നഗരങ്ങളിലെ തൊഴിലില്ലായ്മ ജനുവരിയിൽ കുത്തനെ ഉയർന്നു

2020 ജനുവരിയിൽ ഇന്ത്യയിലെ തൊഴിലില്ലായ്മാ നിരക്ക് 7.16 ശതമാനമെന്ന് റിപ്പോർട്ടുകൾ. 2019 ഡിസംബറിൽ രേഖപ്പെടുത്തിയ 7.6 ശതമാനത്തിൽ നിന്ന് ഇത്തവണ ഇടിവ് രേഖപ്പെടുത്തിയിട്ടുണ്ടെന്ന് സെന്റർ ഫോർ മോണിറ്ററിംഗ് ഇന്ത്യൻ എക്കണോമി (സിഎംഐഇ) പുറത്തുവിട്ട കണക്കുകൾ വ്യക്തമാക്കുന്നു.

എന്നിരുന്നാലും, നഗരത്തിലെ തൊഴിലില്ലായ്മ നിരക്ക് 9.7 ശതമാനമായി ഉയർന്നു, ഇത് 2019 ഡിസംബറിൽ രേഖപ്പെടുത്തിയ 9 ശതമാനത്തിനേക്കാൾ കൂടുതലാണ്. 2020 ജനുവരിയിൽ അവസാനിച്ച 12 മാസത്തെ മൊത്തത്തിലുള്ള പ്രതിമാസ തൊഴിലില്ലായ്മാ നിരക്ക് 7.4 ശതമാനമാണ്.

നഗരങ്ങളിലെ തൊഴിലില്ലായ്മ ജനുവരിയിൽ കുത്തനെ ഉയർന്നു

തൊഴിലില്ലായ്മാ നിരക്ക് 2019 ഓഗസ്റ്റ്, ഒക്ടോബർ മാസങ്ങളിൽ എട്ട് ശതമാനത്തിന് മുകളിൽ എത്തിയിരുന്നു. എന്നാൽ ഒക്ടോബർ മുതൽ നിരക്ക് കുറയാൻ തുടങ്ങി. നിരക്ക് എട്ട് ശതമാനത്തിൽ താഴെയെത്തി. എന്നാൽ ഇത് 7 ശതമാനത്തിൽ കൂടുതലാണ്. തൊഴിലില്ലായ്മ 12 മാസ കാലയളവിലെ നിരക്ക് ഏകദേശം 7.4% ഉയർന്നതാണെങ്കിലും, 2017 പകുതി മുതൽ കണക്കാക്കുകമ്പോൾ തൊഴിലില്ലായ്മ നിരക്ക് അത്ര ഉയരത്തിലല്ല. ഗ്രാമീണ തൊഴിലില്ലായ്മാ നിരക്ക് 2019 ഒക്ടോബറിൽ 8 ശതമാനത്തിൽ നിന്ന് 2019 ഡിസംബറിൽ 6.9 ശതമാനമായും 2020 ജനുവരിയിൽ 6 ശതമാനമായും കുറഞ്ഞിട്ടുണ്ട്.

9.7% ആണ് ജനുവരിയിലെ നഗര തൊഴിലില്ലായ്മാ നിരക്ക്. 2019 ഓഗസ്റ്റിൽ ഏറ്റവും ഉയർന്ന നിരക്കായ 9.71% വരെ തൊഴിലില്ലായ്മ നിരക്ക് എത്തിയിരുന്നു. തൊഴിലില്ലായ്മാ നിരക്കിന്റെ പ്രതിമാസ വ്യതിയാനങ്ങളിൽ വർദ്ധനവുണ്ടായിട്ടുണ്ട്, അതോടൊപ്പം ഗ്രാമ-നഗര തൊഴിലില്ലായ്മാ നിരക്കുകൾ തമ്മിലുള്ള അന്തരം വർദ്ധിക്കുകയും ചെയ്തു.