ഹായ് സന്തോഷിക്കൂ... യു പി ഐ ട്രാൻസാക്ഷൻ പരിധികൾ ഉയർത്താൻ പോകുന്നു: എത്ര? എന്ന്, അറിയണ്ടേ?

യൂണിഫൈഡ് പേയ്‌മെന്റ് ഇന്റർഫേസ്  സേവനങ്ങളുടെ ഭാഗമായി പ്രവർത്തിക്കുന്ന യു പി ഐ ലൈറ്റ് ട്രാൻസാക്ഷൻ പരിധി വർദ്ധിപ്പിച്ചുകൊണ്ടുള്ള പുതിയ സർക്കുലർ പുറത്തിറക്കി നാഷണൽ പേയ്‌മെന്റ്സ് കോർപ്പറേഷൻ ഓഫ് ഇന്ത്യ. റിസർവ് ബാങ്ക് ഓഫ് ഇന്ത്യ 2024 ഡിസംബർ 4ന് നടത്തിയ പ്രഖ്യാപനത്തിന് അനുയോജ്യമായാണ് പുതിയ പരിഷ്‌ക്കരണം നടപ്പാക്കുന്നത്.

പുതിയ യു പി ഐ ലൈറ്റ് പരിധികൾ എന്തൊക്കെ?

ട്രാൻസാക്ഷൻ പരിധി:

₹500ൽ നിന്ന് ₹1,000 ആയി ഉയർത്തി.

ആകെ പരിധി:

മുൻപരിധിയായ ₹2,000 ൽ നിന്ന് ₹5,000 ആയി ഉയർത്തി.

റീചാർജ് പ്രക്രിയ :

ഉപയോഗിച്ച പരിധി വീണ്ടും നിറയ്ക്കുന്നത് ഓൺലൈൻ വഴി മാത്രം ചെയ്യാം. അതിനായി അഡീഷണൽ ഫാക്ടർ ഓഫ് ഓതന്റിക്കേഷൻ  ആവശ്യമാണ്.

ഓട്ടോ ടോപ് അപ് സൗകര്യം:

ഉപഭോക്താക്കൾക്ക് ഓട്ടോ ടോപ് അപ് സജ്ജമാക്കാൻ അവസരമുണ്ട്. യു പി ഐ ലൈറ്റ് അക്കൗണ്ടിന്റെ ബാലൻസ് നിർദ്ദിഷ്ട പരിധിക്ക് താഴെയായാൽ നമുക്ക് തന്നെ നിറയ്ക്കാം.
ഈ സൗകര്യം 2025 ജൂൺ 30 വരെ എല്ലാ ബാങ്കുകളും നടപ്പിലാക്കേണ്ടതാണ്.

പുതിയ പരിധികൾ എപ്പോൾ പ്രാബല്യത്തിൽ വരും?

2025 ഫെബ്രുവരി 27 ന് പുറത്തിറക്കിയ എൻ പി സി ഐ സർക്കുലർ പ്രകാരം ഉടൻ തന്നെ പുതിയ പരിധികൾ അംഗീകരിക്കുകയും നടപ്പിലാക്കുകയും വേണം.

യു പി ഐ ലൈറ്റ് അക്കൗണ്ടുകളുടെ അവലോകനം നോക്കിയാൽ അലസമായ യു പി ഐ ലൈറ്റ് അക്കൗണ്ടുകൾ, കഴിഞ്ഞ ആറുമാസത്തിനുള്ളിൽ ഒരു ട്രാൻസാക്ഷനും നടത്താത്ത ഇവ അലസമായവയായി കണക്കാക്കും. ഈ അക്കൗണ്ടുകളിൽ ഉള്ള ബാക്കി തുക ബാങ്ക് അക്കൗണ്ടിലേക്ക് തിരിച്ച് എടുക്കും. 2025 ജൂൺ 30 മുതൽ ഈ സംവിധാനം ബാധകമാകും.

യു പി ഐ ലൈറ്റ് എങ്ങനെ ഉപയോഗിക്കാം?

യു പി ഐ ലൈറ്റ് വഴി പണം അയക്കുന്നത് വളരെ ലളിതമാണ്.

*ആപ്പ് തുറന്ന് പേ ഓപ്ഷൻ തെരഞ്ഞെടുക്കുക.

*അയക്കേണ്ട തുക നൽകുക, പിൻ നൽകാതെ തന്നെ പണം കൈമാറാം.

*ഓരോ ട്രാൻസാക്ഷനും ₹1,000 വരെയും, ആകെ പരിധി ₹5,000 വരെയും ആയിരിക്കും.

യു പി ഐ ലൈറ്റ് പുതിയ പരിധികൾ ഉപഭോക്താക്കൾക്ക് ചെറിയ തുകയ്ക്കുള്ള പേയ്‌മെന്റുകൾ വേഗത്തിലാക്കാൻ സഹായിക്കും. കൂടാതെ, ഓട്ടോ ടോപ് അപ് വഴി വീണ്ടും പണം നിറയ്ക്കുന്നതിനുള്ള ബുദ്ധിമുട്ടുകൾ ഇല്ലാതാക്കുകയും ചെയ്യും.