രണ്ട് ദിവസമായി വില മാറ്റമില്ലാതെ തുടർന്ന സ്വർണ വിപണിയിൽ ഇന്ന് വില വീണ്ടും താഴേയ്ക്ക്. പവന് 160 രൂപയാണ് ഇന്ന് വർദ്ധിച്ചിരിക്കുന്നത്. ഒരു പവന്റെ ഇന്നത്തെ വില 28360 രൂപയാണ്. ഗ്രാമിന് 3545 രൂപയാണ് നിരക്ക്. കഴിഞ്ഞ മൂന്ന് ദിവസമായി പവന് 28520 രൂപയായിരുന്നു സ്വർണത്തിന്റെ വില.
എംസിഎക്സിൽ ഇടിവ്
എംസിഎക്സിൽ സ്വർണ്ണ ഫ്യൂച്ചർ കരാറുകളുടെ വില തുടർച്ചയായി മൂന്ന് ദിവസമായി ഇടിവ് രേഖപ്പെടുത്തി. 0.51 ശതമാനം ഇടിഞ്ഞ് 37,960 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. വെള്ളി വിലയും ഇടിഞ്ഞു. എംസിഎക്സിൽ വെള്ളി വില 0.36 ശതമാനം ഇടിഞ്ഞ് കിലോയ്ക്ക് 44,657 രൂപയിലെത്തി.
രണ്ട് മാസത്തിനിടെ സ്വർണത്തിന് കുറഞ്ഞത് 2000 രൂപ, ഇടിവിന് കാരണമെന്ത്?
ആഗോള വിപണി
ആഗോള വിപണിയിൽ സ്വർണ വില ഇന്ന് ഔൺസിന് 1468.6 ആയി കുറഞ്ഞു. ഇന്നലെ സ്വർണ വില രണ്ടാഴ്ചത്തെ ഏറ്റവും ഉയർന്ന നിരക്കായ 1,478.80 ഡോളറിലെത്തിയിരുന്നു. ഹോങ്കോംഗ് പ്രക്ഷോഭകരെ പിന്തുണയ്ക്കുന്ന നിയമനിർമ്മാണം യുഎസ് നിയമനിർമ്മാതാക്കൾ പാസാക്കിയതിനെത്തുടർന്ന് യുഎസ്-ചൈന വ്യാപാര ഇടപാട് വൈകിയേക്കാമെന്ന ആശങ്കയെത്തുടർന്നാണ് ഇന്നലെ വില കുത്തനെ ഉയർന്നത്.
വിദേശത്ത് നിന്ന് ഇന്ത്യയിലേയ്ക്ക് ഒരാൾക്ക് എത്ര സ്വർണം കൊണ്ടുവരാനാകും? പിടി വീഴുന്നത് എപ്പോൾ?
വിലയിലെ വർദ്ധനവ്
രാഷ്ട്രീയവും സാമ്പത്തികവുമായ അനിശ്ചിതത്വത്തിൽ സുരക്ഷിത നിക്ഷേപമായി കണക്കാക്കപ്പെടുന്നതിനാൽ സ്വർണ്ണ വില ആഗോള വിപണികളിൽ ഈ വർഷം 14 ശതമാനം വർദ്ധിച്ചു. ഇന്ത്യയിൽ ഇറക്കുമതി തീരുവ വർദ്ധനവും യുഎസ് ഡോളറിനെതിരായ രൂപയുടെ മൂല്യത്തകർച്ചയും കാരണം വില 20 ശതമാനത്തിലധികം ഉയർന്നു.
ജ്വല്ലറികളിലെ സ്വർണ നിക്ഷേപ പദ്ധതികളിൽ ചേർന്നിട്ടുള്ളവർ സൂക്ഷിക്കുക, തട്ടിപ്പുകൾ ഇങ്ങനെ