ഇന്നത്തെ സ്വർണ വില, ഡിസംബറിലെ ഉയർന്ന വിലയിൽ നിന്ന് താഴേയ്ക്ക്

സംസ്ഥാനത്ത് സ്വർണ വിലയിൽ ഇന്ന് ഇടിവ് രേഖപ്പെടുത്തി. പവന് 160 രൂപ കുറഞ്ഞ് 28,480 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാമിന് 3,560 രൂപയാണ് വില. ഇന്നലെ സ്വർണ വില ഒരു പവന് 28,640 രൂപയിൽ എത്തിയിരുന്നു. ഡിസംബറിലെ ഏറ്റവും ഉയർന്ന വിലയായിരുന്നു ഇന്നലത്തേത്. 28320 രൂപയാണ് ഈ മാസം ഇതുവരെയുള്ളതിലെ ഏറ്റവും കുറഞ്ഞ വില. ഡിസംബർ 2, 3 തീയതികളിലാണ് ഈ വിലയ്ക്ക് വ്യാപാരം നടന്നത്.

സ്വർണ ഫ്യൂച്ചർ വില

കുത്തനെ ഇടിഞ്ഞതിന് ശേഷം. എം‌സി‌എക്‌സിൽ ഫെബ്രുവരിയിലെ സ്വർണ്ണ ഫ്യൂച്ചർ വില 10 ഗ്രാമിന് 0.12 ശതമാനം ഉയർന്ന് 38,140 രൂപയിലെത്തി. കഴിഞ്ഞ സെഷനിൽ സ്വർണ വില 230 രൂപ കുറഞ്ഞിരുന്നു. കഴിഞ്ഞ സെഷനിൽ ഉണ്ടായ നഷ്ടത്തിന് ശേഷം വെള്ളിയുടെ വിലയും ഉയർന്നു. ഇന്നലെ 600 രൂപയിൽ കൂടുതൽ ഇടിഞ്ഞതിന് ശേഷം എംസിഎക്സ് സിൽവർ ഫ്യൂച്ചർ നിരക്ക് ഇന്ന് 0.24 ശതമാനം ഉയർന്ന് കിലോയ്ക്ക് 44,535 രൂപയിലെത്തി.

ആഗോള വിപണി

ചൈന-യുഎസ് വ്യാപാര ചർച്ചകളിൽ നിന്ന് നല്ല സൂചനകൾ ലഭിച്ചിട്ടും പ്രതീക്ഷിച്ചതിലും ദുർബലമായ തൊഴിൽ വളർച്ചാ ഡാറ്റയുടെ പശ്ചാത്തലത്തിൽ യുഎസ് ഡോളറിന്റെ മൂല്യം ഇടിഞ്ഞു. ഇതോടെ ഇന്ന് ആഗോള വിപണിയിൽ സ്വർണ വില ഔൺസിന് 1,475.37 ഡോളറിലെത്തി.

ഇന്ത്യയിൽ ഇറക്കുമതി കൂടി

ഇന്ത്യയിൽ നവംബറിൽ സ്വർണ്ണ ഇറക്കുമതി കുത്തനെ ഉയർന്നതായി റോയിട്ടേഴ്‌സ് റിപ്പോർട്ട് ചെയ്തു. നവംബറിലെ ഇന്ത്യയുടെ സ്വർണ്ണ ഇറക്കുമതി ഒക്ടോബറിനെ അപേക്ഷിച്ച് 78 ശതമാനം ഉയർന്ന് അഞ്ച് മാസത്തിനിടയിലെ ഏറ്റവും ഉയർന്ന നിലയിലെത്തി. ലോകത്തിലെ തന്നെ രണ്ടാമത്തെ വലിയ സ്വർണ വിപണിയാണ് ഇന്ത്യ.

വിലയിടിവ്

ഇന്ത്യയിലെ സ്വർണ്ണ വില 10 ഗ്രാമിന് 5% അഥവാ ഏകദേശം 2,000 രൂപയാണ് സെപ്റ്റംബറിലെ ഏറ്റവും ഉയർന്ന നിരക്കായ 10 ഗ്രാമിന് 40,000 രൂപ നിരക്കിൽ നിന്ന് കുറഞ്ഞിരിക്കുന്നത്. നവംബറിലെ സംസ്ഥാനത്തെ ഏറ്റവും ഉയർന്ന സ്വർണ വില 28,800 രൂപയായിരുന്നു. നവംബർ 1, 2,3 തിയതികളിൽ ഈ നിരക്കിലായിരുന്നു സ്വർണ വ്യാപാരം നടന്നത്.