Click it and Unblock the Notifications
കേന്ദ്ര ബജറ്റിന്റെ പശ്ചാത്തലത്തില് ഇന്ത്യന് ഓഹരി സൂചികകള് വന് മുന്നേറ്റം നടത്തുന്നു. ധനമന്ത്രി നിര്മല സീതാരാമന് ബജറ്റ് പ്രസംഗം പൂര്ത്തിയാക്കിയതിന് പിന്നാലെ സെന്സെക്സ്, നിഫ്റ്റി സൂചികകള് 3 ശതമാനത്തിലേറെ നേട്ടം കയ്യടക്കി. അടുത്ത സാമ്പത്തികവര്ഷം 5.54 ലക്ഷം കോടി രൂപ രാജ്യത്തിന്റെ ഉന്നമനത്തിനായി ചിലവിടുമെന്ന ധനമന്ത്രിയുടെ പ്രഖ്യാപനം ഓഹരി വിപണിക്ക് പുത്തനുണര്വാണ് നല്കിയത്.
2021-22 സാമ്പത്തികവര്ഷം പൊതുമേഖലാ കമ്പനികളിലെ ന്യൂനപക്ഷ ഓഹരികള് വിറ്റഴിച്ച് 1.75 ലക്ഷം കോടി രൂപ വരുമാനം കണ്ടെത്തുമെന്ന് ബജറ്റില് സര്ക്കാര് അറിയിച്ചു. നടപ്പു സാമ്പത്തികവര്ഷം രാജ്യത്തെ ധനക്കമ്മി മൊത്തം ആഭ്യന്തര ഉത്പാദനത്തിന്റെ 9.5 ശതമാനമെത്തുമെന്നും ധനമന്ത്രി ബജറ്റ് പ്രസംഗത്തില് സൂചിപ്പിച്ചു.
എന്തായാലും ബജറ്റ് പ്രസംഗത്തിന് പിന്നാലെ ബിഎസ്ഇ സെന്സെക്സ് സൂചിക 1,820 പോയിന്റാണ് കുതിച്ചുച്ചാടിയത്. ദിവസ വ്യാപാരത്തില് 48,382 പോയിന്റ് വരെ സെന്സെക്സ് നില മെച്ചപ്പെടുത്തി. വിശാല നിഫ്റ്റി ഫിഫ്റ്റി സൂചികയും നേട്ടത്തിലാണ് വ്യാപാരം തുടരുന്നത്. ഒരുഘട്ടത്തില് 14,200 പോയിന്റ് വരെ തൊടാന് നിഫ്റ്റിക്ക് സാധിച്ചു (നാലു ശതമാനം വര്ധനവ്).
സെന്സെക്സില് ഇന്ഡസ്ഇന്ഡ് ബാങ്കാണ് വലിയ മുന്നേറ്റം നടത്തിയത്. ഇന്ഡസ്ഇന്ഡ് ബാങ്ക് ഓഹരികള് 11 ശതമാനം വരെ നേട്ടം കുറിച്ചു. 10 ശതമാനം നേട്ടം കയ്യടക്കി ഐസിഐസിഐ ബാങ്ക് ഓഹരികളും വിപണിയുടെ ശ്രദ്ധയാകര്ഷിച്ചു. സ്റ്റേറ്റ് ബാങ്ക് ഓഫ് ഇന്ത്യ, മഹീന്ദ്ര ആന്ഡ് മഹീന്ദ്ര, എച്ച്ഡിഎഫ്സി ഓഹരികളും 6 ശതമാനത്തിന് മുകളിലാണ് നേട്ടം കുറിച്ചത്.
നിഫ്റ്റിയിലെ മേഖലാ സൂചികകള് പരിശോധിച്ചാല് നിഫ്റ്റി ഫാര്മ, നിഫ്റ്റി ബാങ്ക് സൂചികകള് 6 ശതമാനം വരെ ഉണര്വ് രേഖപ്പെടുത്തി. വിശാല ബിഎസ്ഇ മിഡ്ക്യാപ്, സ്മോള് ക്യാപ് സൂചികകളും തിങ്കളാഴ്ച്ചത്തെ ചിത്രം മോശമാക്കിയില്ല. മിഡ്ക്യാപ് സൂചിക 1.8 ശതമാനവും സ്മോള്ക്യാപ് സൂചിക 1.1 ശതമാനവും നേട്ടം സ്വന്തമാക്കി. കോവിഡ് പ്രതിസന്ധിയില് നിന്നും രാജ്യം കരകയറുകയാണെന്ന പ്രതീക്ഷയിന്മേലാണ് ഓഹരി വിപണി കുതിക്കുന്നത്. ഇതേസമയം, രാജ്യത്തിന്റെ കടമെടുക്കലും ധനക്കമ്മിയും കരുതിയതിലും ഏറെയാണെന്ന് ഇവിടെ പ്രത്യേകം സൂചിപ്പിക്കണം.
ഇത്തവണ ബജറ്റില് സ്വര്ണത്തിനും വെള്ളിയ്ക്കും ഇറക്കുമതി തീരുവ കുറച്ചതും വിപണിയെ അത്ഭുതപ്പെടുത്തിയിട്ടുണ്ട്. സ്വര്ണത്തിന് 7.5 ശതമാനവും വെള്ളിയ്ക്ക് 12.5 ശതമാനവും നികുതിയിളവാണ് കേന്ദ്രം പ്രഖ്യാപിച്ചത്. ധനമന്ത്രിയുടെ അറിയിപ്പിന് പിന്നാലെ എംസിഎക്സ് വിപണിയില് സ്വര്ണ ഫ്യൂച്ചറുകള് 3 ശതമാനത്തിലേറെ താഴോട്ടു പോയി.
More From GoodReturns
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
ബെംഗളൂരുവിലും മുംബൈയിലും ഹോട്ടലുകൾ താൽക്കാലിക അടച്ചുപൂട്ടലിലേക്ക്; മലയാളികളടക്കം ആശങ്കയിൽ
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
ബെംഗളൂരു മലയാളികളുടെ ശ്രദ്ധയ്ക്ക്, പെരിന്തല്മണ്ണ-ബെംഗളൂരു കെഎസ്ആര്ടിസി സര്വീസ്, സമയവും റൂട്ടും ഇതാ
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
എണ്ണ വിതരണത്തിൽ തലപുകച്ച് ഏഷ്യൻ രാജ്യങ്ങൾ, കടുത്ത നിയന്ത്രണവുമായി പാകിസ്ഥാൻ, സ്കൂളുകൾ അടച്ചു
Sign in with Google