുടങ്ങിയ ഓയിൽ കമ്പനികൾ ഉപഭോക്താക്കൾക്ക് എക്സൈസ് തീരുവ വർധിപ്പിക്കുന്നതിനുപകരം ചില്ലറ നിരക്കിന്റെ ഇടിവിനെതിരെ ക്രമീകരിച്ചു. ആവശ്യകതയില്ലാത്തതിനാലാണ് ക്രൂഡ് ഓയിൽ വില ഇടിഞ്ഞത്. എന്നാൽ അന്താരാഷ്ട്ര എണ്ണവില വീണ്ടും ഉയരാൻ തുടങ്ങിയതോടെ ചില്ലറ ഇന്ധന നിരക്കുകളും ഉയരാൻ തുടങ്ങി.