1 ലക്ഷത്തിന് 95,000 രൂപ പലിശ കിട്ടും, സമ്പാദ്യം വളർത്താൻ ഇത് തന്നെയാണ് നല്ലത്, എന്താ നോക്കുന്നോ..?

ഭാവി ജീവിതം സുഖകരമാക്കണമെങ്കിൽ സാമ്പത്തിക നിക്ഷേപം കൂടിയേ തീരു. കാരണം അനുദിനം ചിലവുകൾ വർദ്ധിച്ച് വരികയാണ്. അതുകൊണ്ടുതന്നെ എത്ര നേരത്തെ നിക്ഷേപം ആരംഭിക്കുന്നോ അത്രയും നല്ലതാണ്. ഏത് നിക്ഷേപം തിരഞ്ഞെടുക്കണം എന്ന ആശങ്കയുണ്ടെങ്കിൽ മ്യൂച്വൽ ഫണ്ടുകൾ പരീക്ഷിക്കാവുന്നതാണ്. കാരണം എസ്ഐപി വഴി മ്യൂച്വൽ ഫണ്ടുകളിൽ നിക്ഷേപിക്കാൻ ചെറിയ തുക മാത്രമേ ആവശ്യമുള്ളു. അതോടൊപ്പം വരുമാനം വർദ്ധിക്കുന്നതിന് അനുസരിച്ച് നിക്ഷേപവും വർദ്ധിപ്പിക്കാം.

മിഡ്-ക്യാപ് മ്യൂച്വൽ ഫണ്ടുകൾ

ആസ്തിയുടെ കുറഞ്ഞത് 65% മിഡ്-ക്യാപ് സ്റ്റോക്കുകളിൽ നിക്ഷേപിക്കാൻ നിർബന്ധിതമായ സ്കീമുകളെയാണ് മിഡ്-ക്യാപ് മ്യൂച്വൽ ഫണ്ടുകൾ എന്ന് വിളിക്കുന്നത്. കഴിഞ്ഞ മൂന്ന് വർഷത്തിനുള്ളിൽ 25% ൽ കൂടുതൽ വാർഷിക നേരിട്ടുള്ള വരുമാനം നൽകിയ അര ഡസനോളം ഫണ്ടുകൾ ഫണ്ടുകൾ ഉണ്ട്. മൂന്ന് വർഷത്തിനുള്ളിൽ 25% വാർഷിക വരുമാനം എന്നത് കൊണ്ട് അർത്ഥമാക്കുന്നത് മൂന്ന് വർഷം മുമ്പ് 1 ലക്ഷം നിക്ഷേപിച്ചിരുന്നത് ഇപ്പോൾ 1.95 ലക്ഷമായി വളരുമായിരുന്നു എന്നാണ്. കഴിഞ്ഞ മൂന്ന് വർഷത്തിനിടെ 25%-ത്തിലധികം വാർഷിക വരുമാനം നൽകിയ മിഡ്-ക്യാപ് മ്യൂച്വൽ ഫണ്ടുകൾ ഏതൊക്കെയാണെന്ന് നോക്കാം.

1. ഇൻവെസ്കോ ഇന്ത്യ മിഡ് ക്യാപ് ഫണ്ട് - 27.84%
2. എഡൽവീസ് മിഡ് ക്യാപ് ഫണ്ട് - 25.90%
3. എച്ച്ഡിഎഫ്സി മിഡ് ക്യാപ് ഫണ്ട് - 25.66%
4. ജെഎം മിഡ് ക്യാപ് ഫണ്ട് - 26.06%
5. മോത്തിലാൽ ഓസ്വാൾ മിഡ് ക്യാപ് ഫണ്ട് - 26.22%
6. വൈറ്റ്ഓക്ക് ക്യാപിറ്റൽ മിഡ് ക്യാപ് ഫണ്ട് - 26.89%

മുകളിലുള്ള പട്ടികയിൽ കാണിച്ചിരിക്കുന്നതുപോലെ, ഏറ്റവും മികച്ച പ്രകടനം കാഴ്ചവയ്ക്കുന്ന മിഡ്-ക്യാപ് ഫണ്ടുകൾ ഇൻവെസ്കോ ഇന്ത്യ മിഡ് ക്യാപ് ഫണ്ടും എഡൽവീസ് മിഡ് ക്യാപ് ഫണ്ടുമാണ് . മറ്റ് മികച്ച പ്രകടനം കാഴ്ചവയ്ക്കുന്ന മിഡ്-ക്യാപ് ഫണ്ടുകളിൽ എച്ച്.ഡി.എഫ്.സി മിഡ് ക്യാപ് ഫണ്ടും ജെഎം മിഡ് ക്യാപ് ഫണ്ടും ഉൾപ്പെടുന്നു.

റിസ്കും വരുമാനവും

ലാർജ്-ക്യാപ് ഫണ്ടുകളെ അപേക്ഷിച്ച് മിഡ്-ക്യാപ് ഫണ്ടുകളിൽ റിസ്ക് അല്പം കൂടുതലാണ്. കാരണം, വലിയ കമ്പനികളേക്കാൾ വിപണിയിലെ ചാഞ്ചാട്ടങ്ങൾ ഇടത്തരം കമ്പനികളുടെ പ്രകടനത്തെ വേഗത്തിൽ ബാധിച്ചേക്കാം. എന്നാൽ, ദീർഘകാലാടിസ്ഥാനത്തിൽ ലാർജ്-ക്യാപ് ഫണ്ടുകളേക്കാൾ ഉയർന്ന വരുമാനം നൽകാനുള്ള സാധ്യതയുമുണ്ട്.

അതോടൊപ്പം നിക്ഷേപകർക്ക് അവരുടെ പോർട്ട്‌ഫോളിയോ വൈവിധ്യവൽക്കരിക്കാനും, വളർച്ച സാധ്യതയുള്ള കമ്പനികളുടെ പ്രയോജനം നേടാനും മിഡ്-ക്യാപ് ഫണ്ടുകൾ സഹായിക്കുന്നു.

ശ്രദ്ധിക്കേണ്ട കാര്യങ്ങൾ

മുൻകാല പ്രകടനം ഫണ്ടിന്റെ ഭാവി പ്രകടനത്തിന്‍റെ സ്വഭാവം നിർണ്ണയിച്ചേക്കാം. പക്ഷേ അത് ഉറപ്പുനൽകുന്നില്ല എന്നത് പ്രത്യേകം പറയേണ്ടതില്ലല്ലോ. അതായത് ഒരു സ്കീം മുൻകാലങ്ങളിൽ മികച്ച പ്രകടനം കാഴ്ചവച്ചു എന്നതുകൊണ്ട് ഭാവിയിലും അത് അസാധാരണമായ പ്രകടനം കാഴ്ചവയ്ക്കുമെന്ന് അർത്ഥമാക്കുന്നില്ല. അതുകൊണ്ടുതന്നെ നിക്ഷേപം നടത്തുന്നത് മുൻപ് ഫണ്ടിന്‍റെ മുഴുവൻ വിവരങ്ങളും പരിശോധിക്കണം.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.