കേന്ദ്ര ബജറ്റ് 2020: ആദായനികുതിയിൽ ഇളവ്, പ്രഖ്യാപനങ്ങൾ ഇങ്ങനെ

2020-21 സാമ്പത്തിക വര്‍ഷത്തേക്കുള്ള ബജറ്റ് അവതരണം ധനമന്ത്രി നിർമ്മല സീതാരാമൻ പൂർത്തിയാക്കി. പുതിയ നികുതിഘടന ഉൾപ്പെടെ നിരവധി പ്രഖ്യാപനങ്ങളുണ്ട് ധനമന്ത്രിയുടെ പുതിയ ബജറ്റിൽ. ഈ അവസരത്തില്‍ പാര്‍ലമെന്റ് ബജറ്റ് സമ്മേളനത്തില്‍ നിന്നുള്ള തത്സമയ വിവരങ്ങള്‍ ചുവടെ അറിയാം.

6:37 PM

Feb 1, 2020

സമ്മിശ്ര പ്രതികരണം നേടി ബജറ്റ്

ഇത്തവണത്തെ ബജറ്റ് ഏറെ പ്രത്യേകതയാര്‍ന്നതാണെന്ന് കര്‍ണാടക മുഖ്യമന്ത്രി സിഎം യെദ്യൂരപ്പ. ജനങ്ങള്‍ക്ക് മേല്‍ നികുതി ഭാരം സര്‍ക്കാര്‍ അടിച്ചേല്‍പ്പിച്ചില്ല. ഇതേസമയം, കൂടുതല്‍ സൗകര്യങ്ങളും അവസരങ്ങളും ഉറപ്പാക്കാന്‍ കേന്ദ്ര സര്‍ക്കാരിനായെന്ന് യെദ്യൂരപ്പ അഭിപ്രായപ്പെട്ടു. മറുഭാഗത്ത് ബജറ്റ് നിരാശജനകമെന്ന് പഞ്ചാബ് മുഖ്യമന്ത്രി അമരീന്ദര്‍ സിങ് പറഞ്ഞു. സമ്പദ്‌വ്യവസ്ഥ വീണ്ടെടുക്കാനുള്ള മാര്‍ഗ്ഗങ്ങള്‍ ബജറ്റിലില്ല. കര്‍ഷകരുടെ പ്രശ്‌നങ്ങളും തൊഴില്ലില്ലായ്മയും മുഖവിലയ്‌ക്കെടുത്തില്ല. പ്രതിരോധ മേഖലയ്ക്ക് ലഭിച്ച പരിഗണനയും കുറഞ്ഞുപോയെന്ന് അമരീന്ദര്‍ സൂചിപ്പിച്ചു.

5:16 PM

Feb 1, 2020

ബജറ്റിൽ പ്രതികരിച്ച് തോമസ് ഐസക്

സാമ്പത്തിക മാന്ദ്യം നേരിടാൻ ഇത്തവണയും ഒന്നുമില്ലെന്ന് ധനമന്ത്രി തോമസ് ഐസക്. കഴിഞ്ഞ ബജറ്റിന്റെ സമ്പൂർണ തകർച്ചയിൽ നിന്ന് നിർമ്മല സീതാരാമൻ ഒരു പാഠവും പഠിച്ചിട്ടില്ലെന്ന് മന്ത്രി പ്രതികരിച്ചു. കേന്ദ്ര സർക്കാർ ആദായനികുതി സംവിധാനം കൂടുതൽ സങ്കീർണമാക്കി. ഒപ്പം റിസർവ് ബാങ്കിനെ കൊള്ളയുമടിച്ചു, തോമസ് ഐസക് കുറ്റപ്പെടുത്തി.

5:12 PM

Feb 1, 2020

പ്രശംസിച്ച് പ്രധാനമന്ത്രി

നൈപുണ്യവികസനത്തിന് പ്രാധാന്യം നൽകുന്ന ബജറ്റ്. ബജറ്റ് നിർദ്ദേശങ്ങൾ സമ്പദ് വ്യവസ്ഥ ഉത്തേജിപ്പിക്കും. ടൂറിസം മേഖലയിലും കൂടുതൽ തൊഴിൽ അവസരങ്ങളുണ്ടാകുമെന്ന് പ്രധാനമന്ത്രി അറിയിച്ചു.

5:09 PM

Feb 1, 2020

പുതിയ 100 വിമാനത്താവളങ്ങൾ തൊഴിലവസരം സൃഷ്ടിക്കും: നരേന്ദ്ര മോദി

5:06 PM

Feb 1, 2020

ഗുണം വിദ്യാർത്ഥികൾക്ക്

പുതിയ കേന്ദ്ര ബജറ്റ് കയറ്റുമതിക്ക് ആക്കം കൂട്ടും. ബജറ്റ് ഏറ്റവും ഗുണം ചെയ്യുന്നത് വിദ്യാർത്ഥികൾക്കെന്നും നരേന്ദ്ര മോദി.

5:04 PM

Feb 1, 2020

തൊഴിലവസരങ്ങൾ കൂട്ടും

ബജറ്റ് തൊഴിലവസരങ്ങൾ കൂട്ടുമെന്ന് പ്രധാനമന്ത്രി നരേന്ദ്ര മോദി.

5:00 PM

Feb 1, 2020

വാർത്താസമ്മേളനം

ഇളവുകൾ ആഗ്രഹിക്കുന്നവർക്ക് പഴയ നികുതി നിരക്കുകളിൽ തുടരാം. ലളിതവും കുറഞ്ഞ നിരക്കും ആഗ്രഹിക്കുന്നവർക്ക് പുതിയ നികുതി സ്കീം സ്വീകരിക്കാമെന്ന് ധനമന്ത്രി. നികുതി ഘടന ലളിതമാക്കണം; നിരക്കുകൾ കുറയ്ക്കണം — കേന്ദ്ര സർക്കാരിന്റെ ലക്ഷ്യമിതാണ്, വാർത്താസമ്മേളനത്തിൽ നിർമ്മല സീതാരാമൻ പറഞ്ഞു.

4:29 PM

Feb 1, 2020

തിങ്കളാഴ്ച്ച അറിയാം; സെൻസെക്സ് തകർച്ചയിൽ പ്രതികരിച്ച് ധനമന്ത്രി

ഓഹരി വിപണിയിൽ ഇന്നത്തെ തകർച്ച കാര്യമാക്കുന്നില്ല. വിപണിയിൽ ബജറ്റിന്റെ പ്രതിഫലനം അറിയാൻ ഒരു പൂർണ പ്രവൃത്തി ദിവസം കാത്തുനിൽക്കണം. ഇന്ന് എല്ലാത്തരം വ്യാപാരങ്ങളും നടന്നോയെന്ന കാര്യത്തിൽ തീർച്ചയില്ല. എന്തായാലും തിങ്കളാഴ്ച്ച വിപണി നേട്ടം കൈവരിക്കുമെന്ന് വിശ്വസിക്കുന്നതായി നിർമ്മല സീതാരാമൻ പ്രതികരിച്ചു. ബജറ്റ് ദിനം 1,000 പോയിന്റ് നഷ്ടത്തിലാണ് സെൻസെക്സ് വ്യാപാരം അവസാനിപ്പിച്ചത്.

4:11 PM

Feb 1, 2020

ചിലവ് കണക്കുകൾ

നഗരവികസന ഭവന മന്ത്രാലയം — 50,040 കോടി രൂപ; ആരോഗ്യ മന്ത്രാലയം — 67,112 കോടി രൂപ; റെയിൽവേ മന്ത്രാലയം — 72,216 കോടി രൂപ; ഗതാഗത ഹൈവേ മന്ത്രാലയം — 91,823 കോടി രൂപ; മാനവവിഭവശേഷി മന്ത്രാലയം — 99,312 കോടി രൂപ; ഉപഭോക്തൃകാര്യ, പൊതുവിതരണ മന്ത്രാലയം — 1.24 ലക്ഷം കോടി രൂപ; കാർഷിക, കർഷക ക്ഷേമ മന്ത്രാലയം — 1.42 ലക്ഷം രൂപ; ആഭ്യന്തര മന്ത്രാലയം — 1.67 ലക്ഷം കോടി രൂപ; പ്രതിരോധ മന്ത്രാലയം — 4.71 ലക്ഷം കോടി രൂപ

3:36 PM

Feb 1, 2020

പണം ചിലവാകുന്ന വഴി

കേന്ദ്ര ഖജനാവിൽ നിന്നും പണം ചിലവാകുന്ന വഴി കാണാം.

3:24 PM

Feb 1, 2020

പണം വരുന്ന വഴി

കേന്ദ്ര ഖജനാവിലേക്ക് പണം വരുന്ന വഴി കാണാം.

3:13 PM

Feb 1, 2020

കേരളത്തിന്റെ നികുതിവിഹിതം കുറഞ്ഞു

കേരളത്തിന്റെ നികുതിവിഹിതം കുറഞ്ഞു. സംസ്ഥാനത്തിന്റെ നികുതി വിഹിതം 15,236.64 കോടി രൂപ. കഴിഞ്ഞതവണ 16,401.05 കോടി രൂപയായിരുന്നു ഇത്.

3:05 PM

Feb 1, 2020

ഉപാധികൾ

പുതിയ സ്ലാബിൽ വരുമാനത്തെ അടിസ്ഥാനമാക്കി മാത്രമാണ് നികുതി. മറ്റു നികുതിയിളവ് സ്കീമുകൾ പുതിയ സംവിധാനത്തിൽ ബാധകമല്ല. പുതിയ സ്ലാബിൽ ഇളവുകളെല്ലാം റദ്ദാക്കും.

3:03 PM

Feb 1, 2020

15 ലക്ഷത്തിന് മുകളിൽ

15 ലക്ഷത്തിന് മുകളിൽ വരുമാനമുള്ളവർക്ക് 30 ശതമാനമായിത്തന്നെ ആദായനികുതി തുടരും. 5 ലക്ഷം രൂപ വരെ വരുമാനമുള്ളവർക്ക് നികുതിയില്ല. ഇതേസമയം, ഇളവുകൾക്ക് ഉപാധിയുണ്ട്.

2:56 PM

Feb 1, 2020

12.5 മുതൽ 15 ലക്ഷം രൂപ വരെ

12.5 മുതൽ 15 ലക്ഷം രൂപ വരെ വരുമാനമുള്ളവർക്ക് 25 ശതമാനം നികുതിയൊടുക്കാം. നിലവിൽ 30 ശതമാനമാണ് ഈ വരുമാനവിഭാഗക്കാർക്ക് നികുതി.

2:56 PM

Feb 1, 2020

10 മുതൽ 12.5 ലക്ഷം രൂപ വരെ

10 മുതൽ 12.5 ലക്ഷം രൂപ വരെ വരുമാനമുള്ളവർക്ക് 20 ശതമാനമാണ് പുതിയ സ്കീം പ്രകാരം ഒടുക്കേണ്ട നികുതി. നിലവിൽ ഇത് 30 ശതമാനമാണ്.

2:55 PM

Feb 1, 2020

7.5 ലക്ഷം മുതൽ 10 ലക്ഷം രൂപ വരെ

7.5 ലക്ഷം മുതൽ 10 ലക്ഷം രൂപ വരെ വരുമാനമുള്ളവർക്ക് 15 ശതമാനമാണ് നികുതി പുതുക്കിയിരിക്കുന്നത്. നിലവിൽ 20 ശതമാനമാണ് ഇവിടെയും നികുതി.

2:54 PM

Feb 1, 2020

5 മുതൽ 7.5 ലക്ഷം രൂപ വരെ

പുതിയ സ്കീം പ്രകാരം 5 മുതൽ 7.5 ലക്ഷം രൂപ വരെ വരുമാനമുള്ളവർക്ക് 10 ശതമാനം നികുതിയൊടുക്കാൻ അവസരമുണ്ട്. നിലവിൽ 20 ശതമാനമാണ് ഈ വിഭാഗക്കാർക്ക് നികുതി.

2:53 PM

Feb 1, 2020

ആദായ നികുതി ഘടനയിൽ മാറ്റം

നിലവിലുള്ളതിന് പുറമെ പുതിയ സ്ലാബ് ഘടന കൂടി പ്രഖ്യാപിച്ചു. നികുതിദായകർക്ക് നിലവിലുള്ളതോ പുതിയ സ്ലാബോ തിരഞ്ഞെടുക്കാം.

2:52 PM

Feb 1, 2020

സിഗരറ്റിന് വില കൂടും

രാജ്യത്ത് സിഗരറ്റിന് വില കൂടും; എക്സൈസ് തീരുവ സർക്കാർ വർധിപ്പിച്ചു.

2:51 PM

Feb 1, 2020

ബജറ്റ് പ്രഖ്യാപനങ്ങൾ

കൊച്ചിൻ ഷിപ്പ് യാർഡിന് 650 കോടി രൂപ അനുവദിച്ചു. കൊച്ചിൻ പോർട്ട് ട്രസ്റ്റിന് 26.28 കോടി രൂപയും ധനമന്ത്രാലയം അടുത്ത സാമ്പത്തിക വർഷത്തേക്ക് വകയിരുത്തി.

2:34 PM

Feb 1, 2020

പ്രതിരോധ മന്ത്രാലയത്തിന് 1.10 ലക്ഷം കോടി രൂപ

പ്രതിരോധ മന്ത്രാലയത്തിന് 1.10 ലക്ഷം കോടി രൂപയാണ് ബജറ്റിൽ അനുവദിച്ചിരിക്കുന്നത്. മുൻവർഷത്തെ അപേക്ഷിച്ച് ഇത്തവണ 10,340 രൂപ കൂടുതൽ.

2:28 PM

Feb 1, 2020

വില കൂടും

ഇറക്കുമതി ചെയ്ത പിഞ്ഞാണ പാത്രങ്ങൾ, സ്റ്റീൽ പാത്രങ്ങൾ, പിച്ചള പാത്രങ്ങൾ എന്നിവയ്ക്കും വില കൂടും. ഇവയുടെ കസ്റ്റംസ് തീരുവ 20 ശതമാനമാക്കി സർക്കാർ വർധിപ്പിച്ചു.

2:22 PM

Feb 1, 2020

വില കൂടും

വാണിജ്യ വാഹന ഘടകങ്ങൾക്ക് വില കൂടും. ഇവയ്ക്ക് കസ്റ്റംസ് തീരുവ കൂട്ടാൻ സർക്കാർ തീരുമാനിച്ചു. ഇതേസമയം, വൈദ്യുതി വാഹനങ്ങളുടെ ഘടകങ്ങൾക്ക് വില വർധിക്കില്ല.

2:13 PM

Feb 1, 2020

തൊഴില്ലില്ലായ്മ

രാജ്യം നേരിടുന്ന പ്രധാന പ്രതിസന്ധിയാണ് തൊഴില്ലില്ലായ്മ. യുവാക്കൾക്ക് കൂടുതൽ തൊഴിൽ അവസരങ്ങൾ സൃഷ്ടിക്കാനുള്ള മാർഗ്ഗങ്ങൾ ധനമന്ത്രി അവതരിപ്പിച്ച ബജറ്റിൽ കണ്ടില്ലെന്ന് രാഹുൽ ഗാന്ധി വ്യക്തമാക്കി.

2:11 PM

Feb 1, 2020

രാഹുൽ ഗാന്ധിയുടെ പ്രതികരണം

ബജറ്റ് പ്രസംഗത്തിൽ തൊഴില്ലില്ലായ്മയെ കുറിച്ച് പരാമർശിച്ചില്ലെന്ന് രാഹുൽ ഗാന്ധി.

2:06 PM

Feb 1, 2020

ദൈർഘ്യമേറിയ പ്രസംഗം

രണ്ടു മണിക്കൂറും 37 മിനിറ്റും എടുത്താണ് നിർമ്മല സീതാരാമൻ ഈ വർഷത്തെ ബജറ്റ് പ്രസംഗം പൂർത്തിയാക്കിയത്. ഇതോടെ ഏറ്റവും ദൈർഘ്യമേറിയ ബജറ്റ് പ്രസംഗവും നിർമ്മല സീതാരാമൻ സ്വന്തം പേരിലാക്കി.

1:49 PM

Feb 1, 2020

വില കൂടും

ഇറക്കുമതി ചെയ്യുന്ന പാദരക്ഷകൾ, ഫർണീച്ചർ, മെഡിക്കൽ ഉപകരണങ്ങൾ എന്നിവയ്ക്ക് വില കൂടും. ഈ സാധനങ്ങളുടെ കസ്റ്റംസ് തീരുവ സർക്കാർ കൂട്ടി; മെഡിക്കൽ ഉപകരണങ്ങൾക്ക് സർക്കാർ സെസ് ഏർപ്പെടുത്തും. സ്വതന്ത്രവ്യാപാരകരാറിൽ നിന്നും ആഭ്യന്തര ഉത്പാദകരെ സഹായിക്കാൻ വേണ്ടിയാണ് സർക്കാരിന്റെ ഈ നടപടി.

1:42 PM

Feb 1, 2020

പ്രസംഗം അവസാനിപ്പിച്ചു

കേന്ദ്ര ധനമന്ത്രി നിർമ്മല സീതാരാമൻ ബജറ്റ് പ്രസംഗം അവസാനിപ്പിച്ചു.

1:41 PM

Feb 1, 2020

നികുതി കേസുകൾ ഒഴിവാക്കും

നികുതി കേസുകൾ ഒഴിവാക്കും. മാർച്ച് 31 -നകം കുടിശ്ശിക അടച്ചാൽ അധികതുക നൽകേണ്ട. ജൂൺ 30 വരെ ആദായനികുതി കുടിശ്സിക തീർത്താൽ ചെറിയ പിഴ ഒടുക്കിയാൽ മതി.

1:37 PM

Feb 1, 2020

ഓഹരി വിപണിയിൽ വൻ ഇടിവ്

ഓഹരി വിപണിയിൽ വൻ ഇടിവ്. സെക്സെക്സ് 600 പോയിന്റിലേറെ ഇടിഞ്ഞു. നിഫ്റ്റി 12,000 മാർക്കിന് താഴേക്ക് നിലംപതിച്ചു.

1:33 PM

Feb 1, 2020

റീഫണ്ട് നടപടികൾ ലളിതമാക്കി

റീഫണ്ട് നടപടികൾ ലളിതമാക്കി. ഇലക്ട്രോണിക് ഇൻവോയിസുകൾ ഘട്ടംഘട്ടമായി നടപ്പിലാക്കും: ധനമന്ത്രി

1:25 PM

Feb 1, 2020

സ്റ്റാർട്ടപ്പുകൾക്ക് പിന്തുണ

സ്റ്റാർട്ടപ്പുകൾക്ക് പിന്തുണ. ജീവനക്കാർക്കുളള ഓഹരികൾക്ക് അഞ്ചു വർഷത്തേക്ക് നികുതി നൽകേണ്ട.

1:21 PM

Feb 1, 2020

വരുമാനനഷ്ടം

ആദായനികുതി ഇളവുകളിൽ സർക്കാരിന് 40,000 കോടി രൂപയുടെ വരുമാനനഷ്ടമെന്ന് ധനമന്ത്രി.

1:19 PM

Feb 1, 2020

ഡിഡിടി എടുത്തുകളഞ്ഞു

ഡിഡിടി എടുത്തുകളഞ്ഞു. ഡിവിഡന്റ് ഡിസ്ട്രിബ്യൂഷൻ ടാക്സ് (ഡിഡിടി) ധനമന്ത്രാലയം നീക്കം ചെയ്തു.

1:17 PM

Feb 1, 2020

നികുതി സംവിധാനം

നികുതി സംവിധാനം ലഘൂകരിക്കും, ഫോമുകൾ ലളിതമാക്കുമെന്നും ധനമന്ത്രി വ്യക്തമാക്കി.

1:16 PM

Feb 1, 2020

15 ലക്ഷം വരുമാനമുള്ളവർക്ക് നിയമപ്രകാരമുള്ള ഇളവുകൾ കൂടാതെ 78,000 രൂപയുടെ നേട്ടവും ലഭിക്കും.

1:14 PM

Feb 1, 2020

15 ശതമാനം നികുതി

7.5 ലക്ഷത്തിനും 10 ലക്ഷത്തിനും ഇടയിലുള്ളവർക്ക് നികുതി 15 ശതമാനം. ഇതേസമയം, അഞ്ചു ലക്ഷം രൂപ വരെ വരുമാനമുള്ളവർക്ക് നികുതിയില്ല.

1:12 PM

Feb 1, 2020

നികുതിയിളവ് ഇങ്ങനെ

10 ലക്ഷത്തിനും 12.5 ലക്ഷത്തിനും ഇടയിലുള്ളവർക്ക് നികുതി 20 ശതമാനം. 12.5 ലക്ഷത്തിനും 15 ലക്ഷത്തിനും ഇടയിലുള്ളവർക്ക് നികുതി 25 ശതമാനമാണ് പുതിയ നികുതി. 15 ലക്ഷത്തിൽ കൂടുതൽ വരുമാനമുള്ളവർ 30 ശതമാനം നികുതിയൊടുക്കണം.

1:08 PM

Feb 1, 2020

ആദായനികുതിയിൽ ഇളവ്

5 ലക്ഷത്തിനും 7.5 ലക്ഷത്തിനും ഇടയിലുള്ള വരുമാനമുള്ളവർക്ക് 10 ശതമാനം നികുതി.

1:07 PM

Feb 1, 2020

കോർപ്പറേറ്റ് നികുതി വെട്ടിക്കുറച്ചു

കോർപ്പറേറ്റ് നികുതി വെട്ടിക്കുറച്ചു. ഉത്പാദന മേഖലയിലെ പുതിയ കമ്പനികൾക്ക് 15 ശതമാനം മാത്രം നികുതി. നിലവിലുള്ള കമ്പനികളുടെ നികുതി 22 ശതമാനമായി കുറച്ചു.

1:05 PM

Feb 1, 2020

നോമിനൽ ജിഡിപി വളർച്ച

നാമമാത്ര (നോമിനൽ) ജിഡിപി വളർച്ച 10 ശതമാനം. നിലവിലെ വിലനിലവാരം വെച്ച് പ്രതീക്ഷിക്കുന്ന വളർച്ചാ നിരക്ക് 10 ശതമാനമെന്നും ധനമന്ത്രി സഭയിൽ അറിയിച്ചു.

1:04 PM

Feb 1, 2020

മൂലധനച്ചിലവ്

സർക്കാർ മൂലധനച്ചിലവ് 21 ശതമാനം വർധിപ്പിക്കും.

1:01 PM

Feb 1, 2020

വളർച്ചാ നിരക്ക്

പൊതുമേഖലാ സ്ഥാപനങ്ങളുടെ ഓഹരി വിൽപ്പന ലക്ഷ്യം 2.1 ലക്ഷം കോടി രൂപ. നിലവിലെ വിലനിലവാരം വെച്ച് പ്രതീക്ഷിക്കുന്ന വളർച്ചാ നിരക്ക് 10 ശതമാനമെന്നും ധനമന്ത്രി സഭയിൽ അറിയിച്ചു.

12:56 PM

Feb 1, 2020

ഈ വർഷംതന്നെ

ഈ വർഷംതന്നെ എൽഐസിയുടെ പ്രാഥമിക ഓഹരികൾ വിൽക്കാനുള്ള നടപടി സർക്കാർ തുടങ്ങും.

12:55 PM

Feb 1, 2020

എൽഐസി ഓഹരി

എൽഐസി ഓഹരി വിൽക്കും. എൽഐസിയുടെ ഓഹരി വിൽപ്പന ധനമന്ത്രി പ്രഖ്യാപിച്ചു.

12:53 PM

Feb 1, 2020

ധനക്കമ്മി വർധിക്കും

ധനക്കമ്മി വർധിക്കും. നടപ്പുസാമ്പത്തിക വർഷം പ്രതീക്ഷിക്കുന്ന ധനക്കമ്മി 3.8 ശതമാനമെന്ന് ധനമന്ത്രി അറിയിച്ചു. 2020-21 -ൽ പ്രതീക്ഷിക്കുന്നത് 3.5 ശതമാനം ധനക്കമ്മിയും.

12:51 PM

Feb 1, 2020

ഐഡിബിഐ ഓഹരി

ഐഡിബിഐ ബാങ്കിലെ സർക്കാർ ഓഹരികൾ പൂർണമായും വിൽക്കും.

12:47 PM

Feb 1, 2020

സഹകരണ ബാങ്കുകളെ ശക്തിപ്പെടുത്തും

സഹകരണ ബാങ്കുകളെ ശക്തിപ്പെടുത്താൻ നിയമഭേദഗതി കൊണ്ടുവരും. മൂലധനനിക്ഷേപ സമാഹരണത്തിന് ബാങ്കുകൾക്ക് വിപണിയെ സമീപിക്കാം.

12:46 PM

Feb 1, 2020

ബാങ്ക് നിക്ഷേപങ്ങൾ സുരക്ഷിതം

ബാങ്ക് നിക്ഷേപങ്ങൾ സുരക്ഷിതം. അഞ്ചുലക്ഷം രൂപ വരെയുള്ള നിക്ഷേപങ്ങൾക്ക് ഡെപ്പോസിറ്റ് ഇൻഷുറൻസ് ഏർപ്പെടുത്തും: നിർമ്മല സീതാരാമൻ

12:43 PM

Feb 1, 2020

ആഗോള സാമ്പത്തിക രംഗത്ത് ഇടപെടും

ആഗോള സാമ്പത്തിക രംഗത്ത് ഇന്ത്യയുടെ ഇടപെടൽ വർധിപ്പിക്കും. 2022 -ലെ ജി20 ഉച്ചകോടി ഇന്ത്യയിൽ നടക്കും. തയ്യാറെടുപ്പിന് 100 കോടി രൂപ ധനമന്ത്രാലയം നീക്കിവെച്ചു.

12:41 PM

Feb 1, 2020

ബാങ്ക് നിയമനം

പൊതുമേഖലാ ബാങ്കുകളിലെ നോൺ ഗസ്റ്റഡ് പോസ്റ്റുകളിലാണ് പൊതുപരീക്ഷയിലൂടെ നിയമനം നടക്കുക. ഓൺലൈൻ സംവിധാനം മുഖേനയാകും പരീക്ഷ. ഇതിനായി ദേശീയതലത്തിൽ സ്വതന്ത്ര റിക്രൂട്ട്മെന്റ് ഏജൻസി സ്ഥാപിക്കും. എല്ലാ ജില്ലകളിലും പരീക്ഷാ കേന്ദ്രങ്ങളും സ്ഥാപിക്കുമെന്ന് ധനമന്ത്രി വ്യക്തമാക്കി.

12:37 PM

Feb 1, 2020

പൊതു പരീക്ഷ

ബാങ്ക് നിയമനത്തിന് പൊതുപരീക്ഷാ സംവിധാനം സ്ഥാപിക്കും: ധനമന്ത്രി

12:33 PM

Feb 1, 2020

മുതിർന്ന പൗരന്മാർക്ക്

മുതിർന്ന പൗരന്മാർക്ക് 9,500 കോടി രൂപ ബജറ്റിൽ വകയിരുത്തി.

12:32 PM

Feb 1, 2020

ദേശസുരക്ഷ

ദേശസുരക്ഷയ്ക്കാണ് സർക്കാരിന്റെ പ്രഥമ പരിഗണനയെന്ന് നിർമ്മല സീതാരാമൻ.

12:29 PM

Feb 1, 2020

ഓഹരി വിപണി താഴേക്ക്

ബജറ്റ് പ്രസംഗം തുടരുന്നു; ഓഹരി വിപണി താഴേക്ക്.

12:27 PM

Feb 1, 2020

സാംസ്കാരിക മന്ത്രാലയത്തിന് 3,100 കോടി രൂപ

സാംസ്കാരിക മന്ത്രാലയത്തിന് ബജറ്റിൽ 3,100 കോടി രൂപയുടെ വിഹിതം. രാജ്യത്തെ അഞ്ച് പൌരാണിക സ്ഥലങ്ങളിൽ മ്യൂസിയങ്ങൾ സ്ഥാപിക്കും. ജാർഖണ്ഡിലെ റാഞ്ചിയിൽ ആദിവാസി മ്യൂസിയം സ്ഥാപിക്കും.

12:25 PM

Feb 1, 2020

ക്വാണ്ടം സാങ്കേതികവിദ്യ

ക്വാണ്ടം സാങ്കേതിക വിദ്യാ വികസനത്തിന് 8,000 കോടി രൂപ.

12:24 PM

Feb 1, 2020

പട്ടികജാതി, ഒബിസി വിഭാഗങ്ങളുടെ വികസനം

പട്ടികജാതി, ഒബിസി വിഭാഗങ്ങളുടെ വികസനത്തിന് 85,000 കോടി രൂപ അനുവദിച്ചു. പട്ടികവിഭാഗങ്ങളുടെ വികസനത്തിന് 53,700 കോടി രൂപയും ബജറ്റിൽ നിർമ്മല സീതാരാമൻ നീക്കിവെച്ചു.

12:21 PM

Feb 1, 2020

കുട്ടികളുടെ പോഷകാഹാര പദ്ധതി

വനിതാ കേന്ദ്രീകൃത പദ്ധതികൾക്ക് 28,600 കോടി രൂപ; കുട്ടികളുടെ പോഷകാഹാര പദ്ധതിക്ക് 3,56,000 കോടി രൂപയും ധനമന്ത്രി വകയിരുത്തി.

12:17 PM

Feb 1, 2020

പെൺകുട്ടികൾ മുന്നിൽ

ബേഠി പഠാവോ ബേഠി ബച്ചാവോ പദ്ധതി വൻവിജയമെന്ന് ധനമന്ത്രി നിർമ്മല സീതാരാമൻ. സ്കൂൾ അഡ്മിഷൻ കണക്കുകളിൽ പെൺകുട്ടികൾ ആൺകുട്ടികളെ മറികടന്നു.

12:14 PM

Feb 1, 2020

ഡേറ്റ സെന്റർ പാർക്കുകൾ

രാജ്യത്തുടനീളം ഡേറ്റ സെന്റർ പാർക്കുകൾ സ്ഥാപിക്കും. എല്ലാ പൊതുസ്ഥാപനങ്ങളിലും ഇന്റർനെറ്റ് കണക്ഷൻ ഉറപ്പുവരുത്തുമെന്ന് ധനമന്ത്രി. ഒരുലക്ഷം ഗ്രാമപഞ്ചായത്തുകളിൽ ഓപ്റ്റിക്കൽ ഫൈബർ നെറ്റ് വർക്ക് കണക്ഷൻ സ്ഥാപിക്കും.

12:13 PM

Feb 1, 2020

പ്രീപെയ്ഡ് മീറ്ററുകളിലേക്ക് മാറണം

വൈദ്യുതിവിതരണ കമ്പനികൾ അടുത്ത മൂന്നുവർഷത്തിനകം പ്രീപെയ്ഡ് മീറ്ററുകളിലേക്ക് മാറണമെന്ന് ധനമന്ത്രി. ഉപഭോക്താക്കൾക്ക് സ്വയം കമ്പനികളെ തിരഞ്ഞെടുക്കാം.

12:10 PM

Feb 1, 2020

ഊർജ്ജമേഖല

ഊർജ്ജമേഖലയ്ക്ക് ബജറ്റിൽ 22,000 കോടി രൂപ വിഹിതം

12:09 PM

Feb 1, 2020

ഗതാഗത സൗകര്യവികസനം

ഗതാഗത സൗകര്യവികസനത്തിന് 1.73 ലക്ഷം കോടി രൂപ ബജറ്റിൽ വകയിരുത്തി.

12:08 PM

Feb 1, 2020

പിപിപി ട്രെയിനുകൾ

സ്വകാര്യവത്കരണത്തെ പ്രോത്സാഹിപ്പിച്ച് കൂടുതൽ പിപിപി ട്രെയിനുകൾ നിലവിൽ വരുമെന്ന് ധനമന്ത്രി.

12:07 PM

Feb 1, 2020

ചെന്നൈ-ബെംഗളൂരു എക്സ്പ്രസ് ഹൈവേ

ചെന്നൈ-ബെംഗളൂരു എക്സ്പ്രസ് ഹൈവേ നിർമ്മാണം ഉടൻ തുടങ്ങും.

12:05 PM

Feb 1, 2020

ഡൽഹി-മുംബൈ എക്സ്പ്രസ് ഹൈവേ

ഡൽഹി-മുംബൈ എക്സ്പ്രസ് ഹൈവേ 2023 -ൽ പൂർത്തിയാകും.

12:04 PM

Feb 1, 2020

ഹൈവേ വരുമാനം

6,000 കിലോമീറ്റർ ഹൈവേകളിൽ നിന്നുള്ള വരുമാനം കൂട്ടാൻ തീരുമാനം.

12:03 PM

Feb 1, 2020

സുഗമമായ നിക്ഷേപം

സംരംഭകർക്ക് സുഗമമായ നിക്ഷേപത്തിന് ഇൻവെസ്റ്റ്മെന്റ് ക്ലിയറൻസ് സെൽ.

12:02 PM

Feb 1, 2020

വ്യവസായ വികസനം

വ്യവസായ വികസനത്തിന് 27,300 കോടി രൂപ ധനമന്ത്രി അനുവദിച്ചു.

12:01 PM

Feb 1, 2020

നിർമ്മാണശാലകൾ

മൊബൈൽ ഫോണുകളുടെയും ഇലക്ട്രോണിക് ഉപകരണങ്ങളുടെയും നിർമ്മാണശൃഖല രാജ്യത്ത് വിപുലമാക്കും.

12:00 PM

Feb 1, 2020

സ്മാർട്ട് സിറ്റികൾ

രാജ്യത്ത് അഞ്ച് പുതിയ സ്മാർട്ട് സിറ്റികൾ സ്ഥാപിക്കും: ധനമന്ത്രി

11:57 AM

Feb 1, 2020

നൈപുണ്യവികസനം

നൈപുണ്യവികസനത്തിന് 3,000 കോടി രൂപയും ബജറ്റിൽ വകയിരുത്തി.

11:55 AM

Feb 1, 2020

സ്വച്ഛ് ഭാരത് പദ്ധതി

സ്വച്ഛ് ഭാരത് പദ്ധതിക്ക് 12,300 കോടി രൂപ ബജറ്റിൽ ധനമന്ത്രി അനുവദിച്ചു.

11:54 AM

Feb 1, 2020

വിദ്യാഭ്യാസമേഖല

വിദ്യാഭ്യാസമേഖലയ്ക്ക് 99,300 കോടി രൂപ ധനമന്ത്രി അനുവദിച്ചു. ദേശീയ പൊലീസ്, ഫൊറൻസിക് സയൻസ് സർവകലാശാലകൾ സ്ഥാപിക്കും; ഓൺലൈൻ ഡിഗ്രി കോഴ്സുകൾ തുടങ്ങും. ഉന്നതനിലവാരമുള്ള വിദ്യാഭ്യാസം ഉറപ്പുവരുത്താൻ വിദേശ നിക്ഷേപവും വിദേശ വായ്പയും അനുവദിക്കുമെന്ന് ധനമന്ത്രി വ്യക്തമാക്കി.

11:49 AM

Feb 1, 2020

പിപിപി മാതൃകയിൽ കൂടുതൽ ആശുപത്രികളെ ചേർക്കാൻ നിർദ്ദേശം.

11:48 AM

Feb 1, 2020

ഇന്ദ്രധനുഷ് പദ്ധതി

ഇന്ദ്രധനുഷ് പദ്ധതിയിൽ 12 രോഗങ്ങൾ കൂടി ഉൾപ്പെടുത്തി.

11:47 AM

Feb 1, 2020

ആരോഗ്യ ഇൻഷുറൻസ്

112 ജില്ലകളിലെ ആശുപത്രികളിൽക്കൂടി ആയുഷ്മാൻ ആരോഗ്യ ഇൻഷുറൻസ് നടപ്പിലാക്കും.

11:46 AM

Feb 1, 2020

ആരോഗ്യമേഖലയ്ക്ക് 69,000 കോടി രൂപ

ആരോഗ്യമേഖലയ്ക്ക് 69,000 കോടി രൂപ ധനമന്ത്രി വകയിരുത്തി. 2025 -നകം ക്ഷയരോഗം നിർമാർജനം ചെയ്യും. ആയുഷ്മാൻ പദ്ധതി വിപുലീകരിക്കും.

11:43 AM

Feb 1, 2020

കിസാൻ ഉഡാൻ വിമാനം

കൃഷി, ജലസേചനം: 2.83 കോടി ലക്ഷം രൂപ. കാർഷികോത്പന്നങ്ങൾ കയറ്റി അയക്കാൻ കിസാൻ ഉഡാൻ വിമാനം.

11:41 AM

Feb 1, 2020

പ്രത്യേക പിന്തുണ

ബാങ്കിതര ധനകാര്യസ്ഥാപനങ്ങൾക്കും സഹകരണ ബാങ്കുകൾക്കും പ്രത്യേക പിന്തുണ ധനമന്ത്രി പ്രഖ്യാപിച്ചു.

11:40 AM

Feb 1, 2020

കാർഷിക വായ്പ

നബാർഡ് റീഫൈനാൻസിങ് സൗകര്യം വിപുലീകരിക്കും. 20-21 സാമ്പത്തിക വർഷം 15 ലക്ഷം കോടിയിലേറെ രൂപയുടെ കാർഷിക വായ്പ അനുവദിക്കും.

11:39 AM

Feb 1, 2020

പാലുത്പാദനം

2025 -നകം പാലുത്പാദനം 10.8 കോടി ദശലക്ഷം മെട്രിക് ടണ്ണായി ഉയർത്തും.

11:36 AM

Feb 1, 2020

കാർഷിക വായ്പ

ഹോർട്ടികൾച്ചർ പ്രോത്സാഹത്തിന് ഒരു ജില്ല, ഒരു ഉത്പന്നം പദ്ധതി. 15 ലക്ഷം കോടി രൂപയുടെ കാർഷിക വായ്പ നൽകും.

11:33 AM

Feb 1, 2020

റെയിൽ കിസാൻ

പഴങ്ങളും പച്ചക്കറികളും വേഗത്തിലെത്തിക്കാൻ റെയിൽ കിസാൻ പദ്ധതി അവതരിപ്പിക്കും.

11:32 AM

Feb 1, 2020

ധാന്യലക്ഷ്മി പദ്ധതി

വനിതാ സ്വയംസഹായ സംഘങ്ങളെ ഉൾപ്പെടുത്തി ധാന്യലക്ഷ്മി പദ്ധതി അവതരിപ്പിക്കുമെന്ന് നിർമ്മല സീതാരാമൻ.

11:31 AM

Feb 1, 2020

മൂന്ന് കാർഷികനിയമങ്ങൾ സംസ്ഥാനങ്ങൾ ഫലപ്രദമായി നടപ്പാക്കണം. വെയർ ഹൌസുകൾ സ്ഥാപിക്കാൻ വയബിലിറ്റി ഗ്യാപ് ഫണ്ടിങ് ധനമന്ത്രി പ്രഖ്യാപിച്ചു.

11:29 AM

Feb 1, 2020

പദ്ധതികൾ ഇങ്ങനെ

ജലദൌർലഭ്യം നേരിടാൻ 100 ജില്ലകർക്ക് പ്രത്യേക പദ്ധതി. തരിശുഭൂമിയിൽ സോളാർ പവർ പ്ലാന്റുകൾ സ്ഥാപിക്കും.

11:28 AM

Feb 1, 2020

കർഷക വരുമാനം ഇരട്ടിയാക്കും

2022 -ൽ കർഷകവരുമാനം ഇരട്ടിയാക്കാൻ 16 ഇനം പദ്ധതികൾ. 20 ലക്ഷം കർഷകർക്ക് സോളാർ പമ്പുകൾ.

11:25 AM

Feb 1, 2020

കർഷക വരുമാനം

2022 -ൽ കർഷകരുടെ വരുമാനം ഇരട്ടിയാക്കും

11:19 AM

Feb 1, 2020

ദാരിദ്ര്യ നിർമാർജനം

27 കോടി ജനങ്ങളെ ദാരിദ്ര്യത്തിൽ നിന്നും മോചിപ്പിച്ചു: ധനമന്ത്രി

11:16 AM

Feb 1, 2020

ബജറ്റ് 2020

16 ലക്ഷം പുതിയ നികുതിദായകർ; 40 കോടി നികുതി റിട്ടേണുകൾ

11:16 AM

Feb 1, 2020

മൻമോഹൻ സിങ്ങിന് മറുപടി

പാവപ്പെട്ടവർക്ക് നേരിട്ട് ഗുണമുള്ള പദ്ധതികൾ വേഗത്തിൽ നടപ്പാക്കി. ഉജ്ജ്വല, ആയുഷ്മാൻ ഭാരത് തുടങ്ങിയ പദ്ധതികൾ ധനമന്ത്രി ഉയർത്തിക്കാട്ടി.

11:13 AM

Feb 1, 2020

കുടുംബ ചിലവ് കുറഞ്ഞു

ജിഎസ്ടി നിരക്ക് കുറച്ചതോടെ കുടുംബ ചിലവുകൾ 4 ശതമാനും കുറഞ്ഞു. കിട്ടാക്കടത്തിൽ കുടുങ്ങിയ ബാങ്കുകളുടെ നില ഭദ്രമാക്കി.

11:11 AM

Feb 1, 2020

സാമ്പത്തിക അടിത്തറ സുരക്ഷിതം

രാജ്യത്തിന്റെ സാമ്പത്തിക അടിത്തറ സുരക്ഷിതം. ജനവിധിയെ ബഹുമാനിച്ചുള്ള സാമ്പത്തികനയങ്ങൾ നടപ്പാക്കും.

11:07 AM

Feb 1, 2020

സാമ്പത്തിക നില മെച്ചപ്പെടുത്തും

ജനങ്ങളുടെ വരുമാനവും വാങ്ങൽ ശേഷിയും വർധിപ്പിക്കുമെന്ന് ധനമന്ത്രി. ഉപഭോഗശേഷിയും വർധിപ്പിക്കും.

11:02 AM

Feb 1, 2020

ലോക്സഭ തുടങ്ങി

ലോക്സഭ തുടങ്ങി. ധനമന്ത്രി നിർമ്മല സീതാരാമൻ സഭയിൽ പൊതുബജറ്റ് അവതരിപ്പിക്കുന്നു.

10:59 AM

Feb 1, 2020

പൊതുബജറ്റ് ഉടൻ

രണ്ടാം മോദി സർക്കാരിന്റെ രണ്ടാം ബജറ്റ് ധനമന്ത്രി നിർമ്മല സീതാരാമൻ ഉടൻ ലോക്സഭയിൽ അവതരിപ്പിക്കും. കേന്ദ്ര മന്ത്രിസഭ ബജറ്റ് അംഗീകരിച്ചു. എല്ലാവർക്കും ഒപ്പം നിൽക്കുന്ന ബജറ്റെന്ന് ധനകാര്യ സഹമന്ത്രി അനുരാഗ് താക്കൂർ.

10:56 AM

Feb 1, 2020

റെയിൽവേ ഓഹരികളിൽ കുതിപ്പ്

ബജറ്റിന് മുൻപ് ഐആർസിടിസി, റെയിൽ വികാസ് നിഗം ലിമിറ്റഡ്, റൈറ്റ്സ് ലിമിറ്റഡ്, ടെക്സ്മാകോ റെയിൽ ആൻഡ് എഞ്ചിനീയറിങ് ലിമിറ്റഡ് ഓഹരികൾ നേട്ടത്തിൽ തുടരുന്നു.

10:53 AM

Feb 1, 2020

അംഗീകരിച്ചു

ക്യാബിനറ്റ് യോഗം കേന്ദ്ര ബജറ്റ് അംഗീകരിച്ചു.

10:43 AM

Feb 1, 2020

ബജറ്റ് അവതരണം 11 മണിക്ക്

Delhi: Home Minister Amit Shah arrives at the Parliament, ahead of the presentation of #Budget2020 pic.twitter.com/2Pt6xMTXJW

— ANI (ANI) February 1, 2020

രാവിലെ 11 മണിക്കാണ് ബജറ്റ് അവതരണം. ഇതിന് മുൻപ് ക്യാബിനറ്റ് മന്ത്രിമാരുമായി ധനമന്ത്രിയും സംഘവും കൂടിക്കാഴ്ച്ച നടത്തും. പൊതുവേ 90 മുതൽ 120 മിനിറ്റു വരെയാണ് ബജറ്റ് അവതരണം നീളാറ്.

10:29 AM

Feb 1, 2020

കോൺഗ്രസിന്റെ പ്രതീക്ഷ

ശമ്പളക്കാരായ ജനവിഭാഗങ്ങൾക്ക് കേന്ദ്ര ബജറ്റ് ആശ്വാസമേകുമെന്ന് പ്രത്യാശിക്കുന്നതായി കോൺഗ്രസ്. പ്രാദേശിക മേഖലയിൽ സർക്കാർ കൂടുതൽ നിക്ഷേപം നടത്തുമെന്ന് കരുതുന്നതായും ബജറ്റിന് മുൻപ് കോൺഗ്രസ് വക്താവ് രൺദീപ് സുർജേവാല അറിയിച്ചു.

10:24 AM

Feb 1, 2020

ഓഹരി സൂചികകൾ നേട്ടത്തിലേക്ക്

നഷ്ടത്തിൽ വ്യാപാരം ആരംഭിച്ച ഓഹരി സൂചികകൾ ബജറ്റ് അവതരണത്തിന് തൊട്ടുമുൻപ് നേട്ടം പ്രകടമാക്കുന്നു. ബിഎസ്ഇ സെൻസെക്സ് 92 പോയിന്റ് ഉയർന്ന് (0.23 ശതമാനം) 40,815 എന്ന നിലയിലെത്തി. എൻഎസ്ഇ നിഫ്റ്റി 13 പോയിന്റ് കൂടി (0.11 ശതമാനം) 11,975 മാർക്ക് തൊട്ടു.

10:11 AM

Feb 1, 2020

പ്രധാനമന്ത്രിയും പാർലമെന്റിൽ

ബജറ്റ് സമ്മേളനത്തിനായി പ്രധാനമന്ത്രി നരേന്ദ്ര മോദി പാലർമെന്റിലെത്തി. രണ്ടാം എൻഡിഎ സർക്കാരിന്റെ രണ്ടാമത്തെ ബജറ്റാണ് ഇന്നത്തേത്.

10:06 AM

Feb 1, 2020

സ്വർണവില റെക്കോർഡിൽ

സ്വർണം ഗ്രാമിന് 3,800 രൂപ; പവന് വില 30,400 രൂപ

10:03 AM

Feb 1, 2020

രാഷ്ട്രപതിയെ കണ്ടു

Delhi: Finance Minister Nirmala Sitharaman and MoS Finance Anurag Thakur arrive at the Parliament, to attend Cabinet meeting at 10:15 am. #Budget2020 pic.twitter.com/GgY2Govlv1

— ANI (ANI) February 1, 2020

ബജറ്റിന് അവതരണത്തിന് മുന്നോടിയായി ധനമന്ത്രി നിർമ്മല സീതാരാമൻ, സഹമന്ത്രി അനുരാഗ് താക്കൂർ ഉൾപ്പെടുന്ന സംഘം രാഷ്ട്രപതി രാംനാഥ് കോവിന്ദിനെ സന്ദർശിച്ചു. രാവിലെ 10.15 -നാണ് ക്യാബിനറ്റ് യോഗം.

9:42 AM

Feb 1, 2020

നഷ്ടത്തോടെ തുടക്കം

സെൻസെക്സ് 279.01 പോയിന്റ് ഇടിഞ്ഞ് 40,444.48 എന്ന നിലയിൽ വ്യാപാരം തുടങ്ങി. നിഫ്റ്റി 81.45 പോയിന്റ് ഇടിഞ്ഞ് 11,880.65 എന്ന നിലയിലും.

9:26 AM

Feb 1, 2020

അഞ്ചു ലക്ഷം കോടി ഡോളർ സമ്പദ്‌വ്യവസ്ഥ

2025 ഓടെ ഇന്ത്യയെ അഞ്ചു ലക്ഷം കോടി ഡോളർ ആസ്തിയുള്ള സമ്പദ്‌വ്യവസ്ഥയാക്കി മാറ്റുകയാണ് കേന്ദ്ര സര്‍ക്കാരിന്റെ പ്രഥമ ലക്ഷ്യം.

9:23 AM

Feb 1, 2020

സാമ്പത്തിക സർവ്വേ

വെള്ളിയാഴ്ച്ച പാർലമെന്റിൽ സമർപ്പിച്ച സാമ്പത്തിക സർവ്വേയിൽ ഈ വർഷം വളർച്ച അഞ്ചു ശതമാനവും അടുത്ത വർഷം വളർച്ച ആറു മുതൽ ആറര ശതമാനം വരെയുമാണ് പ്രവചിച്ചിരിക്കുന്നത്.

9:19 AM

Feb 1, 2020

വ്യാപാരം നടക്കും

ബജറ്റ് ദിനം നാഷണൽ സ്റ്റോക്ക് എക്സ്ചേഞ്ചിലും ബോംബെ സ്റ്റോക്ക് എക്സ്ചേഞ്ചിലും വ്യാപാരം നടക്കും. 2015 ഫെബ്രുവരി 28 -ന് അന്നത്തെ ധനമന്ത്രി അരുൺ ജെയ്റ്റ്ലി ബജറ്റ് അവതരിപ്പിച്ചപ്പോഴും ഓഹരി വിപണി ശനിയാഴ്ച്ച പ്രവർത്തിച്ചിരുന്നു.

9:09 AM

Feb 1, 2020

Delhi: Finance Minister Nirmala Sitharaman with 'Bahi-Khata' ahead of presentation of Union Budget 2020-21 pic.twitter.com/QyGTHmAhfh

— ANI (ANI) February 1, 2020

ഇത്തവണയും ചുവന്ന തുണിയിൽ പൊതിഞ്ഞാണ് ധനമന്ത്രി ബജറ്റ് രേഖകൾ പാർലമെന്റിൽ കൊണ്ടുവന്നിരിക്കുന്നത്.

9:08 AM

Feb 1, 2020

ബജറ്റിലെ വെല്ലുവിളികൾ

1. വളർച്ച കഴിഞ്ഞ 11 വർഷത്തിലെ ഏറ്റവും കുറഞ്ഞ നിരക്കിൽ 2. ഉത്പാദന മേഖലയിൽ വളർച്ച കഴിഞ്ഞ 15 വർഷത്തിലെ ഏറ്റവും കുറഞ്ഞ നിലയിൽ 3. നികുതി വരുമാനത്തിൽ രണ്ടു ലക്ഷം കോടി രൂപയുടെ കുറവ് 4. നാല് വർഷത്തിനിടെയുള്ള കുറഞ്ഞ വളർച്ചാ നിരക്കുമായി കാർഷിക മേഖല 5. വായ്പാ വിതരണത്തിലും ഇടിവ്

8:58 AM

Feb 1, 2020

ബജറ്റ് പ്രതീക്ഷകൾ

1. മാന്ദ്യം നേരിടാൻ വിവിധ പ്രഖ്യാപനങ്ങൾക്ക് സാധ്യത 2. ഗ്രാമീണ മേഖലയിൽ കൂടുതൽ പണം ചിലവഴിക്കും 3. തൊഴിലുറപ്പ് പദ്ധതിക്കുള്ള വിഹിതവും കൂലിയും കൂട്ടിയേക്കും 4. അടിസ്ഥാന വികസനത്തിനും കൃഷിക്കും കൂടുതൽ പണം ചിലവഴിക്കും 5. ആദായ നികുതി നിരയ്ക്ക് കുറയ്ക്കാൻ സാധ്യത 6. ഇറക്കുമതി ചുങ്കം കൂട്ടി മെയ്ക്ക് ഇൻ ഇന്ത്യാ പദ്ധതിക്ക് പ്രോത്സാഹനം നൽകാൻ സാധ്യത 7. കമ്പനികൾക്ക് വീണ്ടും നികുതിയിളവ് വന്നേക്കും

8:52 AM

Feb 1, 2020

ബജറ്റ് അവതരണത്തിന് മുന്നോടിയായി ധനമന്ത്രി നിർമ്മല സീതാരാമൻ മന്ത്രാലയത്തിലെത്തി.

8:47 AM

Feb 1, 2020

രണ്ടാം ബജറ്റ്

കേന്ദ്ര ധനമന്ത്രി നിർമ്മല സീതാരാമൻ അവതരിപ്പിക്കുന്ന രണ്ടാമത്തെ ബജറ്റാണ് ഇന്നത്തേത്. നരേന്ദ്ര മോദി സർക്കാർ രണ്ടാം തവണ അധികാരമേറ്റതിനെ തുടർന്ന് 2019 ജൂലായ് അഞ്ചിന് നിർമ്മല സീതാരാമൻ പാർലമെന്റിൽ ആദ്യ ബജറ്റ് അവതരിപ്പിച്ചു.

6:13 PM

Jan 31, 2020

Sensex closes 190 points lower ahead of Budget, metal and pharma stocks drag

Read ANI story | https://t.co/2y1tfDM2bB pic.twitter.com/gjdUqvNIe4

— ANI Digital (ani_digital) January 31, 2020

ബജറ്റിന് മുൻപ് ഓഹരി വിപണി 190 പോയിന്റ് ഇടിഞ്ഞു വ്യാപാരം അവസാനിപ്പിച്ചു.

6:08 PM

Jan 31, 2020

ബജറ്റ് അവതരണം നാളെ

രണ്ടാം നരേന്ദ്രമോദി സർക്കാരിന്റെ രണ്ടാം ബജറ്റാണ് നിർമ്മല സീതാരാമൻ നാളെ അവതരിപ്പിക്കുക. ബജറ്റിന് മുന്നോടിയായി പാർലമെന്റിൽ സമർപ്പിച്ച സാമ്പത്തിക സർവ്വേയിൽ അടുത്ത സാമ്പത്തിക വർഷം 6 മുതൽ 6.5 ശതമാനം വരെ ജിഡിപി വളർച്ച പ്രവചിച്ചിട്ടുണ്ട്.