Just In
-
-
-
-
Don't Miss
-
മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര് -
ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര് -
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഇന്ത്യൻ റെയിൽവേ ട്രെയിൻ ടിക്കറ്റ് നിരക്ക് വർദ്ധിപ്പിച്ചു. പുതുവത്സരാഘോഷങ്ങൾക്കിടെ ഇന്നലെ വൈകുന്നേരമാണ് റെയിൽവേ മന്ത്രി പീയൂഷ് ഗോയൽ ട്രെയിൻ ടിക്കറ്റ് നിരക്ക് വർദ്ധനവ് പ്രഖ്യാപിച്ചത്. ഇന്ത്യൻ റെയിൽവേ 2020 ജനുവരി 1 മുതൽ പ്രാബല്യത്തിൽ വരുന്ന പാസഞ്ചർ ട്രെയിനുകളിലും നിരക്ക് വർദ്ധിപ്പിച്ചു. മുൻകൂട്ടി ടിക്കറ്റ് ബുക്ക് ചെയ്തവർക്ക് ഇളവ് അനുവദിച്ചിട്ടുണ്ട്. ഇവർ പുതിയ നിരക്ക് അനുസരിച്ച് തുക അധികമായി നൽകേണ്ട ആവശ്യമില്ല. എന്നാൽ ഇന്നലെ അർദ്ധരാത്രി മുതൽ ടിക്കറ്റ് ബുക്ക് ചെയ്യുന്നവർക്ക് പുതിയ നിരക്ക് ബാധകമാകും.
നിരക്ക് വർദ്ധനവ്
റെയിൽവേ നിരക്ക് യുക്തിസഹമാക്കേണ്ടതിന്റെ ആവശ്യകതയെക്കുറിച്ച് റെയിൽവേ ബോർഡ് ചെയർമാൻ വി.കെ യാദവ് അടുത്തിടെ സൂചനകൾ നൽകിയിരുന്നു. ഇന്ത്യൻ റെയിൽവേ നിരക്ക് വർദ്ധനവ് നാമമാത്രമാണെന്നാണ് വിശേഷിപ്പിച്ചിരിക്കുന്നത്. കാരണം എസി ക്ലാസ് റെയിൽവേ യാത്രയ്ക്ക് കിലോമീറ്ററിന് 4 പൈസയാണ് പരമാവധി വർദ്ധിക്കുക. സാധാരണ സബർബൻ ഇതര ക്ലാസുകൾക്ക് ഒരു പൈസയും (സെക്കൻഡ് ക്ലാസ്, സ്ലീപ്പർ ക്ലാസ്, ഫസ്റ്റ് ക്ലാസ്), നോൺ എസി ക്ലാസിലെ മെയിൽ / എക്സ്പ്രസ് ട്രെയിനുകൾക്ക് 2 പൈസയുമാണ് കിലോമീറ്ററിന് നിരക്ക് വർദ്ധനവ് (സെക്കൻഡ് ക്ലാസ് മെയിൽ / എക്സ്പ്രസ്, സ്ലീപ്പർ ക്ലാസ് മെയിൽ / എക്സ്പ്രസ്, ഫസ്റ്റ് ക്ലാസ് മെയിൽ / എക്സ്പ്രസ്).
മാറ്റമില്ല
സൂപ്പർഫാസ്റ്റ് ചാർജ്, റിസർവേഷൻ ഫീസ് എന്നിവയ്ക്കുള്ള നിരക്കുകളിൽ മാറ്റമുണ്ടാകില്ല. ബാധകമായ ജിഎസ്ടി ഈടാക്കും. സബ് അർബൻ ട്രെയിനുകളുടെ യാത്രാ നിരക്ക് വർദ്ധിപ്പിച്ചിട്ടില്ല. പുതുക്കിയ താരിഫ് ചാർട്ടുകൾ 2020 ജനുവരി 1 മുതൽ പ്രാബല്യത്തിൽ വരികയും റെയിൽവേ സ്റ്റേഷനുകളിൽ പ്രദർശിപ്പിക്കുകയും ചെയ്യും.
നിരക്ക് വർദ്ധനവ് ഉദാഹരണ സഹിതം
ലളിതമായി പറഞ്ഞാൽ പാസഞ്ചർ ട്രെയിനുകളുടെ അടിസ്ഥാന നിരക്ക് വർധിപ്പിച്ചത് അനുസരിച്ച്, ഒരു യാത്രക്കാരൻ ശതാബ്ദി എക്സ്പ്രസ് ട്രെയിനിൽ 500 കിലോമീറ്റർ ദൈർഘ്യമുള്ള യാത്ര നടത്തുകയാണെങ്കിൽ, ടിക്കറ്റ് നിരക്കിന്റെ വർദ്ധനവ് (ബാധകമായ ജിഎസ്ടി ഉൾപ്പെടെ): 4 പൈസ * 500 = 20.00 രൂപയാണ്.
നിരക്കുകൾ പുതുക്കും
വന്ദേ ഭാരത്, ഹംസഫർ എക്സ്പ്രസ്, രാജധാനി എക്സ്പ്രസ്, ഡുറോന്റോ, ശതാബ്ദി എക്സ്പ്രസ്, മഹാമന, അന്ത്യോദയ എക്സ്പ്രസ്, ഗരിബ് രത്ത്, രാജ്യ റാണി, ജൻ ശതാബ്ദി, സുവിധ, യുവ, എന്നീ പ്രത്യേക ട്രെയിനുകളുടെ നിലവിലെ നിരക്കുകൾ പുതുക്കുമെന്നും ഇന്ത്യൻ റെയിൽവേ അറിയിച്ചു.
നിരക്ക് വർദ്ധിപ്പിക്കാൻ കാരണം
ഇന്ത്യൻ റെയിൽവേ അവസാനമായി യാത്രക്കാരുടെ നിരക്ക് പുതുക്കിയത് 2014-15 ലാണ്. ഏഴാം ശമ്പള കമ്മീഷൻ വർദ്ധനവും ആധുനിക യാത്രക്കാരുടെ സൌകര്യങ്ങളും വർദ്ധിപ്പിച്ചതോടെ നിരക്ക് യുക്തിസഹമാക്കുന്നതിന് അത്യാവശ്യമായി മാറിയെന്ന് ഇന്ത്യൻ റെയിൽവേ അറിയിച്ചു. നിരക്ക് വർദ്ധനവിൽ നിന്നുള്ള വരുമാനം ഇന്ത്യൻ റെയിൽ‌വേയുടെ അടിസ്ഥാന സൌകര്യങ്ങളും സേവനങ്ങളും വേഗത്തിൽ പരിഷ്കരിക്കാൻ സഹായിക്കുമെന്നും റെയിൽവേ വകുപ്പ് പറഞ്ഞു.
