കൊവിഡ് 19 ഭീതി ; 5,000 ജീവനക്കാരോട് വിട്ടിലിരുന്ന് ജോലി ചെയ്യാന്‍ നിര്‍ദേശിച്ച് ട്വിറ്റര്‍

കൊവിഡ് 19 വ്യാപിക്കുന്നതിന്റെ പശ്ചാത്തലത്തില്‍, ആഗോളതലത്തില്‍ തങ്ങളുടെ 5,000 ജീവനക്കാരെ വീട്ടിലിരുന്ന് ജോലി ചെയ്യുന്നതിന് ട്വിറ്റര്‍ പ്രോത്സാഹിപ്പിക്കുന്നതായി കമ്പനി വൃത്തങ്ങള്‍ അറിയിച്ചു. ഒരു ബ്ലോഗ് അപ്‌ഡേറ്റിലൂടെയാണ് ഈ വിവരം കമ്പനി അറിയിച്ചത്. ഈ മാസം അവസാനം ടെക്‌സസിലെ ഓസ്റ്റിനില്‍ നടക്കാനിരുന്ന ദക്ഷിണ-പശ്ചിമ കോണ്‍ഫറന്‍സില്‍ നിന്ന് കമ്പനി ദക്ഷിണ മേഖലയെ പിന്‍വലിച്ചിരുന്നു. മാത്രമല്ല, സുപ്രധാനമല്ലാത്ത യാത്രകളും ഒഴിവാക്കാന്‍ ജീവനക്കാരോട് കമ്പനി ആവശ്യപ്പെട്ടിട്ടുണ്ട്.

ഹോങ്കോങ്, ജപ്പാന്‍, ദക്ഷിണ കൊറിയ എന്നീ രാജ്യങ്ങളിലെ ജീവനക്കാരോടാണ് വീട്ടിലിരുന്ന് ജോലി ചെയ്യുന്ന രീതി തെരഞ്ഞെടുക്കാന്‍ ട്വിറ്റര്‍ ആവശ്യപ്പെട്ടത്. കൊവിഡ് 19 വ്യാപനത്തിന്റെ പശ്ചാത്തലത്തിലാണിത്. മറ്റു ഓഫീസുകളെല്ലാം സാധാരണ രീതിയില്‍ പ്രവര്‍ത്തിക്കുമെന്നും കമ്പനി അറിയിച്ചു. അമേരിക്കയിലെ പ്രമുഖ കമ്പനികളായ AT&T Inc, സിറ്റി ഗ്രൂപ്പ് എന്നിവര്‍ രാജ്യാന്തര യാത്രകളൊഴിവാക്കാന്‍ ജോലിക്കാരോട് നിര്‍ദേശിച്ചിട്ടുണ്ട്, പ്രത്യേകിച്ച് ഏഷ്യയിലേക്ക്. ഫെയ്‌സ്ബുക്ക്, ഗൂഗിള്‍ തുടങ്ങിയവര്‍ യുഎസിലെ കോണ്‍ഫറന്‍സുകള്‍ റദ്ദാക്കുകയോ മാറ്റിവെക്കുകയോ ചെയ്തിട്ടുണ്ട്. മാത്രമല്ല, ദക്ഷിണ-പശ്ചിമ കോണ്‍ഫറന്‍സില്‍ നിന്ന് ഗൂഗിള്‍ ദക്ഷിണ മേഖലയെ പിന്‍വലിച്ചു.

ഏഷ്യന്‍ മേഖലയില്‍ വൈറസ് വ്യാപനം നിയന്ത്രണത്തിലാവുന്ന വരെ ട്വിറ്റര്‍ ഈ രീതി തുടരുമെന്നാണ് പ്രതീക്ഷ. ട്വിറ്റര്‍ സിഇഒ ജാക്ക് ഡോര്‍സി റിമോട്ട് വര്‍ക്കിന്റെ വലിയ വക്താവാണ്. 2020 ല്‍ ആഫ്രിക്കയില്‍ നിന്ന് ആറുമാസം വരെ ജോലി ചെയ്യാനുള്ള പദ്ധതികള്‍ വരെ ഇദ്ദേഹം പ്രഖ്യാപിച്ചിട്ടുണ്ട്. കമ്പനിയെ സംബന്ധിച്ചിടത്തോളം ഇത് വലിയൊരു മാറ്റമാണെന്നും കമ്പനിയുടെ തൊഴില്‍ മേഖല വിദൂരതയിലേക്ക് നീങ്ങുമ്പോഴും വളരുകയാണെന്നും ട്വിറ്റര്‍ എഴുതി. ഡോര്‍സി നയിക്കുന്ന മറ്റൊരു പൊതു കമ്പനിയായ Square Inc. -യും ജീവനക്കാരോട് വീട്ടിലിരുന്ന് ജോലി ചെയ്യുന്ന രീതി സ്വീകരിക്കണമെന്ന് നിര്‍ദേശിച്ചിട്ടുണ്ട്. കമ്പനി തീരുമാനത്തെ പ്രശംസിച്ചുകൊണ്ട് ട്വിറ്റര്‍ ജീവനക്കാര്‍ ട്വീറ്റ് ചെയ്തിട്ടുണ്ട്. ജീവനക്കാരുടെ ആരോഗ്യത്തിന് മുന്‍ഗണന നല്‍കിയ സിഇഒ ഡോര്‍സിയ്ക്കും അഭിനന്ദന പ്രവാഹമാണ്. #webackjack എന്ന ഹാഷ്ടാഗുമായി നിരവധി പേരാണ് ട്വീറ്റ് ചെയ്തത്.