രണ്ട് ദിവസത്തിന് ശേഷം കേരളത്തിൽ സ്വർണ വിലയിൽ വീണ്ടും ഇടിവ്

സംസ്ഥാനത്ത് കഴിഞ്ഞ രണ്ട് ദിവസമായി വില മാറ്റമില്ലാതിരുന്ന സ്വർണ വിപണിയിൽ ഇന്ന് വീണ്ടും ഇടിവ്. പവന് 120 രൂപ കുറഞ്ഞ് 28320 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 3540 രൂപയാണ് ഇന്നത്തെ നിരക്ക്. കഴിഞ്ഞ മൂന്ന് ദിവസമായി 28440 രൂപയായിരുന്നു സ്വർണത്തിന്റെ വില.

നവംബർ ഒന്നിനാണ് ഈ മാസത്തെ ഏറ്റവും ഉയർന്ന വില സ്വർണത്തിന് രേഖപ്പെടുത്തിയത്. പവന് 28,800 രൂപയാണ് ഈ മാസത്തെ ഏറ്റവും ഉയർന്ന നിരക്ക്. നവംബർ 2,3 തിയതികളിലും ഇതേ നിരക്കിലായിരുന്നു സ്വർണ വ്യാപാരം നടന്നത്. നവംബറിലെ ഏറ്റവും കുറഞ്ഞ വില നവംബർ 12ന് രേഖപ്പെടുത്തിയ 28200 രൂപയാണ്.

രണ്ട് ദിവസത്തിന് ശേഷം കേരളത്തിൽ സ്വർണ വിലയിൽ വീണ്ടും ഇടിവ്

കഴിഞ്ഞ രണ്ട് മാസത്തിനിടെ ആഗോള വിപണിയിൽ വില കുത്തനെ ഇടിഞ്ഞിട്ടുണ്ട്. സെപ്റ്റംബർ തുടക്കത്തിൽ സ്വർണം ആറ് വർഷത്തെ ഏറ്റവും ഉയർന്ന നിരക്കായ 1,550 ഡോളർ രേഖപ്പെടുത്തിയിരുന്നു. എന്നാൽ ഇപ്പോൾ സ്വർണ വില കുത്തനെ താഴേയ്ക്ക് കുറഞ്ഞു കൊണ്ടിരിക്കുകയാണ്. ഔണ്‍സിന് 1,467.85 ഡോളർ എന്ന നിലവാരത്തിലാണ് ഇന്ന് വ്യാപാരം നടക്കുന്നത്. ഒരു ഗ്രാം സ്വര്‍ണത്തിനു 47.19 ഡോളറും ഒരു കിലോഗ്രാം സ്വര്‍ണത്തിനു 47,192.47 ഡോളറുമാണ് ഇന്നത്തെ വില.

സംസ്ഥാനത്ത് വെള്ളി വിലയിൽ ഇന്ന് നേരിയ വർധനവുണ്ടായിട്ടുണ്ട്. ഗ്രാമിന് 48.20 രൂപ എന്ന നിലവാരത്തിലാണ് ഇന്ന് വ്യാപാരം നടക്കുന്നത്. എട്ടു ഗ്രാം വെള്ളിയ്ക്ക് 385.60 രൂപയും ഒരു കിലോഗ്രാം വെള്ളിയ്ക്ക് 48,200 രൂപയുമാണ് ഇന്നത്തെ വില. വെള്ളി വിലയും കഴിഞ്ഞ രണ്ട് മാസമായി കുത്തനെ താഴേയ്ക്ക് പോകുകയാണ്.