ഒന്നല്ല, ഒന്നൊന്നര ഭാഗ്യവാൻ, ഒറ്റ രാത്രിയിൽ നേടിയത് 225 കോടി രൂപ, ഭാഗ്യവാനെ വൈകാതെ അറിയാം

ഒറ്റ രാത്രികൊണ്ട് കോടികൾ സമ്പാദിക്കാൻ കഴിയുമോ..? എലോൺ മസ്ക്, മുകേഷ് അംബാനി, അദാനി, എംഎ യുസഫലി തുടങ്ങിയ ലോകത്തിലെ ഏറ്റവും വലിയ ബിസിനസുകാർക്ക് സാധിക്കുമെന്നായിരിക്കും നിങ്ങളുടെ ഉത്തരം. എന്നാൽ ഒറ്റ രാത്രികൊണ്ട് കോടികൾ സമ്പാദിക്കാൻ സാധാരണക്കാർക്ക് കഴിയുമോ..? കേരളാ ലോട്ടറി അടിച്ചാൽ മതി എന്നായിരിക്കും ഉത്തരം. ചോദ്യം കഴിഞ്ഞില്ല. 225 കോടി രൂപ സമ്പാദിക്കാൻ സാധിക്കുമോ.? അധികം ആലോചിക്കേണ്ട.. അതിന്‍റെ ഉത്തരവും സാധിക്കും എന്നുതന്നെയാണ്. എങ്ങനെ എന്ന ചോദ്യത്തിന്‍റെ ഉത്തരമാണ് യുഎഇ ലോട്ടറി.

ഒറ്റ രാത്രി, ലഭിച്ചത് 22 കോടി

ശനിയാഴ്ച നറുക്കെടുത്ത യുഎഇ ലോട്ടറിയിലാണ് ലോട്ടറി നറുക്കെടുപ്പിന്‍റെ ചരിത്രത്തിലെ ഏറ്റവും വലിയ വിജയി ഉണ്ടായത്. 100 മില്യൺ ദിർഹമാണ് വിജയിക്ക് ലഭിക്കുക. അതായത് ഏകദേശം 225 കോടി ഇന്ത്യൻ രൂപ. ടിക്കറ്റിലെ ഏഴ് അക്കങ്ങളും കൃത്യമായി ഒത്തുവന്നതോടെയാണ് ഒരു ഭാഗ്യശാലിക്ക് മുഴുവൻ സമ്മാനത്തുകയും സ്വന്തമായത്. സമ്മാനം പങ്കുവയ്ക്കേണ്ടിവന്നില്ല. മുഴുവൻ തുകയും വിജയിക്ക് സ്വന്തമായി ലഭിക്കുമെന്ന് യുഎഇ ലോട്ടറി അധികൃതർ ഔദ്യോഗികമായി അറിയിച്ചു.

വിജയം വന്ന വഴി

ഈ നറുക്കെടുപ്പിലെ 'ഡേയ്‌സ് സെറ്റി'ലെ വിജയിച്ച നമ്പറുകൾ ഇവയാണ്: 25, 18, 29, 11, 7, 10. 'മന്ത്‌സ് സെറ്റി'ലെ വിജയിച്ച നമ്പർ 11 ആണ്. ഗ്രാൻഡ് പ്രൈസ് സ്വന്തമാക്കാൻ 'ഡേയ്‌സ് സെറ്റി'ലെ ആറ് നമ്പറുകളും ഏത് ക്രമത്തിലും ഒപ്പം 'മന്ത്‌സ് സെറ്റി'ലെ ഒരൊറ്റ നമ്പരും കൃത്യമായും ഒത്തുവരണം. ഇത് ഇത്തവണ ഒത്തുവന്നു.
യുഎഇ ലോട്ടറി പ്രകാരം, ഏഴ് നമ്പറുകളും (6+1) നറുക്കെടുപ്പ് ഫലവുമായി പൊരുത്തപ്പെടുന്നെങ്കിൽ, വിജയിക്കുന്ന ടിക്കറ്റ് ഉടമ/ഉടമകൾ ജാക്ക്പോട്ട് നേടും. യുഎഇ ലോട്ടറി പ്രകാരം, ജാക്ക്പോട്ട് അടിക്കാനുള്ള സാധ്യത 8,835,372 ൽ 1 ആണ്.

ജാക്ക്പോട്ട് ലഭിച്ചത് ആർക്ക്..?

225 കോടി രൂപയുടെ ഉടമ ആരാണ് എന്നത് ഇതുവരെ വെളിപ്പെടുത്തിയിട്ടില്ല. യുഎഇയിൽ താമസിക്കുന്ന 18 വയസ്സിന് മുകളിലുള്ളവർക്ക് ടിക്കറ്റെടുക്കാം. വിജയിയുടെ ഐഡന്റിറ്റി പ്രഖ്യാപിക്കുന്നതിന് മുമ്പ് യുഎഇ ലോട്ടറി അനുസരണ പരിശോധനകളും സുരക്ഷാ പരിശോധനകളും നടത്തും. സമ്മാനത്തുകയ്ക്ക് യുഎഇ യിൽ വ്യക്തിഗത നികുതി ബാധകമല്ല. വിജയി എല്ലാ യോഗ്യതാ മാനദണ്ഡങ്ങളും പാലിക്കുന്നുണ്ടെങ്കിൽ 30 ദിവസത്തിനുള്ളിൽ തുക നൽകുന്നതാണ്.

ഏറ്റവും കുറഞ്ഞ തുക

ലക്കി ഡേ നറുക്കെടുപ്പിൽ പങ്കെടുക്കുന്നതിനുള്ള ഏറ്റവും കുറഞ്ഞ തുക 50 ദിർഹമാണ്. എല്ലാ വിജയിക്കുന്ന നമ്പറുകളുമായി പൊരുത്തപ്പെടുന്ന ടിക്കറ്റിന് മാത്രമേ ഗ്രാൻഡ് പ്രൈസ് അവകാശപ്പെടാൻ കഴിയൂ. അതായത് വിജയി ഒരു ടിക്കറ്റ് വാങ്ങിയാലും നിരവധി ടിക്കറ്റുകൾ വാങ്ങിയാലും, ഓരോ നമ്പറുമായി പൊരുത്തപ്പെടുന്ന ഒരു ടിക്കറ്റിന് മാത്രമേ 100 മില്യൺ ദിർഹത്തിന്റെ ജാക്ക്പോട്ട് ലഭിച്ചുള്ളൂ.

30 ദശലക്ഷം ദിർഹം

ഈ വർഷം ആദ്യം, 2025 ജനുവരിയിൽ, ബഹ്‌റൈനിൽ താമസിക്കുന്ന ഇന്ത്യൻ നഴ്‌സായ മനു മോഹനൻ 30 മില്യൺ ദിർഹത്തിന്റെ ബിഗ് ടിക്കറ്റിൽ വിജയിച്ചിരുന്നു. 16 സുഹൃത്തുക്കളോടൊപ്പം സമ്മാനം പങ്കിട്ട മനു അഞ്ച് വർഷത്തിലേറെയായി ടിക്കറ്റുകൾ വാങ്ങുകയായിരുന്നു. പ്രമോഷന്റെ ഭാഗമായി നൽകിയ സൗജന്യ ടിക്കറ്റുകളിൽ ഒന്നിൽ നിന്നാണ് അദ്ദേഹത്തിന് 535948 എന്ന നമ്പർ ലഭിച്ചത്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.