കോളേജ് ബിരുദധാരികളിൽ മൂന്നിൽ രണ്ട് പേർക്കും ജോലി ഇല്ല

ക്യാമ്പസ് ബിരുദധാരികളിൽ 66% പേർക്കും പഠനം പൂർത്തിയാകുമ്പോൾ കൈയിൽ ഒരു ജോലി ഇല്ലെന്ന് ജോബ് പോർട്ടലായ നൌക്കരി നടത്തിയ സർവേയിൽ പറയുന്നു. ഓഫർ കത്തുകൾ ലഭിച്ച മൂന്നിലൊന്ന് കോളേജ് പഠനം പൂർത്തിയാക്കിയവരിൽ 44% പേരും നിയമന തീയതി നീട്ടിയതായി സ്ഥിരീകരിച്ചു. 9% പേർക്ക് ലഭിച്ച ഓഫറുകൾ പിൻവലിച്ചതായും റിപ്പോർട്ടിൽ പറയുന്നു. 1,300 കോളേജ് വിദ്യാർത്ഥികളിൽ നൌക്കരി നടത്തിയ സർവേ റിപ്പോർട്ടാണിത്.

ഭൂരിഭാഗം വിദ്യാർത്ഥികളും ഓൺ‌ലൈൻ ജോബ് പോർട്ടലുകളിൽ ജോലി തിരയുമ്പോൾ 17% പേർ റഫറൽ റൂട്ട് തിരഞ്ഞെടുക്കുകയും അവരുടെ കോളേജ് പൂർവ്വ വിദ്യാർത്ഥികളുമായി ബന്ധപ്പെടുകയുമാണ് ചെയ്യുന്നത്. ചില വിദ്യാർത്ഥികൾ ഫ്രീലാൻ‌സിംഗും ഭാവിയിലെ ഒരു കരിയർ ഓപ്ഷനായി പരിഗണിക്കുന്നുണ്ടെന്നും സർവ്വേയിൽ പറയുന്നു.

കോളേജ് ബിരുദധാരികളിൽ മൂന്നിൽ രണ്ട് പേർക്കും ജോലി ഇല്ല

82% കോളേജുകളിലായി 2020 ബാച്ചിന്റെ പ്ലേസ്‌മെന്റ് സാധ്യതയെ മഹാമാരി ബാധിച്ചതായാണ് വിവരം. 74 ശതമാനം പ്രീ-ഫൈനൽ വിദ്യാർത്ഥികളുടെ ഇന്റേൺഷിപ്പ് ഓഫറുകളെ ഇത് കൂടുതൽ ബാധിച്ചു. കൂടാതെ, ഓൺലൈൻ കോഴ്സുകളും സർട്ടിഫിക്കേഷനുകളും ഫ്രെഷർമാരിൽ ആദ്യ ചോയിസാണ്. 70% കോളേജ് വിദ്യാർത്ഥികളും ഇതിനകം തന്നെ ഓൺലൈൻ കോഴ്സുകൾ സബ്‌സ്‌ക്രൈബുചെയ്‌തു. സർവേയിൽ പങ്കെടുത്ത 80% ബിരുദധാരികളുടെ ഉന്നത വിദ്യാഭ്യാസ പദ്ധതികളെയും നിലവിലെ സാഹചര്യം ബാധിച്ചിട്ടില്ല. പലരും വീഡിയോ അഭിമുഖങ്ങളിലൂടെയും ഓൺലൈൻ പരീക്ഷകളിലൂടെയും മറ്റുമാണ് ജോലി തേടുന്നത്. 

ജൂണ്‍ 21 -ന് അവസാനിച്ച ആഴ്ചയില്‍ തൊഴില്‍ സംഖ്യയില്‍ ഗണ്യമായ പുരോഗതിയുണ്ടായെങ്കിലും ഇതിന് പ്രധാന കാരണം ഗ്രാമീണ മേഖലയില്‍ തൊഴിലവസരങ്ങള്‍ വര്‍ദ്ധിക്കുന്നതാണെന്ന് സെന്റര്‍ ഫോര്‍ മോണിറ്ററിംഗ് ഇന്ത്യ ഇക്കണോമി വ്യക്തമാക്കിയിരുന്നു.