33% നേട്ടം നൽകിയ മ്യൂച്വൽ ഫണ്ടുകൾ, നിക്ഷേപത്തിന് ഇനിയും വൈകണോ

സാമ്പത്തിക നേട്ടത്തിനായി നിക്ഷേപത്തിന് തയ്യാറാകുന്നവരുടെ മുൻപിൽ നിരവധി പദ്ധതികളുണ്ടാകും. ബാങ്കുകളിലെ സ്ഥിര നിക്ഷേപം, കേന്ദ്രസർക്കാർ പദ്ധതികൾ, പോസ്റ്റ് ഓഫീസ് നിക്ഷേപ പദ്ധതികൾ, മ്യൂച്വൽ ഫണ്ട് നിക്ഷേപം, ഓഹരി വിപണിയിലെ നിക്ഷേപം....അങ്ങനെ നിക്ഷേപ പദ്ധതികളുടെ പട്ടിക നീണ്ട് പോകും.

നിക്ഷേപ പദ്ധതികൾ നിരവധിയുള്ളത് കൊണ്ട് തന്നെ ഏത് പദ്ധതി നിക്ഷേപത്തിനായി തിരഞ്ഞെടുക്കണമെന്ന് എല്ലാവർക്കും സംശയുണ്ടാകും. മുകളിൽ പറഞ്ഞിരിക്കുന്ന നിക്ഷേപ പദ്ധതികളിൽ ആദ്യത്തെ മൂന്ന് വിഭാഗങ്ങളിലെ നിക്ഷേപം സുരക്ഷിത നിക്ഷേപങ്ങളാണ്. എന്നാൽ വരുമാനം ലഭിക്കുന്നതിന് പരിധിയുണ്ട്.

മ്യൂച്വൽ ഫണ്ട് നിക്ഷേപം

നിക്ഷേപത്തിൽ റിസ്ക് എടുക്കാൻ താൽപ്പര്യമുള്ളവർക്ക് മ്യൂച്വൽ ഫണ്ട് നിക്ഷേപമാണ് ഏറ്റവും അനുയോജ്യം. ദീർഘമായ കാലയളവിൽ ​ഗണ്യമായ നേട്ടം സമ്മാനിക്കാനും മികച്ച സമ്പാദ്യം കെട്ടിപ്പടുക്കാനും സഹായിക്കുന്ന നിക്ഷേപ മാർ​ഗമാണ് മ്യൂച്ചൽ ഫണ്ടുകൾ.

മൂന്ന് വർഷത്തിനിടെ 33 ശതമാനത്തിലധികം നേട്ടം നൽകിയ മ്യൂച്വൽ ഫണ്ടുകൾ വരെ വിപണിയിലുണ്ട്. അത്തരത്തിലുള്ള 5 സ്മോൾ ക്യാപ് ഫണ്ടുകളെക്കുറിച്ച് വിശദമായി അറിയാം.

1. നിപ്പോൺ ഇന്ത്യ സ്മോൾ ക്യാപ് ഫണ്ട്

മൂന്ന് മാസത്തിനിടെ 5.77 ശതമാനത്തിന്‍റെ നേട്ടമാണ് നിപ്പോൺ ഇന്ത്യ സ്മോൾ ക്യാപ് ഫണ്ട് നിക്ഷേപകർക്ക് നൽകിയത്. 6 മാസത്തിനിടെ 13.81 ശതമാനവും 1 വർഷത്തിനിടെ 51.98 ശതമാനം വരുമാനവും ഫണ്ട് നൽകി.

50.50 ശതമാനമാണ് മൂന്ന് വർഷത്തിനിടെ നിപ്പോൺ ഇന്ത്യ സ്മോൾ ക്യാപ് ഫണ്ട് നൽകിയ നേട്ടം. അതേ സമയം 5 വർഷത്തെ ചരിത്രമെടുത്താൽ നേട്ടം 29.15 ശതമാനവും.

വാല്യൂ റിസർച്ച് ഫണ്ട് റേറ്റിംഗ്: *****
അറ്റ ​​ആസ്തികൾ: 45894.01 കോടി രൂപ
ചെലവ് അനുപാതം: 1.52%

2. ടാറ്റ സ്മോൾ ക്യാപ് ഫണ്ട് - റെഗുലർ പ്ലാൻ

3.13 ശതമാനം വരുമാനമാണ് കഴിഞ്ഞ മൂന്ന് മാസത്തിനിടെ ടാറ്റ സ്മോൾ ക്യാപ് ഫണ്ട് - റെഗുലർ പ്ലാൻ നിക്ഷേപകർക്ക് നൽകിയത്. 6 മാസത്തിനിടെ 9.76 ശതമാനവും 1 വർഷത്തിനിടെ 36.12 ശതമാനം നേട്ടവും ഫണ്ട് നൽകിയിട്ടുണ്ട്.

28.62 ശതമാനമാണ് 3 വർഷത്തിനിടയിലെ വരുമാനം. അതേ സമയം 5 വർഷത്തിനിടെ 25.72 ശതമാനം നേട്ടവും ടാറ്റ സ്മോൾ ക്യാപ് ഫണ്ട് - റെഗുലർ പ്ലാൻ നിക്ഷേപകർക്ക് നൽകിയിട്ടുണ്ട്.

വാല്യു റിസർച്ച് ഫണ്ട് റേറ്റിംഗ്: ****
അറ്റ ​​ആസ്തികൾ: 6125.33 കോടി രൂപ
ചെലവ് അനുപാതം: 1.76%

3. ഐസിഐസിഐ പ്രുഡൻഷ്യൽ സ്‌മോൾക്യാപ് ഫണ്ട്

3 മാസത്തിനിടെ 4.35 ശതമാനത്തിന്‍റെ വളർച്ചയാണ് ഐസിഐസിഐ പ്രുഡൻഷ്യൽ സ്‌മോൾക്യാപ് ഫണ്ട് നേടിയത്. 6 മാസത്തിനിടയിലെ വളർച്ച 9.95 ശതമാനവും ഒരു വർഷത്തിനിടയിൽ വളർന്നത് 41.48 ശതമാനവുമാണ്.

3 വർഷത്തിനിടെ 25 ശതമാനം വരുമാനം ഫണ്ട് നിക്ഷേപകർക്ക് നൽകിയിട്ടുണ്ട്. 25.34 ശതമാനമാണ് 5 വർഷത്തിനിടയിലെ നേട്ടം.

മൂല്യ ഗവേഷണ ഫണ്ട് റേറ്റിംഗ്: ****
അറ്റ ​​ആസ്തികൾ: 7455.41 കോടി രൂപ
ചെലവ് അനുപാതം: 1.76%

4. എഡൽവീസ് സ്മോൾ ക്യാപ് ഫണ്ട് - റെഗുലർ പ്ലാൻ

മൂന്ന് മാസത്തിനിടെ 3.91 ശതമാനം വരുമാനമാണ് എഡൽവീസ് സ്മോൾ ക്യാപ് ഫണ്ട് നിക്ഷേപകന് നൽകിയത്. 6 മാസത്തെ വരുമാനം 11.72 ശതമാനമാണ്. അതേ സമയം 1 വർഷത്തിനിടെ 44.83 ശതമാനം നേട്ടമുണ്ടാക്കാൻ ഫണ്ടിന് സാധിച്ചിട്ടുണ്ട്.

3 വർഷത്തിനിടെ 26.87 ശതമാനവും 5 വർഷത്തിനിടെ 27.75 ശതമാനവും വരുമാനം ഫണ്ട് നിക്ഷേപകന് നൽകി.

മൂല്യം റിസർച്ച് ഫണ്ട് റേറ്റിംഗ്: ****
ചെലവ് അനുപാതം: 1.89%

5. ആക്സിസ് സ്മോൾ ക്യാപ് ഫണ്ട് - റെഗുലർ പ്ലാൻ

3.18 ശതമാനം വരുമാനമാണ് ആക്സിസ് സ്മോൾ ക്യാപ് ഫണ്ട് - റെഗുലർ പ്ലാൻ കഴിഞ്ഞ 3 മാസത്തിനിടെ നിക്ഷേപകന് നൽകിയത്. 11 ശതമാനമാണ് ആറ് മാസത്തിനിടയിലെ വളർച്ച. 1 വർഷത്തിനിടെ 37.25 ശതമാനം വളർച്ച നേടാനും ഫണ്ടിന് സാധിച്ചു.

3 വർഷത്തിനിടെ 26.11 ശതമാനം നേട്ടമാണ് ആക്സിസ് സ്മോൾ ക്യാപ് ഫണ്ട് - റെഗുലർ പ്ലാൻ നേടിയത്. അതേ സമയം 26.25 ശതമാനമാണ് 5 വർഷത്തെ നേട്ടം.

മൂല്യം റിസർച്ച് ഫണ്ട് റേറ്റിംഗ്: *****
അറ്റ ​​ആസ്തികൾ: 19530.69 കോടി രൂപ
ചെലവ് അനുപാതം: 1.64%

ഹ്രസ്വകാലനേട്ടം പരിഗണിച്ച് നിക്ഷേപിക്കരുത്

മാർക്കറ്റ് ക്യാപിറ്റലൈസേഷൻ അനുസരിച്ച് എക്സ്ചേഞ്ചിലെ മികച്ച 250 സ്റ്റോക്കുകളിൽ താഴെയുള്ള കമ്പനികളിലാണ് നിക്ഷേപിക്കുന്നതാണ് സ്മോൾ ക്യാപ് ഫണ്ടുകൾ എന്ന് നിങ്ങൾക്കറിയാമല്ലോ. ഉയർന്ന വരുമാനം നൽകാൻ സ്മോൾ ക്യാപ് മ്യൂച്വൽ ഫണ്ടുകൾക്ക് സാധിക്കും.

സ്വഭാവമനുസരിച്ച് സ്‌മോൾ ക്യാപ് ഫണ്ടുകൽ അതീവ നഷ്ടസാധ്യതയുള്ളവയാണ്. വിപണി താഴുമ്പോൾ കുത്തനെ ഇടിയുകയും ഉയരുമ്പോൾ കുതിക്കുകയുംചെയ്യുന്ന സ്വഭാവം ഇവയ്ക്കുണ്ട്. അതുകൊണ്ടുതന്നെ ഹ്രസ്വകാലനേട്ടം പരിഗണിച്ച് നിക്ഷേപം നടത്തരുത്. അതേസമയം, ദീർഘകാലയളവിലെ നിക്ഷേപമാണെങ്കിൽ മികച്ച ആദായവും പ്രതീക്ഷിക്കാം.

അതോടൊപ്പം ഏതെങ്കിലും ഒരു ഫണ്ടിൽ മാത്രമായി നിക്ഷേപം ചുരുക്കാതെ മറ്റ് വിഭാ​ഗങ്ങളെ കൂടി ഉൾപ്പെടുത്തി നിക്ഷേപം വൈവിധ്യവത്കരിക്കുന്നത്, മൊത്തം റിസ്ക് സാധ്യത കുറയ്ക്കാനും നേട്ടം വർധിപ്പിക്കാനും ഉപകരിക്കുമെന്നത് കൂടി ഓർക്കുന്നത് നല്ലതാണ്.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.