കെട്ട് പൊട്ടി താഴെ വീണ് സ്വർണ വില; ഇന്ന് പവന് 120 രൂപ കുറഞ്ഞു, നവംബറിൽ വില താഴോട്ട്...

ഇതെന്തു മറിമായം. ഇന്ന് കേരളത്തിലെ സ്വർണ കുറഞ്ഞു. നവംബർ 2 മുതൽ 4 വരെ മാറ്റമില്ലാതെ തുടർന്ന സ്വർണ വിലയിൽ വീണ്ടും ഇടിവ്. ഒക്ടോബർ മാസത്തിലെ കടുത്ത സ്വർണ വിലയിൽ നിന്നും ആശ്വാസകരമായ വാർത്തയാണ് നവംബർ 1 മുതൽ കേൾക്കുന്നത്. ഇന്ന് ​ഗ്രാമിന് 15 രൂപ കുറഞ്ഞ 7355 രൂപയായി. റെക്കോർഡ് വിലയിൽ നിന്നും താഴോട്ട് കുതിച്ച സ്വർണത്തിന് ഇപ്പോൾ തിളക്കവും കൂടുന്നു. സ്വർണം പവന് 120 രൂപയാണ് ഇന്ന് കുറഞ്ഞത്.

ഇന്നത്തെ വില

വില കുറഞ്ഞു. സ്വർണം ഗ്രാമിന് ഇന്നത്തെ വില 7,355 രൂപയായി. പവന് 120 രൂപ കുറഞ്ഞ് 58,840 രൂപയായി. നവംബർ 1 കേരളപിറവി ദിനം മുതൽ സ്വർണ വിലയിൽ ഇടിവ് രേഖപ്പെടുത്തി. ഇന്നത്തെ വില പ്രകാരം 10 ​ഗ്രാം സ്വർണം വാങ്ങാൻ 73,550 രൂപ വേണം. ഈ മാസത്തെ ഏറ്റവും കുറഞ്ഞ നിരക്കിലാണ് ഇന്നത്തെ സ്വർണവില.

നവംബറിലെ വിലക്കുറവ്...

നവംബർ 1 മുതൽ സ്വർണ വിലയിൽ കാര്യമായ ഇടിവ് രേഖപ്പെടുത്തി. ഒക്ടോബർ മാസത്തിൽ കടുത്ത വിലക്കയറ്റം ജനങ്ങളെ ഏറെ പ്രതിസന്ധിയിലേക്ക് എത്തിച്ചു. അതിനെല്ലാം ആശ്വാസമേകി നവംബർ 1 മുതൽ വില കുറഞ്ഞു. സ്വർണ വാങ്ങാൻ നിലവിൽ ഇതാണ് നല്ല സമയം.

 

ഇന്ന് ഒരു പവൻ സ്വർണാഭരണം വാങ്ങാൻ...

സ്വർണ വിലയിൽ ഇന്നും ഇടിവ്. ആഭരണപ്രേമികൾക്ക് സ്വർണം വാങ്ങാൻ പറ്റിയ സമയമാണിത്. ഇന്നത്തെ വില പ്രകാരം കേരളത്തിലെ ഒരു ജ്വല്ലറിയിൽ നിന്ന് സ്വർണാഭരണം വാങ്ങാൻ ഈ ദിവസത്തെ കണക്ക് പ്രകാരം 60000 രൂപയ്ക്ക് മുകളിൽ വേണം. 3% ജി.എസ്.ടി, 53.10 രൂപ ഹോൾമാർക്ക് ഫീസ്, പണിക്കൂലി എന്നീ ഘടകങ്ങൾ ഉൾപ്പെടുന്നതിനാലാണ് സ്വർണാഭാരണം വാങ്ങുമ്പോൾ അൽപം വില വ്യത്യാസം വരുന്നത്. ഓരോ ജ്വല്ലറിയിലും പണിക്കൂലി വേറിട്ടതാണ്. അതിനാൽ ഈ കണക്കിൽ ചിലപ്പോൾ വ്യത്യാസം വന്നേക്കാം.

വില കുറഞ്ഞു

സ്വർണ വില കുറയാൻ കാരണം പലതാണ്. ദീപാവലിക്ക് ശേഷം നാലു ദിവസം കൊണ്ട് പവന് 800 രൂപയാണ് കുറഞ്ഞത്. യു.എസ് പ്രസിഡന്റ് തെരഞ്ഞെടുപ്പും, യു.എസ് ഫെഡ് റിസര്‍വ് യോഗവുമാണ് ഇപ്പോൾ ആ​ഗോളതലത്തിൽ നടക്കുന്ന പ്രധാന വിഷയം. തെരഞ്ഞെടുപ്പ് കഴിയുന്നതു വരെ പ്രതിസന്ധികൾ ഉണ്ടാവും. അതിനാൽ ഇത് സ്വര്‍ണ വിപണിയേയും ബാധിക്കുന്നു. ഡോളര്‍- രൂപ വിനിമയ നിരക്കും സ്വർണവിലയെ ബാധിച്ചിട്ടുണ്ട്.

ഇപ്പോൾ ബുക്ക് ചെയ്യാം...

വിവാഹ ആവശ്യങ്ങൾക്കും മറ്റുമായി സ്വർണാഭരണം വാങ്ങാൻ ആ​ഗ്രഹിക്കുന്നവർക്ക് ഈ വിലയിടിവ് ആശ്വാസകരമാണ്. വിലക്കയറ്റം വരുന്നതിനു മുന്നേ ഇന്നത്തെ സ്വർണവിലയിൽ തന്നെ നിങ്ങളുടെ ആഭരണങ്ങൾ ബുക്ക് ചെയ്യാം. നവംബറിൽ സ്വർണവില കുറഞ്ഞെങ്കിലും ഇരട്ടിയായി വില വർദ്ധിക്കുമോ എന്ന പേടിയും നിലവിലുണ്ട്.