3 വർഷത്തിനിടെ 35% നേട്ടം, ഇപ്പോൾ നിക്ഷേപിക്കാൻ 5 മ്യൂച്വൽ ഫണ്ടുകൾ, നിങ്ങൾ തയ്യാറല്ലേ..?

പുതിയ കാലത്തെ ഏറ്റവും മികച്ച നിക്ഷേപ പദ്ധതിയായാണ് മ്യൂച്വൽ ഫണ്ടുകളെ വിലയിരുത്തുന്നത്. മ്യൂച്ചൽ ഫണ്ട് പരസ്യങ്ങളിൽ പറയുന്നതുപോലെ നിങ്ങളുടെ നിക്ഷേപം ഓഹരി വിപണിയിലെ ലാഭനഷ്ടങ്ങൾക്ക് വിധേയമാണ്. എങ്കിലും സാധാരണ നിലക്ക്​ 10 മുതൽ 15 ശതമാനം നേട്ടം ശരാശരി മ്യൂച്ചൽ ഫണ്ട് നിക്ഷേപത്തിൽനിന്ന് വളർച്ച പ്രതീക്ഷിക്കാം.

ഓഹരികളിലും മറ്റും നിക്ഷേപം നടത്തുന്ന മ്യൂച്ചൽ ഫണ്ട് പദ്ധതികളുടെ മൂല്യം ഓഹരികളുടെ വില വർധിക്കുമ്പോൾ അതിനനുസരിച്ചു കൂടും. ഓഹരി വില കുറയുമ്പോൾ കുറയുകയും ചെയ്യും. വിലയിൽ ഉണ്ടാകുന്ന ഏറ്റക്കുറച്ചിലുകൾ നിക്ഷേപകന് നേട്ടവും നഷ്ടവും ഉണ്ടാക്കുന്നതിൽ പ്രധാനമാണ്.

മ്യൂച്വൽ ഫണ്ടുകൾ പലതരം

മാർക്കറ്റ് റെഗുലേറ്റിംങ് സ്ഥാപനമായ സെബി മ്യൂച്വൽ ഫണ്ട് സ്കീമുകളെ പ്രധാനമായും അഞ്ചായി തരം തിരിച്ചിട്ടുണ്ട്. അതിൽ ഏറ്റവും പ്രധാനപ്പെട്ട മ്യൂച്വൽ ഫണ്ട് വിഭാഗമാണ് ഇക്വിറ്റി മ്യൂച്വൽ ഫണ്ടുകൾ. ഇക്വിറ്റി സ്കീമിന് കീഴിലാണ് ലാർജ്, മിഡ്, സ്മോൾ ക്യാപ് സ്റ്റോക്കുകൾ വരുന്നത്. നിക്ഷേപ കാലയളവും റിസ്ക് എടുക്കാനുള്ള താത്പര്യവുമനുസരിച്ച് നിക്ഷേപകർക്ക് ഇവയിൽ നിക്ഷേപം നടത്താം.

കഴിഞ്ഞ മൂന്ന് വർഷത്തിനുള്ളിൽ 35 ശതമാനത്തിലധികം റിട്ടേൺ വാഗ്ദാനം ചെയ്തിട്ടുണ്ട്. അവ ഏതൊക്കെയാണെന്ന് വിശദമായി നോക്കാം.

1. ക്വാണ്ട് സ്മോൾ ക്യാപ് ഫണ്ട്

സ്മോൾ ക്യാപ് ഫണ്ട് കഴിഞ്ഞ മൂന്ന് വർഷത്തിനിടെ 43.98 ശതമാനം റിട്ടേൺ നൽകി. 2024 മാർച്ച് 31 വരെ 17,348 കോടി രൂപയുടെ ആസ്തിയാണ് ക്വാണ്ട് സ്മോൾ ക്യാപ് ഫണ്ട് കൈകാര്യം ചെയ്യുന്നത്.

2. ഐസിഐസിഐ പ്രുഡൻഷ്യൽ കമ്മോഡിറ്റീസ് ഫണ്ട്

പ്രതിദിന റോളിംഗ് റിട്ടേണുകളെ അടിസ്ഥാനമാക്കി കഴിഞ്ഞ മൂന്ന് വർഷത്തിനിടെ 40.25 ശതമാനം റിട്ടേണാണ് ഐസിഐസിഐ പ്രുഡൻഷ്യൽ കമ്മോഡിറ്റീസ് ഫണ്ട് നൽകിയത്. 2024 മാർച്ച് 31 വരെയുള്ള കണക്കുകൾ പ്രകാരം 2,091.50 കോടി രൂപയുടെ ആസ്തിയാണ് ഈ സ്കീം കൈകാര്യം ചെയ്യുന്നത്.

3. ക്വാണ്ട് ഇൻഫ്രാസ്ട്രക്ചർ ഫണ്ട്

ഇൻഫ്രാസ്ട്രക്ചർ മേഖല അടിസ്ഥാനമാക്കിയുള്ള ഫണ്ട് പ്രതിദിന റോളിംഗ് റിട്ടേണിനെ അടിസ്ഥാനമാക്കി കഴിഞ്ഞ മൂന്ന് വർഷത്തിനിടെ 38.12 ശതമാനം റിട്ടേൺ നൽകി. 2024 മാർച്ച് 31 വരെ 2,498.18 കോടി രൂപയുടെ ആസ്തിയാണ് ഈ പദ്ധതി കൈകാര്യം ചെയ്യുന്നത്.

4. കാനറ റോബെക്കോ സ്മോൾ ക്യാപ് ഫണ്ട്

സ്മോൾ ക്യാപ് ഫണ്ട് കഴിഞ്ഞ മൂന്ന് വർഷത്തിനിടെ 36.06 ശതമാനം റിട്ടേൺ നൽകി. 2024 മാർച്ച് 31 വരെ 9,402.62 കോടി രൂപയുടെ ആസ്തിയാണ് ഫണ്ട് കൈകാര്യം ചെയ്യുന്നത്.

5. ബാങ്ക് ഓഫ് ഇന്ത്യ സ്മോൾ ക്യാപ് ഫണ്ട്

ഫണ്ട് കഴിഞ്ഞ മൂന്ന് വർഷത്തിനിടെ 35.88 ശതമാനം റിട്ടേൺ നൽകി. 2024 മാർച്ച് 31 വരെ 939.69 കോടി രൂപയുടെ ആസ്തിയാണ് ഈ പദ്ധതി കൈകാര്യം ചെയ്യുന്നത്.

ഫണ്ടിന്‍റെ മുന്‍കാല പ്രകടനം പരിശോധിക്കുക

മ്യൂച്വൽ ഫണ്ടിൽ നിക്ഷേപം നടത്തുന്നതിന് മുൻപ്, ഫണ്ടിന്‍റെ മുന്‍കാല പ്രകടനം പരിശോധിക്കുന്നത് നല്ലതാണ്. എന്നാൽ ഫണ്ട് ഭാവിയിലും മികച്ച പ്രകടനം കാഴ്ചവയ്ക്കുമെന്ന് ഈ പരിശോധന വഴി ഉറപ്പിക്കാൻ സാധിക്കില്ല. എങ്കിലും ഫണ്ടിന്‍റെ ട്രാക്ക് റെക്കോര്‍ഡ് നോക്കുമ്പോള്‍, നിങ്ങള്‍ക്ക് തീര്‍ച്ചയായും ഇതേ കാറ്റഗറിയിലുള്ള ഫണ്ടുകളുമായി താരതമ്യം ചെയ്യാനും അവയുടെ സൂചികകളുമായും അതിന്‍റെ റെക്കോര്‍ഡുമായി പൊരുത്തപ്പെടാന്‍ കഴിയും.

അറിയിപ്പ് :
മുകളിൽ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങൾ എടുക്കും മുൻപ് സാമ്പത്തിക വിദഗ്ധന്റെ നിർദേശം തേടാം. മ്യൂച്വൽ ഫണ്ടിലെ നിക്ഷേപം നഷ്ട സാധ്യതകൾക്ക് വിധേയമാണ്. സ്വന്തം റിസ്‌കിൽ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തിൽ സംഭവിക്കുന്ന ലാഭനഷ്ടങ്ങൾക്ക് ഗ്രേനിയം ഇൻഫർമേഷൻ ടെക്നോളജീസും ലേഖകനും ഉത്തരവാദികളല്ല.