Just In
-
-
-
-
Don't Miss
-
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ് -
കല്ല്യാശേരി മണ്ഡലത്തിലെ കള്ളവോട്ട്; 6 പേർക്കെതിരെ കേസെടുത്ത് പോലീസ് -
IPL 2024: സിഎസ്കെയ്ക്കു പിഴയ്ക്കുന്നതെവിടെ? കുഴപ്പം ഒന്നും രണ്ടുമല്ല! ഇവയ്ക്കു ഉത്തരം വേണം -
പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും -
ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു -
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
സംസ്ഥാനത്ത് ഇന്ന് തുടര്‍ച്ചയായ പതിനെട്ടാം ദിവസവും ഡീസല്‍ വില വര്‍ധിപ്പിച്ചു. ഒരു ലിറ്റര്‍ ഡീസലിന് 45 പൈസയാണ് വര്‍ദ്ധിച്ചിരിക്കുന്നത്. അതേസമയം പെട്രോള്‍ വിലയില്‍ ഇന്ന് മാറ്റം രേഖപ്പെടുത്തിയിട്ടില്ല. മെയ് 21ന് 66.36 രൂപയായിരുന്ന ഡീസൽ വില കഴിഞ്ഞ ഒരു മാസത്തിനിടെ ലിറ്ററിന് 9.29 രൂപയായി ഉയർന്നു. നിലവില്‍ കൊച്ചിയില്‍ ഒരു ലിറ്റര്‍ ഡീസലിന് 75.72 രൂപയാണ് വില.
പെട്രോൾ വിലയിൽ മാറ്റമില്ല
തുടര്‍ച്ചയായ പതിനേഴ് ദിവസത്തെ വര്‍ധനവിന് ശേഷമാണ് ഇന്ന് പെട്രോള്‍ വില മാറ്റമില്ലാതെ തുടരുന്നത്. പെട്രോളിന് 80.02 രൂപയാണ് കേരളത്തിലെ ഇന്നത്തെ നിരക്ക്. മെയ് 21 ന് ശേഷം പെട്രോൾ വില ലിറ്ററിന് 8.36 രൂപ വരെ ഉയർന്നിരുന്നു.
പെട്രോളിനെ മറികടന്ന് ഡീസൽ
ഡൽഹിയിൽ ഇന്നലെ പെട്രോളിന്റെയും ഡീസലിന്റെയും വിലയിൽ കാര്യമായ മാറ്റമില്ലായിരുന്നു. പെട്രോൾ വിലയെ മറികടക്കാൻ ഒരുങ്ങി നിൽക്കുകയാണ് ഡീസൽ വില. ആഗോളതലത്തിൽ, ഡീസലിന് പെട്രോൾ വിലയേക്കാൾ അല്പം കൂടുതലാണ്, കാരണം ഉൽപാദനച്ചെലവ് കൂടുതലുള്ളത് ഡീസലിനാണ്. എന്നാൽ ഇന്ത്യയിലെ നികുതി വ്യവസ്ഥ അനുസരിച്ച് ഡീസലിനാണ് നികുതി കുറവ്. അതുകൊണ്ട് തന്നെ കഴിഞ്ഞ കുറേ വർഷങ്ങളായി പെട്രോളിനേക്കാൾ വില കുറവ് ഡീസലിനാണ്.
വില വ്യത്യാസം
2012 ജൂൺ 18 ന് പെട്രോളിന് ലിറ്ററിന് 71.16 രൂപയും ഡീസലിന് 40.91 രൂപയുമായിരുന്നു വില. 30.25 രൂപ അഥവാ 74 ശതമാനം വില വ്യത്യാസമാണ് അന്നുണ്ടായിരുന്നത്. അതേ വർഷം ജൂൺ 28 ന് മുംബൈയിൽ പെട്രോൾ ലിറ്ററിന് 76.45 രൂപയും ഡീസൽ 45.28 രൂപയ്ക്കുമാണ് വിറ്റത്. 31.17 രൂപയായിരുന്നു രണ്ട് ഇന്ധനങ്ങളും തമ്മിലുള്ള വില വ്യത്യാസം.
2014 മുതൽ
2014 ഒക്ടോബറിൽ ഇന്ധന വില നിയന്ത്രണം ഏർപ്പെടുത്തിയതിനാൽ, കേന്ദ്രനികുതിയിലെ വ്യത്യാസം കുറഞ്ഞു, പക്ഷേ സംസ്ഥാനങ്ങൾ ഇപ്പോഴും ഡീസലിന് താഴ്ന്ന നിലയിലാണ് കണക്കാക്കുന്നത്. ഉദാഹരണത്തിന് ഡൽഹിയിൽ നികുതി പെട്രോൾ വിലയുടെ 64 ശതമാനവും ഡീസൽ വിലയുടെ 63 ശതമാനവുമാണ്. എന്നാൽ മറ്റ് സംസ്ഥാനങ്ങളിൽ ഡീസലിന് നികുതി കുറവാണ്. അതുകൊണ്ടാണ് മറ്റ് സംസ്ഥാനങ്ങളിലെ വിലയിൽ ഇപ്പോഴും വിടവ് കൂടുതലുള്ളത്.
2017 മുതൽ
2017 ജൂണിൽ പ്രതിദിന വില പരിഷ്കരണം നിലവിൽ വന്നതുമുതൽ ഡീസൽ വില സാവധാനം ഉയർന്നു കൊണ്ടിരിക്കുകയാണ്. ആഗോളതലത്തിൽ സാമ്പത്തിക പ്രവർത്തനങ്ങൾ പുനരാരംഭിക്കുമ്പോൾ പെട്രോളിനെക്കാൾ തുടർച്ചയായുള്ള വിലക്കയറ്റവും ആഗോള ഡീസൽ വിലയിലെ വർധനയും ഈ പ്രക്രിയയെ വേഗത്തിലാക്കി.
